တော်လှန်ရေးသမားတစ်ဦးနဲ့ အကြမ်းဖက်သမားတစ်ဦးရဲ့ကွာခြားချက်အစစ်အမှန်တွေကို လူနည်းနည်းကပဲ နားလည် ကြပါတယ်၊ ဖြစ်ရပ်တွေအများကြီးမှာ တော်လှန်ရေးသမားကို အကြမ်းဖက်သမားတစ်ယောက်လို့ တံဆိပ်တပ်လိုက်ကြ တယ်၊ အပြန်အလှန်အားဖြင့် အကြမ်းဖက်သမားကို တော်လှန်ရေးသမားလို့ ထင်မြင်ယူဆကြတယ်၊ တကယ်တမ်းမှာ အဲဒီအခေါ်အဝေါ်နှစ်ခုအချင်းချင်း ကွာခြားချက်ကဆန့်ကျင်ဘက်ပါ၊ တော်လှန်၊ အကြမ်းဖက် ဒီအမျိုးအစားနှစ်ခုလုံးရဲ့ လုပ်ဆောင်မှုတွေကိုအဆုံးအဖြတ်ပေးတဲ့ အခြေခံစည်းမျဉ်းတွေဟာ အင်မတန်ကွဲပြားနေကြပါတယ်။
ရိုးရိုးရှင်းရှင်း အဓိပ္ပါယ်ဖွင့်ကြည့်မယ်ဆိုရင် အကြမ်းဖက်သမားတစ်ဦးဟာ တခြားလူတွေ၊ ဂိုဏ်း၊ အဖွဲ့အစည်း၊ အစိုးရတွေကို သူတို့ရဲ့ လူမှုရေး၊ နိုင်ငံရေးရည်မှန်းချက်တွေအတိုင်း လက်ခံလိုက်နာလာအောင် တရားဥပဒေနဲ့ မညီတဲ့ အားကိုသုံးမယ်၊ အကြမ်းဖက်တိုက်ခိုက်တယ်၊ အတင်းအဓမ္မတိုက်တွန်းတယ်၊ အကြမ်းဖက်သမားတစ်ဦးဟာ သူလက်ခံထားတဲ့အဆင့်ကိုရဖို့ လှုပ်ရှားမှုအမျိုးမျိုးထဲက နည်းတစ်ခုခုနဲ့ကြိုးစားတယ်၊ ကျုးလွန်တယ်၊ သူတို့ရဲ့ လှုပ်ရှားမှုတွေရဲ့အချိန်အများစုမှာ ဥပဒေကနေ ဆန့်ကျင်ဖောက်ထွက်နေကြတယ်။
အခြားတစ်ဖက်မှာဆိုရင် တော်လှန်ရေးသမားတစ်ဦးကလည်း လူတွေကို သူခံယူထားတဲ့ သဘောထားအတိုင်း လက်ခံလာအောင် ပြောင်းလဲဖို့ကြိုးစားတာပါပဲ၊ ဒါပေမဲ့ အကြမ်းဖက်တဲ့နည်းမပါပါဘူး၊ အားကိုမသုံးပါဘူး၊ အကျိုးသင့်အကြောင်းသင့် ဆင်ခြင်ပိုင်းဖြတ်မှု၊ ယုံကြည်ချက်ပြင်းပြမှု၊ ရိုးသားမှု၊ ဒါတွေကိုပဲ အားအဖြစ် အသုံးပြုပါတယ်၊ လူတွေရဲ့အမြင်ကိုပြောင်းလဲဖို့ ကြိုးစားရာမှာ အင်အားမသုံးပဲ လူတွေကို သူတို့ရဲ့ပြုမူ ဆောင်ရွက်မှု၊ အတွေးအခေါ်တွေ ကိုယ်တိုင်နားလည်သဘောပေါက်လာစေပြီး ပြောင်းလဲဖို့ပဲကြိုးစားပါတယ်။
အကြမ်းဖက်သမားကတော့ လူတွေကို သတ်ဖြတ်ခြင်းနဲ့ ပိုင်ဆိုင်တဲ့ပစ္စည်းဥစ္စာတွေဖျက်ဆီးခြင်းက သူလိုချင်တာကိုရဖို့ လိုက်နာကျင့်သုံးရမယ့်နည်းလမ်းလို့ ယုံကြည်ထားတယ်၊ သူ့ရဲ့ဝါဒနဲ့သွေဖီသူတွေကို နားလည်လက်ခံလာအောင် ကြိုးစားဖို့ထက် ရှင်းလင်းပစ်လိုက်တာကပဲ အကောင်းဆုံးနည်းလမ်းလို့ သူယုံကြည်တယ်၊ တော်လှန်ရေးသမားက အခြားတစ်ဖက်ကပါ၊ လူတွေကိုသတ်ဖြတ်တာကို ဖြေရှင်းရမယ့်နည်းလမ်းလို့ သူမယုံကြည်ဘူး၊ ဖျက်ဆီး/သတ်ဖြတ် အဲဒီနည်းလမ်းတွေမှာ ဘယ်တော့မှ ပါဝင်ဆောင်ရွက်ခြင်း မပြုပါဘူး။
အဲဒီအချက်အလက်တွေကြည့်ပြီး အကြမ်းဖက်သမားဟာ ရာဇ၀တ်ပြစ်မှုမြောက်တဲ့လုပ်ရပ်တွေနဲ့ လူတွေကို သွေးဆောင် တယ်၊ လူတွေကိုဖျက်ဆီးတယ်၊ တော်လှန်ရေးသမားက ကမ္ဘာကြီးကိုပြောင်းလဲဖို့ကြိုးစားရာမှာ သွေးဆောင်ဖို့ သူ စိတ်မ၀င်စားဘူး၊ သူကိုယ်တိုင်ပဲ ဦးဆောင်ဦးရွက်ပြုတယ်ဆိုတာ သိသာမြင်သာစေပါတယ်။
အကြမ်းဖက်သမားဟာ မိမိကိုယ်တိုင် တကိုယ်ကောင်းဆန်ဆန်လည်း ဆုံးဖြတ်တတ်ပါသေးတယ်၊ ကမ္ဘာကြီးကို ပြောင်းလဲဖို့ကြိုးစားနေသူလို့ ကိုယ်တိုင်ပဲတံဆိပ်တပ်လိုက်ပါတယ်၊ ဒါပေမဲ့ သူပြောင်းလဲလိုတဲ့ ကမ္ဘာကြီးက သူနဲ့ နေသားတကျဖြစ်မဲ့၊ သူ့စိတ်ကြိုက်ကမ္ဘာမျိုးဖြစ်နေပါတယ်၊ အမြဲလိုလို ကမ္ဘာကြီးက ဘယ်လိုပုံစံဖြစ်နေသင့်တယ်ဆိုတဲ့ လွဲမှားတဲ့စိတ်ကူးသာရှိနေတတ်ပါတယ်၊ တော်လှန်ရေးသမားက တစ်ယောက်တည်းအမြင်နဲ့ သူ့အတွက်ပဲ မတွေးပါဘူး၊ ကမ္ဘာထဲက လူတွေအားလုံးအတွက် လေးလေးစားစား ရှိတယ်၊ ဖြန့်ကျက်တွေးပါတယ်၊ ကမ္ဘာကြီးကို ပိုမိုကောင်းမွန်တဲ့နေရာ၊ နေသာတဲ့နေရာဖြစ်လာဖို့ပဲ အမြဲကူညီနေလေ့ရှိပါတယ်။
အကြမ်းဖက်သမားတွေ ဘာကြောင့်အကြမ်းဖက်တာလဲ .. ဘယ်လိုအကြမ်းဖက်တာလဲ ဆိုတာ စိတ်ဝင်စားစရာတော့ကောင်းနေပါတယ်။
အကြမ်းဖက်သမားတွေ ... ဘာကြောင့် ... ဘယ်လို ...
(၁၈၀၀-၁၈၉၉)
ယူအက်စ် - ၁၈၆၅-၁၈၇၇ခုနှစ် - ငွေဝယ်ကျွန်တွေနဲ့ သူတို့ရဲ့တွဲဖက် ပြည်သူ့သမ္မတပါတီဝင် ၃၀၀၀ကျော် ကို Ku Klux Klan၊ အဖွဲ့သားတွေနဲ့ ဒေသခံလူဖြူအကြမ်းဖက်သမားအစုအဖွဲ့တွေ သတ်ဖြတ်ခဲ့ကြတယ်၊ Ku Klux Klan၊ The Klan ဆိုတဲ့အဖွဲ့ဖြစ်ပြီး KKK လို့လည်း လူသိများကြတယ်၊ ခေတ်သုံးခေတ်နဲ့ KKK အဖွဲ့အစည်း အားကြီးခဲ့ကြတယ်၊ သူတို့ရဲ့အ၀တ်အစားက အဖြူရောင်ကတော့ပုံ ခေါင်းဆောင်းမျက်နှာဖုံးနဲ့ အဖြူရောင်ခြုံထည်ပါပဲ၊ လူဖြူ၊ လူမည်းကိစ္စတွေမှာလည်း ပါဝင်ခဲ့တယ်၊ အကြမ်းဖက်တိုက်ခိုက် သတ်ဖြတ်တာတွေလုပ်ခဲ့ကြတယ်။
ရုရှားအင်ပါယာ - ၁၈၈၁ ခုနှစ် - Narodnaya Volya(လူများရဲ့စိတ်ဆန္ဒ)လို့ အမည်ပေးထားတဲ့ အဖွဲ့ဖြစ်ပြီး ရုရှားနိုင်ငံရဲ့ ဘုရင်အလက်ဇန်းဒါး II ကို လုပ်ကြံသတ်ဖြတ်နိုင်ခဲ့မှုမှာ နာမည်ကြီးပါတယ်၊ အဲဒီအဖွဲ့အစည်းဟာ ပြည်သူကိုယ်စားပြုဖို့ ပေါ်ပေါက်လာတယ်လို့ကြွေးကြော်တယ်၊ လွတ်လပ်စွာ ဟောပြောခွင့်/ပုံနှိပ်ထုတ်ဝေခွင့်/ စုရုံးခွင့်တွေကိုတောင်းဆိုတယ်၊ ပြည်သူကိုယ်စားပြု ကိုယ်ပိုင်အစိုးရ တောင်းဆိုတယ်၊ စစ်တပ်ကိုပြည်သူ volunteer တွေနဲ့ပါဝင်ဖွဲ့ထားတဲ့ အမြဲတမ်း စစ်တပ်အဖြစ် ပြောင်းလဲလိုတယ်၊ ဘုရင် အလက်ဇန်းဒါး II ဟာ ပိုလန်နိုင်ငံဘုရင်၊ ဖင်လန်နိုင်ငံမြို့စားလည်းဖြစ်တယ်။
ဆွဇ်ဇာလန် - ၁၈၉၈ စက်တင်ဘာ ၁၀ရက် - သြစတီယားဧကရီ၊ ဟန်ဂေရီဘုရင်မ Elisabeth of Bavaria ကို မင်းမဲ့ဝါဒီသမား လူအီဂျီလာချီနီဆိုသူ က ဆွဇ်ဇာလန်မှာ ချွန်ထက်တဲ့ဓါးနဲ့ နှလုံးတည့်တည့်ထိုးစိုက် သတ်ဖြတ်ခဲ့ပါတယ်၊ သူ တကယ် သတ်ဖြတ်လိုတာက ဘုရင်ကို လို့ဆိုတယ်၊ သြစတြီးယား-ဟန်ဂေရီ နှစ်နိုင်ငံဘုရင် အုပ်ချုပ်မှုစနစ်အတွင်း သမိုင်းဝင် အမှတ်တံဆိပ်ပမာ နာမည်ကျော်လှတဲ့ မင်းသမီးပါ၊ ဘိုဟီးမီးရားဘုရင်မ၊ ခရိုအေးရှားဘုရင်မလို့လည်း နာမည်ကြီးလှပါတယ်။
(၁၉၀၀-၁၉၆၉)
မော်ရိုကို - ၁၉၀၄ မေ ၁၈ရက် - ဂရိ-အမေရိကန်လူချမ်းသာကြီးအိုင်ယွန်ပါးဒီကားရစ်နဲ့ ခရွမ်းဝဲလ်ဗာလီဟာ မော်ရိုကိုမှာ ပြန်ပေးဆွဲခံခဲ့ရတယ်၊ ပြန်ပေးဆွဲသူ ရေဆူလီအာရပ်ဘ်လူမျိုးစုဝင် ရေဆွန်နီက အင်မတန်ချမ်းသာကြွယ်ဝကြတဲ့ ဆူလ်တန်ဘုရင်နဲ့ မော်ရိုကိုတော်ဝင်မျိုးဆက်တစ်ဦးဖြစ်တဲ့ Mulai Abd al-Aziz IV တို့ ဆီက ပြန်ပေးငွေ ဒေါ်လာ ၇သောင်း တောင်းဆိုခဲ့ပါတယ်။
ရုရှား -၁၉၀၄ ဇွန် ၁၆ရက် - ရုရှားဘုရင်ခံဗိုလ်ချုပ် နီကိုလိုင်အီဗန်နိုဗစ်ခ်ျဘော့ဘရီကောဗ့်ကို ဖင်လန်နိုင်ငံသား အမျိုးသားဝါဒီသမား ယူဂျန်ရှောန်မန်းက ဖန်လန်နိုင်ငံ၊ ဟဲလ်စင်ကီးမြို့တော်လွှတ်တော် အဆောက်အဦးမှာ လုပ်ကြံ သတ်ဖြတ်ခဲ့ပါတယ်၊ ဘော့ဘရီကောဗ့်ကိုလုပ်ကြံသတ်ဖြတ်မှုဟာ ဖင်လန်နိုင်ငံရေးသမားတွေအကြား မေးခွန်းထုတ်စရာ ထိပ်ဆုံးကကိစ္စရပ်ဖြစ်ခဲ့တယ်၊ ရှောန်ကို ဒီနေ့အထိဖင်လန်နိုင်ငံရဲ့သူရဲကောင်းအဖြစ်ဆုံးဖြတ်ထားကြဆဲပါပဲ။
သြစတြီးယား-ဟန်ဂေရီ ၁၉၁၄ ဇွန် ၂၈ ရက် - သြစတြီးယားဂရန်းမြို့စားကြီး ဖရန့်ဇ်ဖာဒီနန်နဲ့ ဇနီးသည်တို့ဟာ ဆာရာယေဗိုမြို့မှာလုပ်ကြံခံခဲ့ရတယ်။ ဘောစ့်နီးယား-ဟာဇီဂိုးဗီးနားဆေးရုံဖွင့်ပွဲတစ်ခုကို ဧည့်သည်တော်အဖြစ် တက်ရောက်ကြချိန် ကားနဲ့အလာ လမ်းမှာပဲ Young Bosnia အဖွဲ့ဝင်လူငယ် နဲလ်ဒဲရ်ကိုချာဗရီနိုဗစ်က လက်ပစ်ဗုံး တစ်လုံးကို မြို့စားကြီးရဲ့ကားထဲအရှိန်နဲ့ ပစ်သွင်းလိုက်ပါတယ်၊ ဗုံးက ၁၀စက္ကန့်နောက်ကျသွားပြီး နောက်ကားတစ်စင်းရဲ့ ဘီးနားမှာပေါက်ကွဲသွားခဲ့တယ်၊ ဒဏ်ရာရသူတွေရှိခဲ့တယ်၊ အဲဒီလူငယ်က အသင့်ယူလာတဲ့ ဆိုင်ယာနိုက်အဆိပ်ဆေးပြားကို မျိုချပြီး မြစ်ထဲခုန်ဆင်းပေမဲ့ ဆေးပြားကရက်လွန်နေသလို မြစ်ကလည်း မနက်ခဲ့ပါဘူး၊ အဲဒီလူငယ်ကို ရဲကဖမ်းမိခဲ့တယ်၊ မြို့စားကြီးက လွတ်မြောက်သွားခဲ့တယ်၊ သူ အော်ဟစ်ပါတယ်၊
“ဧည့်သည်တွေကို ဗုံးနဲ့ဧည့်ခံသလား” လို့ တာဝန်ရှိသူတွေကို ကြိမ်းမောင်းခဲ့တယ်၊ ဒဏ်ရာရသူတွေကို ကြည့်ရှုဖို့ ဆေးရုံကိုဆက်ပြီးအသွားမှာ ကားမောင်းသူရဲ့လမ်းအရွေးမှားမှုကြောင့် လမ်းခုလတ်မှာ လုပ်ကြံသူတွေ အကြံအထမြောက်စေဖို့ ဖြစ်သွားခဲ့တယ်၊ Young Bosnia နဲ့ Black Hand အဖွဲ့သား နောက်ထပ်တစ်ယောက်ဖြစ်တဲ့ အသက်၁၉နှစ်အရွယ် ဆားရ်ဘီးယန်းလူမျိုး ဂါဗရီလိုပရင်စီးပ်ဟာ FN Model 1910၊ .32 ACP အိပ်ဆောင် ပစ်စတိုသေနတ်နဲ့ ဖရန့်ဇ်ဖာဒီနန်ရဲ့လည်ပင်း၊ ဇနီးဆိုဖီရဲ့ဝမ်းဗိုက်ပိုင်းတွေပစ်ခတ်ခဲ့တယ်၊
ကယ်ဆယ်ဖို့လူတွေရောက်လာတဲ့ အချိန်ထိ ဖရန့်ဇန်ဖာဒီနန် အသက်ရှင်နေဆဲဖြစ်ပြီး ဇနီးသည်ကို
“ဒါလင် သေလို့မဖြစ်ဘူး၊ ငါတို့ကလေးတွေအတွက် အသက်ရှင်ပေးပါ” လို့ တဖွဖွ ပြောဆိုနေခဲ့ပါတယ်၊ မိနစ်ပိုင်းအတွင်း သူ သေဆုံးသွားခဲ့ပြီး ဆိုဖီကတော့ ဆေးရုံ အသွားလမ်းခုလတ်မှာပဲ သေဆုံးသွားခဲ့ပါတယ်၊ ပရင်စီးပ်လည်း ကိုယ်ကိုယ်တိုင် သေနတ်နဲ့ပစ်သတ်ဖို့ ကြိုးစားပေမဲ့ သေနတ်ကိုတစ်စုံတစ်ယောက်က ဆွဲယူသိမ်းဆည်းနိုင်ခဲ့ပြီး ပထမလူငယ်လိုပဲ ဆိုင်ယာနိုက်ဆေးပြား မျိုချခဲ့တယ်၊ ပျို့အန်ခဲ့တာနဲ့ မသေခဲ့ပါဘူး၊ ပရင်စီးပ်ကိုဖမ်းဆီးမိခဲ့ပြီး သေဒဏ်ပေးဖို့ အသက်မပြည့်သေးတဲ့အတွက် ထောင်ဒဏ် နှစ်၂၀ အမြင့်ဆုံးပစ်ဒဏ်ချမှတ်ခဲ့တယ်၊ လုပ်ကြံသတ်ဖြတ်ပြီး ၃နှစ်နဲ့ ၁၀လ အကြာ တဲရဲဇင်ထောင်ထဲမှာ သေဆုံးခဲ့ပါတယ်၊ အဲဒီဖြစ်ရပ်ဟာ ပထမကမ္ဘာစစ်ဖြစ်ပွားဖို့ သေနတ်မောင်းဖြုတ်ခဲ့တဲ့ ဖြစ်ရပ်တစ်ခုအဖြစ် သမိုင်းမှာ နာမည်ဆိုးနဲ့ကျော်ကြားခဲ့ရတယ်။
ယူအက်စ် - ၁၉၂၀ စက်တင်ဘာ ၁၆ရက် - wall street ဗုံးခွဲတိုက်ခိုက်မှုပါ၊ နယူးယောက်မြို့တော်ရဲ့ စီးပွားရေး ရပ်ကွက် FiDi မှာ နေ့လည် ၁၂ နာရီ ၁မိနစ် က ဖြစ်ပွားခဲ့ပါတယ်၊ ၃၈ ဦးသေဆုံးပြီး လူပေါင်း ၃၀၀ ကျော် ဒဏ်ရာရခဲ့ကြတယ်၊ စုံစမ်းစစ်ဆေးမှုအများစုမှာ အီတလီမင်းမဲ့ဝါဒီသမားတွေရဲ့တိုက်ခိုက်မှုလို့ ယူဆခဲ့ကြပြီး ၂၉ယောက်မြောက် အမေရိကန်သမ္မတ ၀ါရင်းဂျီဟားဒင်းလက်ထက်မှာတော့ ဆိုဗီယက်က ကြိုးကိုင်ခိုင်းစေခဲ့တာဖြစ်နိုင်တယ်လို့ သတင်းထုတ်ပြန်ခဲ့ကြတယ်၊ နောက်တော့ ကွန်မြူနစ်ပါတီ USA လုပ်တယ်လို့ နာမည်တပ်ပြန်တယ်၊ ၁၉၄၄ ခုနှစ်မှာ ဖက်ဒရယ်စုံစမ်းစစ်ဆေးရေးဗျူရိုရဲ့ ထုတ်ပြန်ချက်တွေမှာ ယူနီယံရုရှားအလုပ်သမားအဖွဲ့၊ IWW၊ ကွန်မြူနစ် စတဲ့ အဖွဲ့အစည်းတွေလို့ ယူဆကြတယ်၊ နောက်ဆုံး စုံစမ်းစစ်ဆေးမှုတွေမှာတော့ အီတလီမင်းမဲ့ဝါဒီသမားတွေ ဒါမှမဟူတ် အီတလီအကြမ်းဖက်သမားတွေလို့ သတင်းထုတ်ပြန်ခဲ့ကြပါတယ်။
ဗြိတိသျှအမိန့်အရပါလက်စတိုင်း - ၁၉၂၀-၁၉၄၈ - ၁၉၂၀ ပါလက်စတိုင်းအဓိကရုဏ်း(Nabi Musa အဓိကရုဏ်း)လို့ နာမည်ကြီးပါတယ်၊ အဲဒီအဓိရုဏ်းဟာ ဂျူးလူမျိုးတွေရဲ့တည်ရှိမှုမှာ ၂၈နှစ်ကြာ အကြီးအကျယ် အနှောင့်အယှက် ဖြစ်ခဲ့ကြတယ်။
 |
| King David Hotel after Bombing |
၁၉၄၆ ဇူလိုင် ၂၂ရက်နေ့ မှာ ဂျေရုစလင်မြို့တော် King David ဟိုတယ်မှာ ဂျူးအမျိုးသားလှုပ်ရှားမှုအဖွဲ့ ဇီယွန်နစ်နဲ့ မြေအောက်အဖွဲ့အစည်းအားဂန်တို့က ဗုံးခွဲတိုက်ခိုက်ခဲ့ပါတယ်၊ အဲဒီဟိုတယ်ဟာ ပါလက်စတိုင်းနိုင်ငံဆိုင်ရာ ဗြိတိသျှ စစ်တပ်ရုံးချုပ်ရုံးစိုက်တဲ့နေရာဖြစ်တယ်၊ ဗြိတိသျှတပ်သား ၉၁ယောက်နဲ့ အရပ်သားသေဆုံးမှုတွေရှိခဲ့တယ်။
ယူအက်စ် ၁၉၄၀-၁၉၅၆ - ဂျော့ခ်ျမက်တက်စကီးဟာ “ဗုံးခွဲအရူး” လို့ နာမည်ကြီးတယ်၊ အဲဒီ ဗုံးခွဲအရူး မက်တက်စကီးဟာ နယူးယောက်မြို့တော်မှာ ၁၆ နှစ်လုံးလုံး ပြဇာတ်ရုံ၊ စာကြည့်တိုက်၊ လေဆိပ်၊ ကားဂိတ်၊ ရထားဂိတ်၊ အစိုးရရုံးတွေမှာ ဗုံးပေါင်း ၃၀ကျော် တစ်ယောက်တည်း လှည့်ပြီးခွဲနေခဲ့ပါတယ်၊ မက်တက်စကီးဟာ ကုမ္ပဏီပေါ်မှာ မုန်းတီးခဲ့တဲ့ စိတ်အခံကြောင့် တိုက်ခိုက်မှုတွေ ပြုလုပ်ခဲ့တာပါ၊ ပထမကမ္ဘာစစ်ပြီးတဲ့နောက် ယူအက်စ်ရေတပ်ထဲဝင်ခဲ့ပြီး လျှစ်စစ်ကျွမ်းကျင်အဖြစ်အလုပ်လုပ်ခဲ့တယ်၊ နောက် ဇာတိကိုပြန်ခဲ့ပြီး ယူအက်စ်ရဲ့ အကြီးဆုံးလျှပ်စစ်ကုမ္ပဏီ ConEdison မှာ စက်ပြင်ဆရာအဖြစ်လုပ်ခဲ့တယ်၊ ဘွိုင်လာအိုးပေါက်ကွဲခဲ့တာကြောင့် အဆုတ်ထဲ အငွေ့တွေဝင်ရောက်ကာ အလုပ်မှ လစာနဲ့ ၂၆ပတ်ခန့် နားနေခဲ့ရတယ်၊ နောက်ပိုင်းမှာ အဲဒီအလုပ်ကိုဆုံးရှုံးခဲ့ရတယ်၊ အလုပ်မှ ထိခိုက်မှုကြောင့် နမိုးနီးယားရခဲ့ပြီး တီဘီရောဂါဆက်ပြီးဖြစ်ပွားခဲ့ပါတယ်၊ အလုပ်သမားလျော်ကြေးအတွက် တိုင်ကြားတောင်းခံခဲ့ပေမဲ့ ကုမ္ပဏီက ငြင်းဆန်ခဲ့ပြီးတဲ့နောက် ConEdison ကုမ္ပဏီကိုအလွန်အမင်းမုန်းတီးခဲ့တယ်၊ ပထမဆုံးဗုံးကို ၁၉၄၀ နိုဝင်ဘာ ၁၆ရက်နေ့မှာ ConEdison ပင်မလျှပ်စစ်ဌာနမှာ ချထားခဲ့တယ်၊ နောက်ပိုင်းမှာ ဗုံးခွဲမှုတွေ ဆက်တိုက်လုပ်ခဲ့တယ်၊ သတင်းစာတိုက်တွေကိုပါ ခြိမ်းခြောက်စာတွေ ရေးသားခဲ့တယ်၊ ၁၉၄၁ ဒီဇင်ဘာမှာ ဒုတိယကမ္ဘာစစ်ထဲ အမေရိကန်ပါဝင်လာခဲ့တော့ ရဲဌာနကို စာလုံးမဲကြီးတွေနဲ့စာရေးပို့ခဲ့ပါတယ်၊ “စစ်ပွဲအတွင်း ကျွန်တော် ဗုံးတွေကို ပြုလုပ်မှာ မဟုတ်ဘူး၊ ကျွန်တော့်ရဲ့မျိုးချစ်စိတ်က ဒီလိုဆုံးဖြတ်ဖို့ ခိုင်းစေခဲ့တာဖြစ်တယ်၊ စစ်ပွဲပြီးရင်တော့ ConEdison ကို တရားမျှတတဲ့ဘက်ရောက်စေဖို့ ကျွန်တော်ပြန်လာဦးမယ်၊ သူတို့ရဲ့ တာဝန်မဲ့တဲ့လုပ်ရပ်အတွက် သူတို့ပြန်ပြီးပေးဆပ်ရဦးမှာပဲ. F.P” လို့ ရေးသားခဲ့တယ်၊ အမှုပေါင်း ၄၇မှုနဲ့ တရားစွဲခံရတယ်၊ သူ့ရဲ့ ခြိမ်းခြောက်စာတိုင်းမှာ F.P လို့ အဆုံးသတ်ရေးထားတာနဲ့ပတ်သတ်ပြီး စုံထောက်တွေကစစ်ဆေးမေးမြန်းတဲ့အခါ သူက Fair Play ပါလို့ ဖြေကြားခဲ့ပါတယ်၊ နယူးယောက် Fishkill Correctional Facility အကျဉ်းထောင်မှာ အကျဉ်းကျခံရပြီး ၁၉၇၃ မှာ Creedmoor စိတ်ရောဂါကုစင်တာကိုပြောင်းရွှေ့ခဲ့ရတယ်၊ အဲဒီနှစ်မှာပဲ လွတ်မြောက်ခဲ့ပါတယ်။ မြို့တော်ဝန်၊ ရဲဌာနနဲ့ သတင်းစာတိုက်တွေဆီကို စာပေါင်း ၉၀၀ ရေးသားပေးပို့ခဲ့တယ်၊ အကျဉ်းထောင်ကလွတ်လာခဲ့ပြီး နှစ်၂၀ အကြာ အသက် ၉၀ မှာ သေဆုံးခဲ့ပါတယ်။
ဆီးရီးယား ၁၉၄၉ သြဂုတ် ၅ ရက် - ဇူလိုင်လ ၂၀ရက်နေ့က လူစန်းညီလာခံမှာ အစ္စရေး-ဆီးရီးယားတို့ ၁၉၄၉ စစ်ပြေငြိမ်းရေးသဘောတူညီချက် စာချုပ်ချုပ်ဆိုခဲ့ကြပြီးတဲ့အချိန်နဲ့တိုက်ဆိုင်စွာပဲ အနောက်နိုင်ငံဆန့်ကျင်ရေး အမျိုးသားအင်အားစုတွေက ဂျူးဆန့်ကျင်ရေးအတွက် ပိုမိုလှုပ်ရှားလာပြီး ဒမတ်စ်စကပ်မြို့တော် မနောရှားဆီးနဂေါန် ဂျူးရပ်ကွက်ထဲကို လက်ပစ်ဗုံးမြောက်များစွာပစ်သွင်းခဲ့တယ်၊ ဂျူးလူမျိုး၊ ကလေးငယ်တွေအပါအ၀င် ၁၂ ဦး သေဆုံးခဲ့ပြီး ၃၀ခန့် ဒဏ်ရာရခဲ့ကြတယ်။
ဆိုက်ပရပ်စ် ၁၉၅၆ ဇွန် ၁၆ ရက် - ဆိုက်ပရပ်စ်နိုင်ငံ၊ မြို့တော် နီကိုစီးရာမှာ လူတစ်ဦးက ဗုံးခွဲတိုက်ခိုက်တာကြောင့် ၆ ဦး ဒဏ်ရာရခဲ့ပါတယ်၊ နီကိုစီးရာဟာ တူရကီပြည်သူ့သမ္မတနိုင်ငံမြောက်ပိုင်း ဆိုက်ပရပ်စ် ဖြစ်ပြီး ဆိုက်ပရပ်ကျွန်းဟာ အဲဒီအချိန်က ဂရိဆိုက်ပရပ်စ်နဲ့ တူရကီဆိုက်ပရပ်စ်ဆိုပြီး မြောက်ပိုင်း၊ တောင်ပိုင်း ၂ပိုင်းကွဲခဲ့ပါတယ်။
လက်ဘနွန် ၁၉၅၈ သြဂုတ် ၁၅ရက် - မြို့တော်ဘေရွတ်မှာ ဗုံးတစ်လုံးခွဲခဲ့ပြီး လူ ၃ ဦးသေဆုံးခဲ့ပါတယ်၊ အဲဒီဗုံးကြောင့် ၁၀ဦးခန့် ထပ်မံဒဏ်ရာရခဲ့ပြီး အဲဒီနေ့က အရှေ့အလယ်ပိုင်းမှာအကြမ်းဖက်တိုက်ခိုက်မှုတွေ အဆုံးသတ်စေရေးအတွက် ယူအန်အထွေထွေအစည်းအဝေးမှာ ဆွေးနွေးအဖြေရှာနေကြတဲ့အချိန်ဖြစ်တယ်။
ဗီယက်နန် - ၁၉၆၅ ဇွန် ၂၆ ရက် - ဟိုချီမင်းမြို့တော် ဆိုင်ဂုံမြစ်ထဲက ရေပေါ်စားသောက်ဆိုင်မှာ ၂ ကြိမ် ဗုံးခွဲပါတယ်၊ ပထမတကြိမ်မှာ လူပေါင်း ၂၃ ဦးသေဆုံးခဲ့ပြီး ဒုတိယအကြိမ်ဗုံးကွဲချိန်မှာ အမေရိကန်အမျိုသမီးတစ်ဦး သေဆုံးခဲ့တယ်၊ လူပေါင်း ၁၀၀ ကျော်ဒဏ်ရာရခဲ့ပါတယ်။
ဂရိ - ၁၉၆၇ နိုဝင်ဘာ ၁၂ ရက် - ရိုဒေါစ့်ဂရိကျွန်းအနီး British European Airways Flight 284 ပေါက်ကွဲခဲ့ပြီး မြေထဲပင်လယ်ထဲကို ပျက်ကျခဲ့တယ်၊ ခရီးသည်တွေနဲ့ လေယာဉ်အမှုထမ်း ၆၆ ဦးလုံး သေဆုံးခဲ့ပါတယ်၊ ခရီးသည်တစ်ယောက်ရဲ့ထိုင်ခုံအောက်မှာ စစ်တပ်သုံးပလပ်စတစ်ဗုံးနဲ့ ခွဲခဲ့တာကို စစ်ဆေးသိရှိခဲ့ကြတယ်။
ဒီအကြမ်းတိုက်ခိုက်မှုတွေဟာ ၁၉ရာစု/၂၀ရာစု တွေရဲ့ နာမည်ကြီးတဲ့ အကြမ်းဖက်တိုက်ခိုက်မှုတွေပါ၊ ဒီဘက်ရာစုနှစ်တွေမှာ အကြမ်းဖက်တိုက်ခိုက်မှုစာရင်းတွေ နိုင်ငံအ၀ှမ်းအများကြီးပဲဖြစ်လို့နေပါပြီ၊ အကြမ်းဖက်သမားတွေ ဘာကြောင့် ဘယ်လိုတိုက်ခိုက်တယ်ဆိုတာနည်းနည်းပါးပါး သိရပြီးတဲ့အခါ တော်လှန်ရေးသမားတွေရဲ့ ဘာကြောင့် ... ဘယ်လို ... ဆိုတာလည်း ဖတ်ကြည့်စေချင်ပါတယ်၊
တော်လှန်ရေးသမားတွေ ... ဘာကြောင့် ... ဘယ်လို ...
၁၆ရာစုက ဂျာမန်ဘုန်းကြီး၊ ဘာသာရေးပညာ ပရော်ဖက်ဆာ မာတင်လူသာ ဟာ ပရိုတက်စတင့် ပြန်လည်ပုံသွင်းခြင်း စတင်လုပ်ဆောင်ခဲ့သူဖြစ်တယ်၊ ကက်သလစ်ဘာသာဝင်တွေရဲ့ အပြစ်သားတွေကို ဘုရားသခင်အပြစ်ပေးခြင်း (ကက်သလစ်ဘုရားကျောင်းတွေမှာ အခွန်ပေးဆောင်ခြင်းအားဖြင့် အပြစ်မှလွတ်ကင်းစေခြင်း)ကို စတင်ကန့်ကွက်ခဲ့ပါတယ်၊ ၁၅၁၇ ခုနှစ်မှာ The Ninety-Five Theses ကျမ်းစာကိုရေးသားခဲ့တယ်၊ အဲဒီကျမ်းဟာ နောက်ပိုင်းမှာ ဥရောပရဲ့ မြင့်မြတ်တဲ့အမွေအနှစ်တွေထဲက အထင်ရှားဆုံးတစ်ခုဖြစ်လာခဲ့တယ်။ နောက်ထပ် ဂုဏ်သရေရှိရှိကျော်ကြားခဲ့တဲ့ Luther's Large Catechism/ Luther's Small Catechism/ On the Freedom of a Christian စာအုပ်တွေကိုလည်း ရေးသားခဲ့ပါတယ်။
အိုလီဗာခရွမ်းဝဲလ် (ဧပြီ ၂၅ ၁၅၉၉ - စက်တင်ဘာ ၃ ၁၆၅၈) - အင်္ဂလန်နိုင်ငံကို ရီပတ်ပလီကန် ဓနသဟာယနိုင်ငံဖြစ်လာစေဖို့ စတင်လှုပ်ရှားခဲ့တဲ အင်္ဂလိပ်စစ်သား၊ နိုင်ငံရေးသမားခေါင်းဆောင်တစ်ဦး အဖြစ် ကျော်ကြားပါတယ်၊ သူ့ရဲ့နိုင်ငံရေးအမြင်ဟာ အိုင်ယာလန်နဲ့ ယူကေနှစ်နိုင်ငံအတွင်းဖြစ်ပွားခဲ့တဲ့ ရန်ငြိုးတွေကနေအကြောင်းရင်းတစ်ခုအဖြစ်စတင်ခဲ့တယ်၊ အင်္ဂလိပ်ပြည်တွင်းစစ်ပွဲအတွင်း ပါလီမန်အမတ် တွေနဲ့ဖွဲ့စည်းခဲ့တဲ့ New Model Army မှာ စစ်ဗိုလ်တစ်ဦးအဖြစ်တာဝန်ထမ်းဆောင်ခဲ့ပါတယ်၊ အင်္ဂလန်၊ စကော့တလန်နဲ့ အိုင်ယာလန်နိုင်ငံရဲ့ ဗြိတိသျှဖွဲ့စည်းအုပ်ချုပ်ပုံဥပဒေအရ ပေါ်ထွက်လာခဲ့တဲ့ Lord Protector ဘွဲ့ရခဲ့တယ်။
ကလောဒီဖိုရှေး(စက်တင်ဘာ ၂၂ ရက် ၁၇၄၄- အောက်တိုဘာ ၃၁ ရက် ၁၇၉၃) ပြင်သစ်တော်လှန်ရေးခရစ်ယာန်ဂိုဏ်းအုပ်တစ်ဦးပါ။
မက်ဇီမီလိန်းရုဘ်စပီးရဲ (မေ ၆ရက် ၁၇၅၈ - ဇူလိုင် ၂၈ ၁၇၉၄) - ပြင်သစ်တော်လှန်ရေးမှာ နာမည် အကျော်ကြားဆုံးနဲ့ လွှမ်းမိုးမှုအရှိဆုံးပုံရိပ်တွေထဲက တစ်ဦးဖြစ်တယ်၊ ၁၈ရာစုအတွင်းက ပညာအလင်း ဖြန့်ဝေပေးခဲ့တဲ့ ဒဿနိက ပညာရှင်ကြီးတွေဖြစ်တဲ့ ဂျီးန်ဂျက်ရူးဆိုးနဲ့ မွန်းတက်စ်ခရူးတို့ရဲ့အသိအမြင်ဒဿန လွှမ်းမိုးပါတယ်။
မဟတမဂန္ဓီ (အောက်တိုဘာ ၂ ရက် ၁၈၆၉ - ဇန်န၀ါရီ ၃၀ ရက် ၁၉၄၈) - အိန္ဒိယနိုင်ငံလွတ်လပ်ရေးကြိုးပမ်းမှုတွေ အတွက် လုပ်ဆောင်ရာမှာ နူးညံ့တဲ့လှုပ်ရှားမှုအသွင် ဖော်ဆောင် ခဲ့တဲ့ ငြိမ်းချမ်းရေဖခင်ကြီးဖြစ်ခဲ့တယ်၊ အိန္ဒိယအမျိုးသားအကြမ်းဖက် အဖွဲ့အစည်းတစ်ခုနဲ့ အဆက်အသွယ်ရှိသူ ဟိန္ဒူအမျိုးသားဝါဒီ နက်သူရမ်ဂေါ့ဒ်စီက အီတလီလုပ် .၃၈ အော်တိုသေနတ်နဲ့ လုပ်ကြံသတ်ဖြတ်တာခံခဲ့ရပါတယ်။
မာတင်လူသာကင်းဂျူနီယာ (ဇန်န၀ါရီ ၁၅ရက် ၁၉၂၉ – ဧပြီ ၄ရက် ၁၉၆၈) - အမေရိကန်ခရစ်ယာန်ဘုန်းတော်ကြီးဖြစ်ခဲ့ဖူးသူ၊ တော်လှန်ရေးသမား၊ အထူးသဖြင့် အာဖရိကန်-အမေရိကန်ပြည်သူပြည်သားတွေရဲ့အခွင့်အရေးအတွက်လှုပ်ရှားခဲ့သူ၊ ထင်ရှားတဲ့ခေါင်းဆောင်တစ်ဦးပါ၊ မဟတမဂန္ဓီရဲ့သွန်သင်ဆုံးမမှုတွေကိုလိုက်နာခဲ့ရင်း အကြမ်းမဖက်တဲ့နည်းလမ်းနဲ့ ပြည်သူပြည်သားတွေရဲ့ အခွင့်အရေးအတွက်၊ ငြိမ်းချမ်းရေးအတွက်လှုပ်ရှားခဲ့သူအဖြစ် ယူအက်စ်အတွက်၊ တကမ္ဘာလုံးအတွက် အကောင်းဆုံးငြိမ်းချမ်းရေးအမှတ်တံဆိပ်ဖြစ်ခဲ့တယ်၊ ၁၉၆၈ ဧပြီ ၄ရက်နေ့မှာ တန်နက်ဆီပြည်နယ် မမ်းဖစ်မြို့တော်မှာလုပ်ကြံခံခဲ့ရပါတယ်၊ ကင်းရဲ့ အားထုတ်မှုတွေထဲမှာ ဆင်းရဲငတ်မွတ်မှုအဆုံးသတ်ရေးနဲ့ ဗီယက်နမ်စစ်ပွဲအဆုံးသတ်ရေးမှာအတွက်လည်း ဦးတည်လုပ်ဆောင်ခဲ့တယ်။
မော်စီတုန်း (ဒီဇင်ဘာ ၂၆ ရက် ၁၈၉၃- စက်တင်ဘာ ၉ ရက် ၁၉၇၆) ဟန်တရုတ်တော်လှန်ရေးသမား၊ နိုင်ငံရေးသမား၊ ကွန်မြူနစ်ခေါင်းဆောင် ဖြစ်တယ်၊ ၁၉၄၉ ခုနှစ်က စတင်ဖွဲ့စည်းခဲ့တဲ့ People's Republic of China (PRC) ကို သေဆုံးတဲ့အချိန်ထိ ဦးဆောင်ခဲ့တယ်၊ မော်စီတုန်းရဲ့ မာစ့်-လီနင်ဝါဒပါဝင်တဲ့အယူအဆ၊ စစ်ဗျူဟာတွေနဲ့ ကွန်မြူနစ်လမ်းစဉ်တွေကိုစုပေါင်းပြီး အခုအခါ မော်ဝါဒလို့ ခေါ်ဆိုကြတယ်၊
မော်စီတုန်း ရေးသားခဲ့တဲ့ စာအုပ်တွေက -
• On Guerrilla Warfare 1937
• On Practice 1937
• On Contradiction 1937
• On Protracted War 1938
• In Memory of Norman Bethune 1939
• On New Democracy 1940
• Talks at the Yan'an Forum on Literature and Art 1942
• Serve the People 1944
• The Foolish Old Man Who Removed the Mountains 1945
• On the Correct Handling of the Contradictions Among the People 1957 တို့ဖြစ်ကြပါတယ်။
တော်လှန်ရေးသမားတွေထဲမှာထင်ရှားတဲ့ အထူးသဖြင့်လူငယ်တွေကပါ အင်မတန်လေးစားကြတဲ့ ချေဂေးဗားရာကို ချန်ထားလို့မရပါဘူး၊ ချေဂေဗားရာဟာ မာစ့်ဝါဒီတော်လှန်ရေးသမားပါ၊ ၁၉၅၀ ခုနှစ်မှာ မော်တာတစ်လုံး ကိုယ်တိုင် တပ်ဆင်ထားတဲ့ မော်တော်ဆိုင်ကယ်နဲ့ မြောက်ပိုင်းအာဂျင်တီးနား ၄၅၀၀ကီလိုမီတာခရီးရှည်ကို တစ်ကိုယ်တည်း ထွက်ခဲ့တယ်၊ ၁၉၅၁ ခုနှစ်မှာ မြောက်အမေရိကပြည်နယ်တွေဆီ ၈၀၀၀ကီလိုမီတာခရီးနှင်ခဲ့တယ်၊ အဲဒီခရီးစဉ်တွေက လက်တင်အမေရိကရဲ့ လက်ရှိစီးပွားရေး အခြေအနေတွေသိမြင်လာခဲ့ပြီး သူရဲ့အတွေးအမြင်တွေကို အခြေခံကျကျ ပြောင်းလဲဖို့ ဖြစ်လာတယ်လို့ဆိုတယ်၊ ယူအက်စ်က အထောက်အပံ့ပေးထားတဲ့ အာဏာရှင်ကျူးဘားသမ္မတ ဖူလ်ဂျန်ဆီယို ဘက်တစ်စတာကိုဆန့်ကျင်တဲ့ ကျူးဘားတော်လှန်ရေး(၁၉၅၉ ဇန်န၀ါရီ ၁ ရက်)မှာ အဓိကခေါင်းဆောင်ဖြစ်ခဲ့တယ်၊ ဖီလ်ဒဲကက်စရိုကလည်း အဲဒီ ကျူးဘားတော်လှန်ရေးကို ဦးဆောင်ခဲ့တဲ့ ခေါင်းဆောင်ထဲကတစ်ဦးပါပဲ၊ ချေဂေးဗားရာရဲ့ “The Motorcycle Diaries” မှတ်စုဟာ နောက်ပိုင်းမှာ နယူးယောက်တိုင်းမ်ရဲ့ အရောင်းရဆုံးစာရင်းဝင်ခဲ့တဲ့စာအုပ် ဖြစ်ခဲ့တယ်၊ တိုင်းမ်မဂ္ဂဇင်းကြီးက ၂၀ရာစုရဲ့အလွှမ်းမိုးဆုံး၁၀၀ထဲက တစ်ဦးလို့ ချေဂေးဗားရာကို အမည်တပ်ခဲ့ပါတယ်။
ကျူးဘားဓါတ်ပုံဆရာအဲလ်ဘာ့တိုကော်ဒါရိုက်ကူးခဲ့တဲ့ “သူရဲကောင်းပြောက်ကျားတပ်သား”(Guerrillero Heroico) လို့ အမည်ပေးထားတဲ့ဓါတ်ပုံဟာ ကမ္ဘာမှာအကျော်ကြားဆုံးဓါတ်ပုံအဖြစ် ကြေညာခြင်းခံခဲ့ရပါတယ်၊ ၁၉၆၀ခုနှစ် ဟာဗားနားဆိပ်ကမ်းမှာ ပေါက်ကွဲမှုဖြစ်ခဲ့စဉ် ချေဂေးဗားရာရဲ့ ရုပ်သွင်ကို ကော်ဒါ .. လျှပ်တပြက်ရိုက်ကူးခဲ့တယ်၊
ကော်ဒါ က ပြောခဲ့တယ် ...
“အဲဒီပုံမှာ ချေဂေးဗားရာရဲ့ “ဒေါသနဲ့နာကျင်မှု” ကို မြင်တွေ့ခဲ့ရတယ်” တဲ့ ...
မော်နီတာဂျာနယ် အတွဲ (၁)၊ အမှတ် (၂၇)
