Wednesday, March 28, 2012

သုခဘုံထဲက ဒုက္ခ

သိမ်မွေ့တဲ့ လေပြေကလေး သဲ့သဲ့တိုက်ခတ်နေစဉ် ဒီဇင်္ဘာလ တရက်မှာ ကျွန်မတို့ဟာဖိလစ်ပိုင် တောင်ပိုင်းကမ်းခြေတလျှောက်မှာ အေးအေးဆေးဆေး ရွက်လွှင့် ထွက်ခွာနေကြတယ်။ကျွန်မတို့ ရောက်ရှိနေတဲ့ နေရာကနေ ပြန်လှည့်ကြည့်လိုက်ရင်တော့ ကျွန်မတို့နေတဲ့ကျွန်းကလေးကို ရေးရေးဘဲ မြင်နိုင်တော့တယ်။ ဖြာကျနေတဲ့ နေရောင်ခြည်ကလေးက ရေပေါ်မှာ အပြာရောင်ဖွဖွလေး တောက်ပနေတယ်။ သစ်ပင်တွေနဲ့ စက်ရုံတွေကိုလည်း နေရာတိုင်းမှာ ထိုးထိုးထောင်ထောင် မြင်နေရတယ်။ ပျော်ပျော်ရွှင်ရွှင် ကျီကျီကျာကျာ အော်မြည်ရင်း ဟို..ကောင်းကင်အမြင့်ကို ပျံတက်နေတဲ့ ချစ်စရာငှက်ကလေးတွေကိုလဲ မြင်နေရတယ်။ ဒါဟာ ၁၉၈၀ခုနှစ်များဆီက..ရိုက်ကူးခဲ့တဲ့ ဖိလစ်ပိုင် ရုပ်ရှင်ပြကွက်တခုကို ဖေါ်ပြပေးနေတာပါ ။

ကျွန်မဟာ နှစ်ပေါင်းများစွာ ရုပ်ရှင် သရုပ်ဆောင်အဖြစ် ကျင်လည်ရင်း ခုအခါမှာလဲ ရုပ်ရှင်ရိုက်ကူးဖို့ တစ်ဖန် ရောက်ရှိလာခဲ့တာပါ။ အဖွဲ့သားအားလုံး ၃၀လောက်ရှိမဲ့ ကျွန်မတို့ဟာ ကျွန်မတို့ တည်းခိုရမဲ့ ဧည့်ရိပ်သာမှာ အသီးသီး အသင့် နေရာယူလိုက်ကြပါတယ်။ နောက်နေ့မနက် ကျွန်မတို့ ရိုက်ကူးရမယ့် နေရာမှာ ပွဲကြည့်ပရိသတ်တွေက  အများကြီးဘဲ။ ညံညံ စီစီ ဝေေ၀ ရှိ်နေပီ။ ကျွန်မတို့လည်း မိတ်ကပ် အသင့်အနေအထားပြင်ဆင်ပြီးကြပြီ။

“ မီး   ကင်မရာ  အက်ရှင်” ဆိုတဲ့ အသံတွေ ထွက်ပေါ်လာပြီ။ ဒါပေမဲ့..
မမျှော်လင့်တဲ့ ထူးထူးဆန်းဆန်းအသံတခု။ ပရိသတ်ကြားက ထွက်ပေါ်လာတယ်။

“ ဒီနှစ်ယောက်ကို ငါတို့ ငှားချင်တယ် ရမလား” တဲ့။

ကျွန်မအသံလာရာ ကြည့်လိုက်တော့
“အလိုလေး”


လူအုပ်ထဲက လူရွယ်တယောက်ရှေ့ထွက်လာပြီး လက်နက်ကိုင် လူတစု ခြံရံလို့၊ ပြောတဲ့ အသံက  မူးမူးရူးရူး  ထွေလုံးရစ်ပတ်နှင့်..
ဒါရိုက်တာကတော့ ကောင်းကောင်းမွန်မွန်ပါဘဲ.ယဉ်ယဉ်ကျေးကျေး ပြန်ပြောတယ်။

“ မရပါဘူးခင်ဗျာ၊ ကျွန်တော်တို့ အစီအစဉ်အတိုင်း ဆက်လုပ်ဖို့ ရှိပါတယ်” တဲ့။
“ ”တိတ်စမ်း”
လူရွယ်က ဖြတ်အော်လိုက်တယ်။ ဒါရိုက်တာ့ပခုံးကို တချက်ပုတ်လိုက်ရင်း ..

“မကြာပါဘူး သူတို့ကို ကျုပ်ပြန်ပို့မှာပါ” လို့ပြောတယ်။

“ဘာဘဲဖြစ်ဖြစ် ကျွန်တော်တို့ ခွင့်ပြုလို့ မဖြစ်နိုင်ပါဘူး”

လူရွယ်က စူးစူးဝါးဝါး စိမ်းစိမ်းခါးခါး ကြည့်ရင်း စိတ်ဆိုးလာဟန်ဖြင့် ..

“ကျုပ်ပြန်ပို့မှာပါ။ ကျုပ်အိမ်မှာ သူတို့ကို စပယ်ရှယ် ပြစရာကလေးတခုရှိနေလို့ပါ”
 ဒီအချိန်မှာတော့ လူတိုင်းဟာ မတ်မတ်ရပ်လို့ မမှိတ်မသုံ ငေးစိုက် ကြည့်နေကြတယ်။  ကျွန်မတို့ အားလုံး ဘာလုပ်ကြရမယ် မသိဘူး။ လူရွယ်ကတော့ဒါကို အခွင့်ကောင်းယူပြီး ကျွန်မတို့ လက် ကို ဆတ်ကနဲ ဆွဲယူခါ အစောင့်အရှောက်တွေ ခြံရံလို့ ဘော်ဒီဂတ်တွေနှင့်အတူ သူ့ ယဉ်တန်းရှိရာ ထွက်ခွာသွားတယ်။
ကျွန်မတို့ ကို ညှာတာဖို့သနားဖို့ ကျွန်မတို့ နှစ်ယောက်စလုံးက တောင်းပန်ကြပါတယ်။ ကျွန်မတို့ကို အဓမ္မ ခေါ်ဆောင်လာသူက
“စိတ်ချနေ ခင်ဗျားတို့ ဘာမှ မဖြစ်စေရဘူး ကားနောက်မှာ ပျော်ပျော်ကလေး ထိုင်လိုက်ခဲ့”လို့  ထေ့ငေါ့ငေါ့ အမိန့်ပေးနေတယ်။
ကားက နေရာက ထွက်ခွာသွားပါပြီ။ ဆယ်မိနစ်လောက် မောင်းရသေးတယ်။ အိမ်တလုံးရှေ့မှာ ထိုးရပ်သွားတယ်။ သူ့လူနှစ်ယောက်ကို ထားခဲ့အပြီး ကျွန်တို့ကို ဧည့်ခန်းမကြီးတခုဆီ ဦးဆောင် ခေါ်ယူသွားတယ်။ ကျွန်မတို့ကို အအေးတခွက်စီတိုက်ပြီးချိန်မှာ ကြိုတင် ပြင်ဆင်ထားပုံရတဲ့ အဖြူရောင် အယ်ဘမ်တခုကို သူက ပြတယ်။ ကျွန်မကြည့်လိုက်တော့ အယ်လ်ဘမ်ထဲမှာ  မင်္ဂလာဆောင် အခန်းအနားဓါတ်ပုံတွေနှင့်ပြည့်နေပြီးတော့ သတို့သားက သူဖြစ်နေတယ်။ ပိုပြီးမယုံကြည်နိုင်စရာကောင်းတာက သတို့သမီးဟာ ကျွန်မနှင့် ချွတ်စွပ်တူနေလို့ပါဘဲ။
“ဘုရားရေ”လို့ လန့်ဖြန့် အော်မိတော့တယ်။

သူက နာကျည်းစွာ တချက် ရှိုက်ငိုလိုက်ပြီး.
“လွန်ခဲ့တဲ့ ၂နှစ်လောက်က သူသေသွားတယ်။ ကျုပ် သူမရှိရင် မနေတတ်ဘူး ။ ဘယ်လိုနည်းနဲ့ဖြစ်ဖြစ် ကျုပ် သူ့ကို ပြန်ရမှ ဖြစ်မယ်။ ဒီကနေ့ ဘုရားသခင်က ကျုပ်ကို ဒီအခွင့်အရေးကို ပေးသနားခဲ့ပြီ်”တဲ့။ ပြောပုံ။ သူဟာ ကျွန်မကို စူးစိုက်ကြည့်ရှုရင်း  နူးနူးညံညံညံ့ ရှိနေရာက ရုတ်တရက် အမူအရာပြောင်းလဲသွားပြီး အသံကျယ်ကျယ်နှင့် ဟက်ဟက်ပက်ပက် ရယ်မောနေတယ်။ “ငါသိပ်ကံကောင်းတာဘဲ။ ဒီနေ့ကို   ငါ့မိန်းမ ငါ့ဆီ ပြန်လာတဲ့ နေ့ အဖြစ် မှတ်တမ်းတင်ရမယ် “တဲ့။ ကျွန်မ ကြက်သီးတွေ ဖြန်းကနဲထလာပြီး ဘာလုပ်လို့ ဘာကိုင်ရမှန်းမသိတော့ဘူး။ ဒီနေရာက အမြန်ဆုံးထွက်ပြေးလွတ်မြောက်ချင်နေတယ်။ ဘယ်လိုလုပ်ရပါ့မလဲ။
 သူကတော့ ကျွန်မတို့လို ဘယ်ဟုတ်ပါ့မလဲ။  ခြိမ်းခြောက်သလိုလိုနဲ့သူစုဆောင်းထားတဲ့ လက်နက်တွေ အပြည့် သိုလှောင်ထားတဲ့အခန်းကြီးတခန်းကို ပြသနေသေးတယ်။ အို .. ကျွန်မကြောက်လိုက်တာ။ ဘုရားတပြီး ငြိမ်ငြိမ်လေး ဆုတောင်းနေရတော့တယ်။ 
နောက်ပြီးရင်တော့  ဧည့်ခန်းကြီးဆီ ပြန်လာပြီး ကျွန်မတို့လည်း ဆိုဗါပေါ်ထိုင်မိရော သူက ကျွန်မတို့ နှစ်ယောက်အကြား  ၀င်တိုးထိုင်ချလိုက်တယ်။ သူ့ လက်တွေကလည်းကျွန်မတို့ရဲ့  ပခုံးတွေပေါ်ကို သိမ်းကြုံး သိုင်းဖက်ထားလိုက်တယ်။
“ကိုင်း ..မင်း ငါပြောသလိုလုပ်။ ဟုတ်လား။ မင်းဘာလိုချင်သလဲ။  မြေလား ငွေလား။ မင်းလိုတာ ငါ ဘာမဆိုပေးနိုင်တယ်။ နာမည်သာတပ်လိုက် မင်းရှေ့ ရောက်လာစေရမယ်” လို့ သူက ပြောနေပြန်တယ်။ ခက်တယ်။

ခဏနေတော့ သူ အချိုးတမျိုးပြောင်းသွားပြီး နေရာကထလို့ အပြင်ကို ထွက်သွားတယ်။ ကျွန်မတို့မှာ တွေဝေနေစရာ အချိန်မရှိဘူး။ ကျွန်မတို့ရဲ့ ဖိနပ်တွေကို အမြန်စွပ်လိုက်ကြတယ်။ အိမ်ထဲကို အကဲခတ်ကြည့်လိုက်တော့ တော်ပါသေးရဲ့။ လူရိပ်လူချေ မမြင်ရဘူး။ ကျွန်မတို့ရဲ့ ကိုယ်ပိုင် ဘ၀တခု ရှင်သန်ဖို့အတွက်ရုပ်ရှင် ဇတ်လမ်းမဟုတ် တဲ့ စွန့်စားခန်းတခု စတင်မိကြပြီ။ ကျွန်မတို့ လာလမ်းအတိုင်းပြေးလာကြတယ်။
ကျွန်မတို့ကို ပြန်ပေးဆွဲလာသူဟာ ဒီနယ်တ၀ိုက်ချမ်းသာကြွယ်ဝပြီး  သြဇာညောင်းတဲ့ လူရိုသေ ရှင်ရိုသေသူဖြစ်ပါလိမ့်မယ်။ ဒါပေမဲ့  သူဟာ မူးယစ်ဆေးစွဲသူတယောက်ဆိူတာ သိသာပါတယ်။
ကျွန်မတို့ တည်းခိုတဲ့ ဧည့်ရိပ်သာကိုလည်းရောက်ရော သေနတ်သံတွေ ဆက်တိုက်ကြားလာရတယ်။
 ကျွန်မနဲ့ ရင်းနှီးကျွမ်းဝင်ပြီးသားအသံတခုက သဲကြီးမဲကြီးအော်နေတယ်။

“ငါ စိတ်ရှည်လက်ရှည် ပြောနေတယ်နော်။ မင်းနားထောင်ပါ။ မင်းကို ငါ ဘာမှ အမှားမလုပ်ပါဘူး။” အသံက တဖြည်းဖြည်းနီးနီးလာတယ်။

“မင်းအထဲမှာ ရှိနေတယ်ဆိုတာ ငါသိတယ်။ ပြောလိုက်စမ်း သူတို့ကို ။ ငါ မင်းကို နာကျဉ်အောင် ဘာမှ မလုပ်ခဲ့ဘူးဆိုတာ။ မင်း ထွက်လာပါ။”

“မင်းအခု ထွက်လာပါ”

ကျွန်မအရမ်းကို ကြောက်နေပြီ။ ဒါပေမဲ့  ရွေးစရာ လမ်း မရှိဘူး။ တံခါးပေါက်ဆီ ကျွန်မဖြေးဖြေးလျှောက်ရင်း ဘုရားကို အာရုံပြုနေရတယ်။ တံခါးလက်ကိုင်ကိုလည်းဆွဲမိရောအချက်ပေးခေါင်းလောင်းသံတွေ  ရဲကားသံတွေ ကြားလိုက်ရတယ်။ ရဲအရာရှိတွေ တလှေကြီး ပေါ်ထွက်လာတယ်။
ချက်ခြင်းဘဲ အဲဒီလူဆိုးဟာ ရဲတွေ လက်ကို ရောက်သွားတယ် ။
ရဲအရာရှိကြီးက ပြောပါတယ်။

“မင်းဘယ်သူလဲဆိုတာ ငါသိတယ်။ မင်းဘာတွေလုပ်နေသလဲ ငါသိတယ်။ ဒါပေမဲ့ ဒီတကြိမ်တော့ ငါတို့ မင်းကို ခွင့်လွှတ်ပေးနိုင်စရာ အကြောင်းမရှိတော့ဘူး။ ကဲ တက်”
သူ့ကို ရဲကားပေါ် တင်ခေါ်သွားကြတယ်။
ကျွန်မတို့ ဒါရိုက်တာက အချိန်မဖြုံးလိုပါဘူး။ ရိုက်စရာရှိတာ  ဆက်ရိုက်ကြမယ်တဲ့။

နာရီ အနည်းငယ်ကြာပြီးချိန်မှာတော့ ကျွန်မတို့ပြန်ဖို့  ဖယ်ရီတစီးပေါ်မှာ အသင့် သိမ်းဆည်း ထုတ်ပိုးပြင်ဆင်ပြီးကြပါပြီ။ မနီလာမြို့ပေါ်မှာ ရှိတဲ့  ရိုက်ကွင်းအချို့ ရိုက်ပြီးရင် အဆုံးသတ် ပြီးစီးပါလိမ့်မယ်။
ကျွန်မအဖို့တော့ အားလပ်ချိန်များမှာ နောက်ကြောင်းပြန်ငဲ့ကြည့်မိရင် ကျွန်မအတွက်  တုန်လှုပ်ခြောက်ခြားဖွယ် သဲထိတ်ရင်ဖို  စွန့်စားခန်းတခု လိုလိုနှင့် တကယ်တွေးကြည့်မှ    အိမ်မက်ဆန်တဲ့  ရယ်စရာ ဟာသ ဇတ်လမ်းကလေး တစ်ခုဖြစ်နေပြီ ဆိုတာ သိလာရပါတယ် ရှင်။
Florist  မြန်မာမှုပြုသည်။
ဒီဇာတ်လမ်းကလေးကို ရေးသူက ဖိလစ်ပိုင် နိုင်ငံက နာမည်ကြီး မင်းသမီး “နာတီ ဆန်တီယာဂို “ ( Naty Santiago) ပါ။ သူမဟာ Reader Digest အယ်ဒီတာအဖွဲ့က ချီးမြှင့်တဲ့ ဒေါ်လာ ၃၅၀ ရရှိသူဖြစ်ပါတယ်။ ကိုယ်တွေ့ ဇတ်လမ်းကို ရေးခြယ်သီကုံးထားတာပါ။ သူမဟာ ၂၀၀၀ ပြည့်နှစ် က ရုပ်ရှင်လောကမှ အနားမယူမီ အသက် ၄၀ အရွယ်က ဖြစ်စဉ်တခုကို တင်ပြထားခြင်းဖြစ်တယ်။  ယခုအခါ ထိုင်းနိုင်ငံ ချင်းမိုင်မြို့မှာ သားသမီး ၅ယောက် မြေး၁၁ယောက်နှင့်အတူ သိုက်မြိုက် ခမ်းနားစွာ နေထိုင်လျက်ရှိပါတယ်။

Source:      Trouble in Paradise (By Naty Santiago) RD march 2012

Monday, March 26, 2012

နွေဦးကာလ မြူထသောခါ

 ၂၀ရက်နေ့က နွေဦးရောက်ပြန်ပါပေါ့၊
နှင်းတွေလည်းပျောက်ကုန်ပြန်ပြီ။
ဘာရယ်မဟုတ်ဘူး ငယ်ငယ်ကကျက်ခဲ့ရတဲ့ " နွေဦးကာလ မြူထသောခါ" ကဗျာကို ပြန်ရွတ်ရွတ်ကြည့်တာ
နွေဦးကာလ၊ မြူထသောခါ ရင်းထောင်ရင်းဆွဲ ဆောင်မြဲအိုးလွယ်ခါ ကနေမတက်တော့ဘူး။ မှတ်ဥာဏ်က အဲလိုကောင်းတာ၊ ကျက်ပြီး စာမေးပွဲတစ်ခုပြီး အကုန်မေ့ပစ်လိုက်တာပဲ။
မေမေ့ကို ရသေးလား မေးကြည့်တော့ ရတယ်တဲ့။ မေမေက သူပြန်ရေးပေးမယ်ဆိုလို့။ ခု ရလာပြီ။
နောက်မမေ့အောင် ဒီမှာ သိမ်းထားလိုက်တော့မယ်။
အခု အဲဒီကဗျာလေးကို ပြန်ဖတ်ချင်နေလို့။
အဲဒီကဗျာလေး ကျက်တုန်းက ပြီးလျင်ရေမရှာ ခွေးကိုသာကျွေးတော့သည် ဆိုလို့ နားမလည်ကြလို့၊ သူငယ်ချင်းတွေနဲ့ ငြင်းခုံခဲ့ကြသေးတယ်။
ဆရာရှင်းပြတော့လည်းနားမလည်သေးဘူး။ အခုရော ........
နားမလည်ပြန်ပါဘူး၊ :D

photo from
နွေဦးကာလ၊ မြူထသောခါ
ရင်းထောင်ရင်းဆွဲ၊ ဆောင်မြဲအိုးလွယ်ခါ
ဓားနှီးထက်စွာ၊ ခါးမှာချပ်လျက်
ထန်းပွင့်ထန်းခိုင် ရွှန်းမြိုင်မြိုင်
ကလိုင်သာလွယ်လို့ တက်သည်နှင့်လေး။

ထန်းပင်ထန်းခက်၊ ထန်းရွက်ကယ်ဝေေ၀
စင်အောင်ခုတ်ထစ်၊ နုမျစ်ကယ်ထန်းဦးရေ
မယားငယ်ဆွေ၊ ထန်းရေသိမ်းဆည်း
သားမြေးဟစ်အော်၊ ခွေးဝက်ကယ်ခေါ်
ထန်းလျှော်သာယုန်ပိုက်စည်းငယ်နှင့်လေး။

ခေါ်သံရိုက်ဟည်း၊ လူလည်းကြေငြာ
ခွေးဟစ်လူဟစ်၊ ခတ်ပစ်ကယ်ခြောက်သောခါ
ပုတတ်ကယ် ယုန်ခါ၊ တောမှာရှိကြ
ငုံးကြက်ဖွတ်မြွေ။ ၀ံပုလွေ
မနေထွက်လာကြသည်နှင့်လေး။

ဝမ်းသာအားရ၊ မယားကတသွယ်
ဟင်းရွက်ဆိုးကောင်း သောင်းပြောင်းရော၍လွယ်
လင်ကတသွယ် ယုန်ငယ်ကစ
တောသတ္တ၀ါ၊ တွေ့ တိုင်းကိုသာ
အိတ်မှာသာယူ၍ထည့်သည်နှင့်လေး။

သို့နှင့်ရောက်က၊ ခဏအောင့်လျင်
တံစို့ ထက်နှင့်၊ ထန်းလျက်ဖိုမှာကင်
ဟင်းအိုးဆူလျင်၊ အကင်ခတ်ပြီး
အိုးကင်းနှင့်လှော်၊ ရေနှင့်ကြော်
မိုးမျှော်ငရုပ်သီးငယ်နှင့်လေး။

နှီးဒေါင်းလန်းကြီး၊ ခူးပြီးသောခါ
သမီးနှင့်သား၊ များလို့မ၀င်သာ
ဒူးတစ်ဘက်ဟာ၊ တွန်းကာဖယ်လျက်
သူ့ထက်ငါလေ၊ စားတော့မည်စေ
စားပေသာလှ အုန်းခွက်ကယ်နှင့်လေး၊

ငုံ့လျက်ကိုယ်စီသာ ဆုပ်ကာလွေးတော့သည်။
ပြီးလျင်ရေမရှာ ခွေးကိုသာ ကျွေးတော့သည်။
အလုပ်ကယ်ဧရာသာ ငုံ့ ကာလွေးတော့သည်။
သားမြေးငယ်မာချာ ဘယ်ညာထွေးတော့သည်။

ဝန်ကြီးပဒေဿရာဇာ

Friday, March 23, 2012

ဆီးရီးယားသမ္မတကတော်ရဲ့ ကံကြမ္မာ

(“အက်(စ်)မာ” ဟာ ကျက်သရေရှိတယ်၊ ဆွဲဆောင်မှုရှိတယ်၊ စမတ်ကျတယ် စသဖြင့် အနောက်တိုင်းစာနယ်ဇင်းလောကမှာပါ ထင်ရှားတဲ့ ဆီးရီးယားနိုင်ငံ့ဥသျှောင် ဂုဏ်သရေရှိသမ္မတကတော်လေးတဦး ဖြစ်ပေမဲ့ စစ်အာဏာရှင်“ ဘာရှား အယ်လ်အာဆတ်ဒ်”ရဲ့ ဇနီးဖြစ်နေတယ် လို့” ခရစ်တိုဖါ ဒစ်ကီ ကပြောလိုက်ပါတယ်။)

“အက်(စ်)မာ အယ်(လ်) အာဆတ်(ဒ်)” ဟာ အသက်အားဖြင့် ၃၆နှစ်ရှိပြီး ခလေးသုံးယာက်မိခင်ဖြစ်ပါတယ်။ သူမဟာ နူးညံ့ပျော့ပျောင်းစွာ ဆက်ဆံပြောဆိုတတ်တယ်။ ဗြိတိန်မှာမွေးပြီး အဆင့်မြင့် ဘဏ်အရာရှိ တဦးလည်းဖြစ်ပါတယ်။ အနောက်တိုင်းဆန်ပြီး သွက်လက်ချက်ချာတယ်။  ခေတ်မှီ ပညာတတ်အမျိုးသမီးတဦးလည်းဖြစ်တယ်။ သူမဟာ  ဒေါက်ဖိနပ်လှလှလေးစီးပြီး ကိုယ်ဟန်ကြော့ကြော့ နှင့် သွားလာတတ်တယ်။ ၀တ်စားဆင်ယင်မှုမှာ ပြေပြစ်တင့်တယ် သိမ်မွေ့တယ် စသဖြင့် နာမည်ကြီးတဲ့သူပါ။ “သဲကန္တာရရဲ့ နှင်းဆီတပွင့်” လို့ တင်စားခေါ်ဝေါ်နေကြတာပါ။ ဒါဟာ လူထုအုံကြွမှု မဖြစ်မီက ကျော်ကြားမှုတွေပါ။ ခုဆိုရင် မတည်မငြိမ် ဆန့်ကျင်ဆန္ဒပြမှုတွေဟာ တနှစ်ကျော်လာတဲ့ အချိန်မှာ  ဆီးရီးယားဟာ ပြည်တွင်းစစ်ကို့ ဦးတည်သွားပါပြီ။
“ဘာရှားအာဆတ်ဒ်”ဟာ စစ်တပ်ကို အသုံးချပြီး လူတွေကို အစုအပြုံလိုက် သုတ်သင်နေပါတယ်။ စစ်တပ်ရဲ့  လူမဆန်စွာ ခြေမှုံးပြစ်ခတ်မှုများဟာ  Homs မြို့ကို မွစာကြဲသွားစေပါတယ်။ အရိုင်းဆန်တဲ့ ဒီမိုကရေစီ အဆောက်အဦးအိမ်ထဲ ကြိုးကိုင် ထိန်းချုပ်ပြီး  ၀ယ်ယူထားတဲ့ အသုံးအဆောင်ပစ္စည်းတွေကို ဘယ်လို စံနစ်တကျ နေရာချထားမလဲ ငယ်ရွယ်နုပျိုသေးတဲ့ ပညာတတ်အမျိုးသမီးလေး။ ငယ်ရွယ်နုပျိုသေးတဲ့ ခလေးသုံးယောက်မိခင်လေး။ သူမလက်ထက်မှာ ဖြစ်ပေါ်လာတဲ့ လူထု တောင်းဆိုမှုတွေကို ဘယ်လိုများ ထိန်းညှိ စွမ်းဆောင်ပေးမလဲ။ လူထုက ဒါဏ်ရာတွေ ဗလပွနှင့် တစာစာ  အော်ဟစ်တောင်းဆိုနေပါပြီ။  သူမတခုခု ဆောင်ရွက်ပေးနိုင်မလား။ မျှော်လင့်နေကြတယ်။

သူမရဲ့ လာမဲ့  ရှေ့အနာဂါတ်ခရီးမှာ သူမ ဘယ်လို လျှောက်လှမ်းမလဲ။ လူထုကတော့ ဒီကနေ့မှာ သူမဘာလုပ်မယ်ဆိုတာ မသိကြရသေးပါဘူး။ အာရပ်အမျိုးသမီးတဦးဖြစ်ပေမဲ့လည်း  နိုင်ငံတကာ အတွေ့အကြုံတွေရှိပါလိမ့်မယ်။ အနောက်နိုင်ငံတွေက  “ဘာရှား အာဆတ်ဒ်” နှင့်  အပေးအယူ ကိစ္စတွေ ဆွေးနွေးလာနိုင်ပါတယ်။ “အက်စ်မာ”ကို လက်ထပ်ထိမ်းမြားထားသူအနေနဲ့ တစုံတရာလေးစား တန်ဘိုးထားတတ်ရင် သူမအပေါ် ကြင်နာ သနားမှုရှိရင် တခုခု အကောင်းဘက်ကို ဖြစ်လာနိုင်ပါတယ်။
ဒါပေမဲ့ လူတိုင်းက “ကျက်သရေရှိတာ ချောတာ လှတာ ဘာလုပ်ရမှာလဲ။ ဒီ ခန့် တဲ့ ချောတဲ့ အမျိုးသမီးဟာ ဘာ့ကြောင့်များ လူမဆန်တဲ့ သတ္တ၀ါကြီးကို လက်ထပ်ရပါလိမ့်။ ဒီအကောင်ကြီးကို ယူထားမှတော့ ဘာသွား အသုံးကျတော့မှာလဲသူမ တခုခုတော့ မှားနေပြီ” လို့ ရင်ထုမနာ ပြောကြတယ်။ သူမ နိုင်ငံ၊ သူမလူမျိုး၊ သူမဇာတိ မြေ ဘာတွေ ဖြစ်နေသလဲ။ သူမသိရဲ့လား။ သူမဟာ “သူ့လူ”  ဘေးမှာဘဲ  သူ့ခလေးဘေးမှာဘဲ ရပ်နေတော့မှာလား။ တပြည်လုံး တနိုင်ငံလုံးပြည်သူတွေ  အုံးအုံးကြွက်ကြွက် ဘာတွေ ဖိစီးလွှမ်းမိုး နှိပ်စက်လျက် ရှိနေတယ်ဆိုတာ သူမ သိရဲ့လား။ သူမ ခင်ပွန်းရဲ့ ကြမ်းကြုတ်ရက်စက်မှုကြောင့် Homs မြို့ကြီးတမြို့လုံး ပြာဖြစ်သွားတာ သိရဲ့ လား တဲ့။ မေးခွန်းတွေ စဉ်တိုက် ထုတ်ခဲ့ကြတယ်။

သူမဟာ  ကြုံတောင့်ကြုံခဲ လူထုအကြားမှာခဏတော့  မြင်လိုက်ရတယ်။ ဇန်န၀ါရီလအတွင်းက သူမ သားတယောက် သမီးတယောက် ခြံရံလို့ အားမာန်အပြည့်နှင့် “ဘာရှား” အတွက် အားဖြည့်ပေးနေတာမြင်ကြရတယ်။ လူထုကို ထိန်းချုပ်ဖို့ ကြိုးစားနေတာပါ။ ဖေဖေါ်ဝါရီ လကုန်ပိုင်းမှာ ဆီးရီးယားဖွဲ့စည်းပုံ ဥပဒေအသစ်ရေးဆွဲဖို့  ဆန္ဒမဲ ပေးရာမှာ စိုးရိမ်မကင်းဟန်သူမကို ခေတ္တ တွေ့မြင်ကြရတယ်။ “ဓါတ်ပုံတွေမှာ သူမ ရုပ်က ကြောက်ရွံ့န ဟန် ဖေါ်ပြနေတယ်” လို့ “အက်စ်မာ” နဲ့  ၂နှစ်လောက် ယဉ်ကျေးမှု ပွဲတော်တခုမှာ အလုပ်အတူလုပ်ခဲ့တဲ့  ဗြိတိအီတာလျှံ လူမျိုး စာရေးဆရာ  “ ဂါလာဆာဗါဒီယို”က ဆိုပါတယ်။ ဒါပေမဲ့ သူမကို ကြည့်ရတာ အူထဲ အသည်းထဲကနေ တခုခု ပြောချင်နေပုံရတယ် လို့  ဆိုပြန်တယ်။

“အက်စ်မာ “ရဲ့  အနေအထားဟာ Godfather ရုပ်ရှင်ထဲက Diane Keaton ဇတ်ရုပ်နဲ့  တူနေတယ် တဲ့။ ဟုတ်ပါတယ်။ သူမဟာ “အပြင်ကလူ“ပါဘဲ။ သွေးဆာနေတဲ့ “အာဆတ်ဒ်”ဆွေမျိုးများ၊ လက်ရှိဘ၀အမှန်ထဲက လူဆိုးဂိုဏ်းဝင် လူမိုက်များ၊ နောင်တတဖန်ရဖို့ လမ်းမရှိတဲ့  ရက်စက်ယုတ်မာသူများ။ သူတို့ ကြိုက်သလို သတ်ဖြတ်ပြစ်ပြီးရင် သူတို့ကတော့ အသက်ရှင်ကျန်နေရမယ်လို့ သူတို့  ကိုယ် သူတို့ယုံကြည်ထားတယ်။ တကယ်လို့ သူတို့ သာ  လက်နက်ချ အညံ့ခံလိုက်ရင် လည်း  သေမင်းနဲ့  ရင်ဆိုင်ရမှာက  မြေကြီးလက်ခတ်မလွဲဘဲ။

“အက်စ်မာ” ဇတ်ရုပ်ဟာ အပြင်ကလူ ဖြစ်နေပါတယ်။ သူမဟာ ကံကြမ္မာရဲ့ ဆိုးမွေ ကောင်းမွေကို မုချ ခံစံရလိမ့်မယ်။ ဒါပေမဲ့ ဒီတသက် သူမ ဆွေးနွေးညှိနှုိုင်းအဖြေရှာဖို့ ကြိုးစားမှာ မဟုတ်ပါဘူး။ သူမဟာ လူသိထင်ရှား တစုံတရာ ပြောဖို့ အားထုတ်မှာ မဟုတ်ဘူး။ သူမဘာကို ပြောဖို့ အားသန်တယ်ဆိုတာလဲ ဘယ်သူသိနိုင်မလဲ။ ဒီလို ဆူပူအုံကြွမှုတွေ ဖြစ်မလာခင်ကလည်း သူမဟာ အောင်မြင်နေတဲ့ ခေတ်မီ အာရပ် သမိုင်း ရာဇ၀င်ထဲ က အမျိုးသမီးတွေနှင့် နည်းနည်းတော့ ကွဲပြားနေတယ်။ သမ္မတကတော်တွေဟာ  ရာဇပလ္လင်ရဲ့  အရှေ့မှာ၊ ဘေးမှာ၊ အနောက်မှာ လူမြင်သူမြင် ထင်ထင်ပေါ်ပေါ် ရှိခဲ့ကြတယ်။ ဥပမာ အီဂျစ် စစ်အာဏာရှင်”မူဘာရပ်” ဇနီး “ဆူဆန်နီ “ဆိုရင်သူမခင်ပွန်း  သမ္မတဖြစ်ဖို့  လူသိရှင်ကြားရပ်တည် ပေးပြီး သူမကောက်ကြောင်းက လူထုရှေ့မှာ  သိသာထင်ရှားခဲ့တယ်။

ဂျော်ဒန်ဘုရင် ရဲ့ မိဖုရား “ရိန်းနီးယား” ကတော့ သိပ်ကိုမှ အနောက်တိုင်းဆန်ပြီးလှပတင့်တယ်လွန်းသူတယောက်ပါ။ သူမခင်ပွန်းထက်ပင် ပိုမို သာလွန် ထင်ပေါ်သူဖြစ်လို့  သူမ အနေအထားကို မနှစ်က  လျော့ချပေးခဲ့ရတယ်လို့  ဆိုပါတယ်။

“အက်စ်မာ” အဖို့ ရော။ သူမဟာ ဆီးရီးယားနိုင်ငံရဲ့  အထွတ်အမြတ် “First Lady”ပါ။ ဒါပေမဲ့ သူမ  “အာဆတ်ဒ် မျိုးနွယ်စုမှာ” ဘယ်နေရာက ရှိခဲ့သလဲ။ သဲကန္တာရရဲ့ နှင်းဆီပန်းလေးတစ်ပွင့် ဆိုတာက ဟုတ်ပါပြီ။

ခုအခါမှာပြည်တွင်းစစ်ကို ဦးတည်နေတဲ့  စစ်မုန်တိုင်းကြားက ဆီးရီးယားမှာ သူမဘယ်လို ရပ်တည် ရှင်သန်မလဲ .. သူမရဲ့ ကံကြမ္မာကို ဘယ်သူ သိနိုင်မလဲ။       ။

Florist  မြန်မာမှုပြုသည်။
Asma al Assad ( Syria’s first lady, by Christopher Dickey)
Source: Newsweek march 12,  2012

Sunday, March 18, 2012

The Lady ရဲ့ကြမ္မာ

ဟီလာရီ ကလင်တန်ဟာ ကမ္ဘာလုံးဆိုင်ရာ နာမည်ကြီး အဆင့်မြင့် သံတမာန်တဦးလည်းဖြစ်သလို အမေရိကန်ပြည်ထောင်စုရဲ့ အားအထားရဆုံး နိုင်ငံခြားရေးဝန်ကြီးတဦးလည်းဖြစ်တယ်။သူမဟာ ၂၀၁၁ခုနှစ်က တနေ့ တခြား နာမည်ကြီးကြီးလာတဲ့ ဒီမိုကရေစီ သူရဲကောင်း ဒေါ်အောင်ဆန်းစုကြည်နှင့် ရင်းနှီးတွေ့ဆုံဖို့ မြန်မာနိုင်ငံကို သွားေ၇ာက်ခဲ့တယ်။ လူ့အခွင့်အရေး လှုပ်ရှားသူတဦးက ပြောဆိုရာမှာ သူမဟာ မြန်မာလူထုအတွက် အကြောက်တရားမရှိ စွန့်စားဝံ့သူဖြစ်တယ်။ ခင်ပွန်းနဲ့သားတွေကို စွန့်လွှတ်ပြီး ၁၅နှစ်တိုင်တိုင် နေအိမ်အကျယ်ချုပ်အကျဉ်းချခံထားရခြင်းကိုလည်း သတ္တိရှိရှိ ကြံ့ကြံ့ခံရပ်တည်ခဲ့တယ်တဲ။့ အို..ဘုရားသခင်။ မယုံကြည်နိုင်စရာပါဘဲ။

သံတမန်အရာရှိ မီလန်နီ ဗာဗွီယာက  “သူမရဲ့နေအိမ်မှာ ၂နာရီကြာ တွေ့ဆုံခဲ့ ကြစဉ်အတွင်း  ဟီလာရီ ကလင်တန်ဟာ  တော်တော်ကို စိတ်လှုပ်ရှားခဲ့ရတယ်” လို့  နယူးစ်ဝိခ် ကို ပြောပါတယ်။ ဘယ်လောက်များ ရဲဝံ့တဲ့ အမျိုးသမီးပါလဲ။ မြန်မာနိုင်သားတွေ အချိန်အတော်ကြာ ကတည်းက အမျှော်လင့်ဆုံး အတောင့်တဆုံး အလိုချင်ဆုံး  တောင်းဆိုနေကြတဲ့ သူတိုရဲ့ လိုအပ်ချက်တွေကို ဖြည့်ဆီးပေးဖို့ သူမဟာနိုင်ငံရေးစင်မြင့်မှာ တက်တက်ကြွကြွ ပါဝင်လှုပ်ရှားလာခဲ့ရသူ နိုင်ငံရေးသမားစစ်စစ် တယောက်ဖြစ်လာခဲ့ရတယ်ဆိုတာ ပေါ်လွင်မနေဘူးလား။ ကရုဏာကင်းမဲ့တဲ့ အာဏာသိမ်းစစ်ခေါင်းဆောင်တွေရဲ့ အောက်မှာ ဒါဟာ အန္တရယ်မကင်းတဲ့ အလုပ်တွေပါဘဲ။ ဒီမိုကရေစီကို မြည်းစမ်းဖို့ တစ်လက်မချင်းတိုးဝင်လာတဲ့ ဒေါ်အောင်ဆန်းစုကြည်အတွက် လွယ်မှာတော့ မဟုတ်ပါဘူး။ သူမဟာ ရသရွေ့ အခွင့်အရေးကို ပေးသလောက်ယူရင်း လာမယ့်ဧပြီလဆန်းတစ်ရက်မှာ ပါလီမန်ရွေးကောက်ပွဲဝင်ဖို့ရှိပါတယ်။ သူမထုဆစ်ထားတဲ့ ရုပ်လုံးက ဘယ်လိုပါလဲ။ တောင်အာဖရိက နယ်လ်ဆင် မင်ဒဲလားလူမည်း သမ္မတဖြစ်လာတဲ့ ပုံပမာလား။ သူလဲ သူမလိုဘဲ အကျဉ်းကျခံခဲ့ရတာ နှစ်တွေ မနည်းဘူး။

ဒီမိုကရေစီအတွက်အသက်စွန့် တိုက်ပွဲဝင်ခဲ့ကြသူကျောင်းသားအများအပြားထဲမှာ အသက် ၃၆နှစ်အရွယ် မဇင်မာအောင် ဟာလည်း ရှေ့တန်းက တက်တက်ကြွကြွ ပါဝင်ခဲ့သူဖြစ်ပြီး သူမဟာ အကျဉ်းထောင်မှာ ၁၁နှစ် ကျခံခဲ့ရသူဖြစ်တယ်။ ဒီလို ကိုယ်ကျိုးစွန့် အနစ်နာခံမှုတွေဟာ ထူးခြားပြောင်မြောက်တဲ့ သူရဲကောင်း ပုံရိပ်တွေပါဘဲ။ ကျွန်မတို့ အနောက်နိုင်ငံတွေက တရားဝင်ခွင့်ပြုထားတဲ့ လွတ်လပ်မှုဆိုတာ ဒီလောက်တောင်  ခိုင်မာမယ်မထင်မိဘူး။ ပြီးခဲ့တဲ့ နှစ်က တက္ကဆပ်ဥပဒေနှင့်အညီ မိသားစုရံပုံငွေ စီမံကိန်းတခုဦးတည်ဆောင်ရွက်ဖို့ ရှိပါလျက်  ပျက်ပြယ်သွားတယ်။ တက္ကဆပ်တာလီဘန်တွေဟာ ဆင်းရဲ မွဲတေသူ အမျိုးသမီး ၁၃၀.၀၀၀ အတွက် ဆေးဝါးအကူအညီပေးမှု စီမံကိန်းကို ပယ်ချခဲ့ကြတယ်။ ၁၉၆၅ခုနှစ်မှာ အဆင့်မြင့် တရားရုံးက ခွဲဝေတာဝန်ချထားပေးပြီး ခက်ခက်ခဲခဲ ကြိုးကြိုးပမ်းပမ်းဆက်စပ်လို့  အမေရိကန်ဘ၀ထဲကို ဆွဲယူသွတ်သွင်းခဲ့တယ်။ အာရပ်နွေဦးမှာ သူတို့ နိုးထလာခဲ့ပြီ်လေ။ သူတို့ လူ့အခွင့်အရေးတွေလည်း အတော်အတန်ရရှိလာပါပြီ။

၂၀၁၀ခုနှစ်မှာတော့ အမျိုးသမီးတွေအတွက် လှုံ့ဆော်တဲ့ ပုံပြင်လေးတွေ ဖတ်လာ ကြားလာနေရပါပြီ။  ကျွန်မတို့ နယူးရော့ခ်က လင်ကွန်းစင်တာမှာ မတ်လ ၈ရက်ကနေ ၁၀နေ့အထိ နှစ်စဉ် အမျိုးသမီးများနေ့ကို ကျင်းပနိုင်ခဲ့တယ်။ ဒါပေမဲ့ ကျွန်မတို့ရဲ့ ရုပ်လုံးတွေက အသစ်နဲ့  အဟောင်းကြားမှာ  ကြွတက်လာဖို့ ဆိုတာ တော်တော်လေးတောလိုနေပါသေးတယ်။ ကျွန်မတို့ အမျိုးသမ်ီးတွေဟာ ရုပ်ဝါဒကြီးစိုးတဲ့ တရုတ်ပြည်က တာရီယာရင်ပြင်မှာ အုတ်အော်သောင်းနင်းဖြစ်ခဲ့ကြတယ်လေ။ ဆိုမာလီကဒုက္ခသည်စခန်းစတာတွေမှာရော အမျိုးမျိုးဒုက္ခကြုံဆုံနေရတုံးဘဲ။

မြန်မာနိုင်ငံက မဇင်မာအောင်ကတော့ ယခု  ကျွန်မတို့နှင့်အတူ ရှိနေပါပြီ။ ရုပ်ရှင် သရုပ်ဆောင်တွေ မဟုတ်သော်လည်း ကျွန်မတို့ အမျိုးသမီး တွေ အခု စင်မြင့်ထက်ကို တက်လာနိုင်ပါပြီ။ ဒီလို နေရာ ရရှိဖို့ ကျွန်မတို့ ခက်ခက်ခဲခဲ ကြိုးစားခဲ့ကြရတာပါ။ အကြောက်တရားမရှိရဲဝံ့သူ အမျိုးသမီး ၁၅၀ကို ရွေးလိုက်တော့ မျက်စိရှေ့မှာ အထူးရောက်လာတဲ့ ချစ်စရာ့ မျက်နှာလေးတခုကတော့  သတင်းထောက်မလေး “မာရီ ကိုလ်ဗင်” ပါ။ သူမဘယ်ဘက်မျက်လုံးကဗုံးစကို့ သီရိလင်္ကာမှာ ဖယ်ထုတ်ခဲ့ရတာပါ။ နယူးစ်ဝ်ခ်က ခရစ်တိုဖါ ဒစ်ကီ ကလည်းပြောပါတယ်။ သူမဟာတကယ် အကြောက်တရားမရှိဘူး။ အချိန်တိုင်း အန္တရယ်တွေပြွမ်းနေတဲ့ အာဆတ်အုပ်ချုပ်မှုအောက်က ဆီးရီးယားလို နေရာမျိုး ဘက္ကဒက်လို ငရဲတွင်းမျိုးမှာ အလွန်ကို အန္တရယ်တွေ ကြီးမားလွန်းတဲ့ဒုက္ခသုက္ခတွေကို သတ္တိရှိရှိ ရင်ဆိုင်ပြီး ကြံ့ကြံ့ခ်ံခဲ့သူဖြစ်တယ် တဲ့။
သူမက “ဘာဘဲဖြစ်နေနေ ကျွန်မတို့  သတင်းအမှန်ရဖို့ တိကျဖို့ထက် ဘယ်အရာက အရေးပို ကြီးမလဲ”တဲ့။ အကြောက်တရား ကင်းမဲတဲ့ မိန်းခလေး ရှာမှရှားပါဘဲ။

ကျွန်မတို့ မစ်ရှင်အဖွဲ့ဟာ Newsweek မှာ  ကိုယ့်နည်းကိုယ့်ဟန်နှင့်  ကမ္ဘာပေါ်ကနာမည်ကျော်  အမျိုးသမီးကြီးများကို ခုလို  တရင်းတနှီးတွေ့ ဆုံခဲ့ကြတယ်။

တူနာဘရောင်း
နယူးစ်ဝ်ခ် အယ်ဒီတာချုပ်
…………………………………………………………………………………………………………………………………………
“စုကြည်ကြမ္မာ”

အောင်ဆန်းစုကြည်ဟာ ခင်ပွန်းနှင့်သားတွေကိုစွန့်လွှတ်ပြီး မြန်မာနိုင်ငံ  ဒီမိုကရေစီရဖို့၂၂နှစ်ကြာ တိုက်ပွဲဝင်ခဲ့တယ်။ မကြာမှီ သူမ ရွေးကောက်ပွဲ ၀င်ရတော့မှာဖြစ်တယ်။ ဒီ ဂုဏ်သရေရှိ အမျိုးသမီးကြီးဒေါ်အောင်ဆန်းစုကြည်ရဲ့ ကိုယ်ကျိုးမဖက် စွန့်လွှတ်အနစ်နာခံမှု မှာ ရှည်လျားတဲ့ ခရီးကြမ်းကို ရှောက်လှမ်းနေရသလိုပါဘဲ တဲ့။ ဒါပေမဲ့ နောက်ဆုံးမှာတော့ ထူးထူးကဲကဲ ထိပ်ဆုံးကို ရောက်လာရမှာပါ  လို့  သူမရဲ့ ဇာတ်လမ်းလေးကို  ရုပ်ရှင်ရိုက်ကူး ထုတ်လုပ်သူ “ရေဘက်ကာ ဖရေဲန်” က ခုလို သတင်းပို့ပါတယ်။

မြူးထူးပျော်ရွှင်နေတဲ့ လူအုပ်ကြီးက သူမကို ၀န်းရံနေတယ်။ ဒီနေ့ဟာ ဒေါ်အောင်ဆန်းစုကြည် နေအိမ်အကျယ်ချုပ်အကျဥ်းကျခံနေခဲ့ရရာက လွတ်မြောက်လာခဲ့နေ့ဘဲဖြစ်ပါတယ်။ လက်နက်မဲ့မိန်းမတယောက်ရဲ့ တကိုယ်တော်စွန့်စားမှုပါ။ ပြောင်မြောက်တဲ့ သတ္တိဖြစ်လို့  ဘာနှင့်မှ နှိုင်းယှဉ်လို့မရနိုင်ပါဘူး။ ၁၉၈၉ခုနှစ်က ရန်လိုတဲ့ လက်နက်ကိုင်စစ်သားတွေရဲ့ သေနတ်ပြောင်းဝနှင့် တည့် တည့်တိုးပြီး သေဖို့ တဲတဲလေးဘဲ လိုတော့တဲ့အခြေအနေနှင့် ရင်ဆိုင်ခဲ့ရဖူးတယ်။ ဒါပေမဲ့သူမရဲ့ ပြတ်သားတင်းမာတဲ့ မျက်နှာပေးကြောင့် စစ်သားတွေဟာ ပြစ်မိန့်ရပြီးတောင်  ပြစ်ဖို့ တွန့်ဆုတ်သွားကြတယ်။ နှစ်အနည်းငယ်အတွင်းကလည်း သူမဟာ အကျဉ်းကျခံ ပါတီဝင်များလွတ်မြောက်စေဖို့ အစာငတ်ခံ ဆန္ဒပြခဲ့တယ်။ ပို အံ့သြဖို့ကောင်းတာကသူမဟာ ယဉ်တန်းတခုနှင့် လိုက်ပါလာစဉ်အတွင်း လုပ်ကြံခံရပေမဲ့ အဲဒီအန္တရယ်ကလည်း လွတ်မြောက်ခဲ့တယ်။

သူမဟာ မြန်မာနိုင်ငံ ကို စစ်မှန်တဲ့ ဒီမိုကရေစီစံနစ်ထူထောင်ဖို့ ယတိပြတ်ဆုံးဖြတ်ထားပြီး မဟတ္တမဂန္တီနှင့် နယ်လ်ဆင် မင်ဒဲလားတို့ လို အကြမ်းမဖက် အနုနည်းကျင့်သုံးဖို့ ကိုလည်းစိတ်အားထက်သန်သူဖြစ်တယ်။ သူမကို ကြည့်ရင် မယိမ်းမယိုင်ခိုင်မာမြဲမြံ်ပြီးပြတ်သားတဲ့စိတ်ရှိသူ ဖြစ်မှန်း သိသာထင်ရှားပါတယ်။ စွန့်လွှတ်စွန့်စားသူ ကိုယ်ကျိုးမဖက် အနစ်နာခံလိုသူဆိုတာ ဟာလည်း ပေါ်လွင်လှပါတယ်။ ရန်ကုန်ရှိ  သူမနေအိမ်အတွင်း အကျဉ်းကျနေစဉ်မှာတော့ သူမရဲ့ ငယ်ရွယ်သူ သားနှစ်ယောက်ဟာ  သူမမျက်ကွယ်မှာ  ကြီးပြင်းလာခဲ့ကြရတယ်။ ဒါ့ထက်ဆိုးတဲ့ အဖြစ်က ၁၉၉၉ခုနှစ်မှာ သူမခင်ပွန်း မိုက်ကယ်အဲရစ် အော့(က်စ်) ဖို့ (ဒ်) နေအိမ်မှာကွယ်လွန်စဉ်နောက်ဆုံးနှုတ်ဆက်ဖို့ပင်အခွင့်မရခဲ့ပါဘူး။

ဒါပေမဲ့ သူမဟာပြိုလဲမသွားပါဘူး။ သူမစိတ်ကိုချုပ်တီးပြီးကြံ့ကြံ့ခံနိုင်ခဲ့တယ်။ ပြည်သူလူထုက စိတ်ကူးနှင့် မျှော်မှန်းနေတဲ့ အ၇ာကို ဖြည့်ဆီးဖို့သူမဟာ မိသားစုဆိုတာထက် ပိုပြီး နိုင်ငံ ဆိုတာကို ရွေးချယ်လိုက်ရခြင်းဟာ နိုင်ငံချစ်စိတ်အကြောင်းရင်းတခုဖြစ်တယ်။ ဒီလိုရွေးချယ်မှုရဲ့ အကျိုးသက်ရောက်မှုက ပြည်သူလူထု မျှော်မှန်းတောင့်တခဲ့တဲ့ အရာကို ရရှိဖို့ ရှေ့သို့ တက်လှမ်းခြင်းဘဲဖြစ်နိုင်ပါလိမ့်မယ်။ ၁၉၉၀ခုနှစ် ရွေးကောက်ပွဲဟာ အောင်နိုင်ပေမဲ့ ဆုံးရှုံးခဲ့ရတယ်။ နေအိမ်အကျဉ်း၂နှစ် ကျခံရပြန်တယ်။ လူထုဟာ သူမနာမည်ကို တိုးတိုးကလေးဘဲ ပြောရဲကြတယ်။

သူမဟာ မြန်မာနိုင်ငံရဲ့ထိပ်တန်း ခေါင်းဆောင်ကြီး  ဗိုလ်ချုပ်အောင်ဆန်းရဲတစ်ဦးတည်းသော သမီးဖြစ်တယ်။ ဆိုတာ လူတိုင်းသိတယ်။ အောင်ဆန်းဟာ နောက်ဆုံးမှာ အင်္ဂလိပ်အစိုးရနှင့် စေ့စပ်ဆွေးနွေးပြီး လွတ်လပ်ရေးကို အရ ယူနိုင်ခဲ့တယ်။ ဒါပေမဲ့ ၁၉၄၇ခုနှစ်မှာဘဲ မသမာသူတစုက လုပ်ကြံသတ်ဖြတ်ခဲ့တယ်။ သူကွယ်လွန်အပြီး၆လအကြာမှာ အင်္ဂလိပ်အစိုးရက မပေးမဖြစ် လွတ်လပ်ရေးကို ပေးလိုက်ကြရတယ်။ သူမဟာ အောင်ဆန်းကွယ်လွန်ချိန်မှာ ၂နှစ်သမီးလောက်ရှိသေးပေမဲ့ မပြီးပြတ်သေးတဲ့ နိုင်ငံရေးမစ်ရှင်အဖွဲ့တွေ သူမဘေးမှာ ၀န်းရံနေပြီးအောင်ဆန်းရဲ့ နိုင်ငံရေး ဒဏ္ဍာရီပုံပြင်တွေကြားမှာ ကြီးပြင်းလာရသူတစ်ဦးဆိုရင် မမှားပါဘူး။ နိုင်ငံရေး အယူအဆသဘောတရားတွေက သူမကိုယ်မှာ ပူးကပ်ခိုအောင်းလာတယ်ဆိုရမှာပါ။ ဒါဟာ အောင်ဆန်းသွေးပီသခြင်းပါဘဲ။

နက်နက်နဲနဲ မျှော်လင့် စောင့်စားမှုကနေ တွေ့ထိခံစားနိုင်မှု သူမကို ဖမ်းစားထားတဲ့ သူမရဲ့ မမြင်နိုင်တဲ့ အရှိတရားသတ္တိတွေက  အကြီးအကျယ် အားလျော့နေတဲ့ လူထုကိုလက်တွေ့ကျကျ ခွန်အားတွေ ပေးကမ်းနိုင်ပါလိမ့်မယ်။ နှစ်ပေါင်းများစွာ ကုန်လွန်လာတဲ့အခါ ကျွန်မ မကြာခဏ စဉ်းစားကြည့်မိတယ်။ စုကြည်ရဲ့ ခြေလှမ်းတွေဟာအကြောက်တရားမရှိ အန္တရယ်တွေဆီ ဦးတည် လှမ်းလျှောက်နေတယ် ဆိုတာ။ လွန်ခဲ့တဲ့ လေးနှစ်က ကျွန်မရေးခဲ့တဲ့ .. အခုဖြစ်လာတဲ့ The Lady ဇာတ်လမ်းပေါ့။ ဒါရိုက်တာက Luc Besson ပါ။ ယူအက်စ်မှာရိုက်ကူးပါတယ်။ ခုတော့ ခိုးကူးခွေတွေဟာ မြန်မာနိုင်ငံက လမ်းမတွေပေါ် ပြန့် နှံ့နေပါတယ်။

ပရောဂျက်စီမံကိန်းအရ ကျွန်မဟာတတ်နိုင်သလောက် စုကြည်ရဲ့ မိသားစုတွေ မိတ်ဆွေ အပေါင်းအသင်းတွေနှင့် ဆက်သွယ်ပြီးစူးစမ်းလေ့လာခဲ့ပါတယ်။ သူမခင်ပွန်း မိုက်ကယ်အဲရစ်ဟာ သူမအနောက်ကနေ အကူအညီ အထောက်အပံ့တွေ ဘယ်လိုပေးခဲ့တယ်ဆိုတာ သူတို့  မမောနိုင်မပန်းနိုင်ပြောခဲ့ကြတယ်။ ဟောလိဝုဒ်ရဲ့ အမယ်စုံလှတဲ့ ရုပ်ရှင် ကားတွေထဲမှာ ဒီဇာတ်လမ်းကလေးက တကယ့်ကို ဆွတ်ပျံ့တိမ်းမူးဖွယ် အကောင်းဆုံး ဖြစ်မှာပါ။ အပြင်မှာတော့ အမျိုးမျိုးကွဲပြားစွာ ပြောကြတာပေါ့။ အဲရစ်က  တိဘက် ဘူတန်နှင့် နီပေါလ် တို့မှာ သမိုင်းသုတေသီလုပ်နေတာပါ တဲ့။ အရပ်ရှည်တယ်။ ရွှေရောင်ဖျော့ဖျော့ဆံနွယ်ရှိတယ်။ ပြာလဲ့လဲ့မျက်လုံးကလေးလည်း ရှိတယ် စသဖြင့်။ သူဟာ ဆေးလိပ်နဲ့အရက်ကိုလဲ ကြိုက်တယ်။ အပေါင်းအသင်များပြီးဖေါ်ရွေတတ်တယ်။ အမူအရာ အသံ ကောင်းတယ်။ စုကြည်ကတော့  သေးကွေးကြုံလှီပြီး ဆံပင်ကအနက်ရောင်ရှိတယ်။ သေရည်သေရက်ကို ရှောင်ကျဉ်တယ်။ သိပ်ကိုမှ အိနြေ္ဒကြီးတယ် တည်တည်ကြည်ကြည်နေတတ်တယ် စသည် ပြောချင်ကြတယ်။

သူတို့ တွေ့ကြပုံက ဆန်းတော့ဆန်းသား။ စုကြည်ဟာ ဒဿနိကဗေဒ။ နိုင်ငံရေးဘာသာရပ်၊ စီးပွားရေးဘာသာရပ်တို့ကို လေ့လာဖို့ ၁၉၆၄ခုနှစ်က အော့(က်စ်) ဖို့(ဒ်) တက္ကသိုလ်ကို ရောက်ရှိလာတာပါ။ ပန်းကလေးတပွင့်နှစ်ပွင့် အမြဲ ပန်ထားတတ်ပြီး ရိုးရာ လုံချည်ကလေးနှင့် စုကြည်ဟာ ရိုးရိုးကလေးနှင့် လူတွေကို ဖမ်းစားနိုင်တဲ့ ညှို့ဓါတ်အပြည့်အ၀ရှိတယ်။   မိုက်ကယ်က တွေ့တွေ့ချင်း တကယ်  “ခိုက်” သွားတာဖြစ်ပါလိမ့်မယ်။ အနောက်နိုင်ငံသူတွေနဲ့ မတူကွဲပြားတဲ့ “အလှ”ကို မိုက်ကယ် ခံစားတွေ့ရှိသွားတယ်။ ဆန်းသစ်တဲ့ စုကြည်ရဲ့ ရူပါရုံက အဲရစ်ကို အပြတ်ဖမ်းစားသွားတာပါ။ သူဟာ စိတ်ကူးယဉ်အချစ်တွေနှင့် ပါဝင်ဖွဲ့စည်းထားပြီး အချစ်ကို တလေးတစားတန်ဘိုးထားတတ်ကြတဲ့ အလေ့အကျင့်တခုကို အရှေ့တိုင်းသူ စုကြည်ထံမှာ တွေ့ရှိသွားတာပါ။ သူတို့နှစ်ဦး လက်မထပ်မှီ စုကြည်က “မြန်မာနိုင်ငံက သူမကို အလိုရှိလာရင် အလိုရှိ လာတဲ့တစ်နေ့ သူမ ပြန်သွားမယ်” လို့ တောင်းဆိုခဲ့ရာမှာ “မိုက်ကယ်”က ဒီအပေးအယူကိစ္စဟာ အဆုံးစွန်ခါးသီးဖွယ်ဖြစ်ပေမဲ့ မဆိုင်းမတွဘဲ သဘောတူညီခဲ့ပါတယ်။ ဒီလို သဘောတူညီခဲ့ခြင်းဟာ မိုက်ကယ့်အဖို့  သူမရဲ့ စိတ်ဓါတ်ကို ထူးထူးခြားခြားဂုဏ်ပြုချီးကျူးခဲ့တဲ့ သဘောကို သက်ရောက်စေခဲ့ပါတယ်။

ဒီလိုနှင့် သူတို့နှစ်ဦး ၁၉၇၂ခုနှစ်မှာ လက်ထပ်ခဲ့ကြပါတယ်။ သူတို့နှစ်ဦး အော့(က်စ်)ဖို့(ဒ်) ရဲ့ အရိပ်အာဝါသကောင်းတဲ့ အစွန်အဖျားကလေးမှာ အခြေချနေထိုင်ရင်း အဲရစ်က အငယ်တန်း သုတေသနမှူး။ စုကြည်ကတော့ အတုယူဖွယ် စံပြ အိမ်ရှင်မဘ၀နှင့် ပျော်ရွှင်ခဲ့ကြတယ်။ ၁၆နှစ်အကြာမှာတော့ သားကလေးနှစ်ယောက်ရရှိထားပြီး ဘ၀ဟာ ပြည့်စုံလာပြီဆိုရမယ်။ စုကြည်ဟာ ခလေးတွေကို  တုန်နေအောင်ချစ်ရှာတယ်။ သူမအဖို့ အလွန်တရာ များပြားကျယ်ဝန်းလှတဲ့ အ်မ်တွင်းကိစ္စအ၀၀ကို စိတ်ပါလက်ပါကြီး လုပ်ကိုင်ရင်း ခလေးတွေကိုလည်း ကိုယ်တိုင် ထိန်းကျောင်းလာခဲ့တာ။ သူမရဲ့ကလေးများမွေးနေ့တွေမှာဆိုရင် လက်ရာမြောက် စီမံချက်ပြုတ်ကြွေးမွေးရင်း ပါတီပွဲကို ကျင်းပပြုလုပ်ပေးခဲ့တယ်။ အနောက်တိုင်းအယူအဆမှာ  မိန်းမ ယောင်္ကျား တန်းတူညီတူအိမ်မှုကိစ္စတာဝန်ယူကြပေမဲ့ စုကြည်ကတော့ အနောက်တိုင်းအယူအဆကို  အာခံပြီး  မြန်မာမိန်းခလေးပီပီ ကျိုးကျိုးနွံနွံ ခင်ပွန်းသည်ရဲ့ ခြေအိပ်များပါမကျန် ဖွတ်လျော်သန့်စင်ပေး မီးပူထိုးပေးခဲ့တယ်။ 

အဲဒီလို အော့(က်စ်)ဖို့(ဒ်) တက္ကသိုလ် အိမ်သူဇနီးဘ၀ကနေ တနေ့မှာအကြီးဆုံး  လူ့အခွင့်အရေးလှုပ်ရှားသူ အဖွဲ့ဝင်တဦးဖြစ်လာပုံက..ပြောရရင်ကံတရားရဲ့ ပြုပြင်စီမံမှု ပါဘဲ။၁၉၈၈ခုနှစ်တရက်မှာ “စုကြည်နှင့်အဲရစ် “တို့ စာအုပ်ကိုယ်စီ  ဖတ်ရင်း တိတ်ဆိတ်ငြိမ်သက်နေကြစဉ် မြန်မာနိုင်ငံမှ နေ စုကြည်မိခင် ဝေဒနာဆိုးဝါးလာကြောင်း အခြေအနေမကောင်းကြောင်း  ဖုန်းတချက်ဝင်လာတယ်။ သူမဟာ ချက်ခြင်းဘဲ  ကောက်ကာငင်ကာ အထုပ်အပိုးပြင် ထွက်လာခဲ့ရတယ်။သူမ “အတတ်နိုင်ဆုံးစောစောပြန်လာခဲ့ပါမယ်” လို့ “အဲရစ်” ကို ကတိပေးခဲ့ပေမဲ့ အဲဒီနေ့ကစလို့ သူမကို “အင်္ဂလန်မှလူတွေ”  မတွေ့ကြရတော့ပါဘူး။

တိုက်တိုက်ဆိုင်ဆိုင်ပါဘဲ။ မြန်မာနိုင်ငံမှာက နိုင်ငံရေး ကသောင်းကနင်းဖြစ်နေချိန်ပါ။ သူမဟာ  ရောက်ရောက်ချင်း မိခင်ကြီးကို ပြုစုဖို့ ရန်ကုန်ဆေးရုံကြီုးကို တန်းသွားပါတယ်။ ဒါပေမဲ့  သူမအဦးဆုံးတွေ့မြင်လိုက်ရတာက ကန့်ကွက်ဆန္ဒပြမှုကြောင့် ရက်စက်စွာ စစ်တပ်က ပစ်သတ်လိုက်လို့ ကျောင်းသားတွေ မချိမဆန့် သေကြေ ဒါဏ်ရာရနေကြရတာကိုဘဲ။ အသတ်ခံရတဲ့ ထောင်ပေါင်းများစွာသော ကျောင်းသားတွေရဲ့ သွေးတွေက အေးခဲနေပါပြီ။ ကံကြမ္မာအလှည့်အပြောင်းမှာ  ဖြစ်ရိုးဖြစ်စဉ်မဟုတ် မဖြစ် သင့် မဖြစ်ထိုက်တာတွေ။
စုကြည် ကြည့်လိုက်တယ်။ သူတို့တတွေ ဖရိုဖရဲနှင့်။

တော်လှန်ရေးမှာ ဦးးဆောင်မည့်  ခေါင်းဆောင်ကောင်းမရှိ။ လစ်ဟာနေတဲ့နေရာက သူမနေရာဖြစ်မှန်း  ချက်ခြင်းသိလာတယ်။ သူမနေရာကို သူမရှင်းရှင်းသိမြင်လာတယ်။ သူမ “အဲရစ်” ထံ အရေးတကြီး ခွင့်ပန် တောင်းဆိုလိုက်တယ်။

အောင်ဆန်းသွေး အောင်ဆန်းသမီးလေးဟာ အချိန်တန်တော့ အိမ်ပြန်လာပါပြီ။

“လူထုခေါင်းဆောင် ဒေါ်အောင်ဆန်းစုကြည်”

ကျောင်းစာသင်နှစ် ကုန်ဆုံးချိန်မှာ အဲရစ် က ခလေးတွေခေါ်ပြီး ရန်ကုန်မှာ စုကြည်နှင့် တွေ့ဆုံကြတယ်။ “ စစ်အာဏာရှင် ဗိုလ်ချုပ်နေ၀င်းကတော့ သမိုင်းတွင်ရစ်အောင်လူမဆန်တဲ့ လုပ်ရပ်တွေကို ကြောက်ခမန်းလိလိ  လုပ်နေတယ်။ ရွေးကောက်ပွဲ လုပ်မယ်ဆိုတဲ့ သူ့ အသံလွှင့်မိန့်ခွန်းတွေက  လူတိုင်းကို  အံ့အားသင့်စေပြီး သူ့အပေါ် ယုံကြည်မှု မရှိကြဘူး။ ရန်ကုန်တက္ကသိုလ်ပညာသင်ကြားရေးစံနစ်ကို ကြည့်ပြီး အဲရစ်က အားမရဘူး။ ဒီမိုကရေစီရဖို့ အလွန်အရေးကြီးကြောင်း သဘောပေါက်နားလည်ထားတဲ့ တက္ကသိုလ် ပညာရေးအဖွဲ့ဟာ စုကြည်ကို ဦးဆောင်လှုပ်ရှားဖို့ တိုက်တွန်းခဲ့ကြတယ်။ သူမနောက်မှာ သူမဖခင်ရဲ့ စည်းလုံးညီညွတ်စွာ မားမားမတ်မတ်ရပ်တည်နေတဲ့ လူထုအင်အားအများကြီးရှိနေပါတယ် တဲ့။ သူတို့ရဲ့တောင်းဆိုမှုအပေါ်မှာ မိုက်ကယ်နှင့် စုကြည်တို့ စိုးရိမ်မကင်းတော့ ဖြစ်ခဲ့ကြရတယ်။ မိဘတွေရဲ့ ကံကြမ္မာနှင့် ပူးကပ်ဆက်နွယ်နေတဲ့ ခလေးတွေရဲ့ဘ၀ကို  ဘယ်လောက်များ ပူပန်ကြရရှာမလဲ။ ပျော်ရွှင်စရာတွေနှင့်ကင်းကွာသွားနိုင်ပါတယ်။ ဒါပေမဲ့ သူမအဖြေက ပြတ်သားပါတယ်။ သူမ ကြားဖြတ်အစိုးရဖွဲ့ဖို့ ကြိုးစားမယ်လို့ ဆုံးဖြတ်ချက်ချတယ်။ လူထုကို မိန့်ခွန်းချွေဖို့ ရာမှာလည်း မိုက်ကယ် က ပြင်ဆင်ပေးတယ်။ သူမမိန့်ခွန်းချွေရာမှာ လူထုပရိတ်သတ် သန်းဝက်လောက် စုရုံး အားပေးခဲ့ကြတယ်။ စောစောပိုင်း၂လလောက်မှာတော့.. တည်ငြိမ်တဲ့ လှုပ်ရှားမှုမျိုးရှိခဲ့ပေမဲ့ ရက်စက်ကြမ်းကြုတ်ပြီး လူမဆန်တဲ့ အုပ်ချုပ်သူလူတန်းစားကို ပုန်ကန်ဖို့ လူထုကအုံကြွလာရာမှာ စုကြည်ဦးဆောင်လှုပ်ရှားရတော့တယ်။

ခလေးနှစ်ယောက်ကိုတော့ ဗြိတိန်ကို ပြန်ပြီးကျောင်းတက်စေခဲ့ပါတယ်။ မိုက်ကယ်ကတော့ သူမအနားမှာ ဖေးမကူညီဖို့ ၂လလောက်အထိ နေခွင့်ရရှိခဲ့ပေမဲ့ တညမှာတော့ လက်နက်ကိုင် စစ်သားတွေ ရောက်လာပြီး သူ့ ကို အိမ်ထဲကနေ ဆွဲထုတ်ပြစ်ခဲ့တယ်။ လတွေ နှစ်တွေ ကုန်လွန်သွားခဲ့တယ်။ သားနှစ်ယောက်လည်း လူကြီးတွေဖြစ်လာခဲ့ကြပါပြီ။ နောက်၅နှစ်အကြာ..၁၉၉၁ခုနှစ်မှာ စုကြည်ကို  နိုဘယ်ဆုချီးမြှင့်လိုက်ကြတယ်။ ဒါပေမဲ့ သူမဟာ ဒီဆုကို ကိုယ်တိုင် တက်ရောက်ယူခွင့်မရတဲ့အပြင် နေအိမ်အကျယ်ချုပ်ကျခံသွားရတယ်။ မိုက်ကယ်အဲရစ်နှင့် သားနှစ်ယောက်ဟာ သူမ အကျယ်ချုပ်ဘ၀ရှိနေစဉ်အတွင်းနှစ်ကြိမ်လာရောက်တွေ့ဆုံခွင့်ရခဲ့တယ်။

နေအိမ်အချုပ်ကျစဉ် သူမဟာ ကမ္မဌာန်းတရားကျင့်စဉ်များလေ့လာဖတ်ကြားခြင်း လက်တွေ့ ကျင့်ကြံအားထုတ်ခြင်း။ ဗုဒ္ဓအဆုံးအမကို ခံယူခြင်းမဲန်ဒဲလားနှင့် ဂန္ဒီ စာအုပ်များရေးသားခြင်းဖြင့် အချိန်ကို ကုန်လွန်စေခဲ့တယ်။ သူမအလိုရှိလျှင် အချိန်မရွေး မိသားစုရှိရာ ပြန်ပို့ပေးမည်ဟု ကမ်းလှမ်းခဲ့ပေမဲ့  သူမက လက်မခံပါဘူး ညင်းပယ်ခဲ့တယ်။ အမှန်တော့ စစ်အစိုးရက သူမကို ထွက်ပေါက်ပေးခဲ့တာဖြစ်ပေမဲ့ ဒါကို အဲရစ်ကရော စုကြည်ကပါ သဘောမတူခဲ့ကြပါဘူး။ သူမသာ ပြန်သွားခဲ့ရင် နောက်ထပ်မြန်မာနိုင်ငံပြန်လာဖို့်ပြည်ဝင်ခွင့်ဗီဇာ ရဖို့ဆိုတာ ခက်ခဲသွားပြီ။ ဒါကို  သူတို့  နှစ်ဦးစလုံးသိနားလည်ကြပြီးဖြစ်တယ်။

မိုက်ကယ်အဲရစ်ဟာ သမိုင်းဆရာ ဖြစ်သည့်အလျှောက် သူတို့နှစ်ဦးရဲ့ ဖြစ်စဉ်တွေဟာ သမိုင်းတွင်ရစ်မဲ့ ဖြစ်စဉ်တွေဖြစ်တယ်။ ဒီသမိုင်းကို  ကိုယ်တိုင်ရေးထိုးနေတယ်ဆိုတာ ကောင်းကောင်း သိနေကြတယ်။ စုကြည်ဖုန်းလက်ခံခွင့်ရတိုင်းသူတို့ နှစ်ဦး ဖုန်းအဆက်အသွယ် ပြုလုပ်ခဲ့တယ်။ စုကြည်လိုအပ်တဲ့ စာအုပ်တွေ သူက ရှာဖွေပေးပို့ခဲ့တယ်။ သူ့ ရဲ့ အိပ်ယာပေါ်မှာဆိုရင် စုကြည်ရဲ့ ဓါတ်ပုံ ဧရာမအကြီး ကြီးကိုလဲ  ချိတ်ဆွဲထားတယ်။ နံရံတွေမှာဆိုရင်လဲ စုကြည်ရရှိခဲ့တဲ့ ဆုတံဆိပ်တွေနှင့် ပြည့်နက်နေတယ်။  သူတို့တစုံတရာ ဆက်သွယ်မှု မလုပ်နိုင်တဲ့အခါ  စုကြည်သေပြီလားသူ အမြဲ တွေးပူနေတယ်။ ကနဦးတုံးက  စုကြည်ရဲ့  စန္ဒယားလက်သံကလေး အိမ်တွင်းမှာ လွင့်ပျံ့စီးမျောနေရင် ကြည်နူးခံစားလေ့ရှိတဲ့ အဲရစ်ဟာ ခုအခါမှာတော့ စန္ဒရားသံတွေ ဆိတ်သုဉ်းနေပြီဖြစ်လို့  သူ့ရင်မှာ ကြေကြေကွဲကွဲ ခံစားနေရပါတယ်။

၁၉၉၅ခုနှစ် မှာ တညမှာ စုကြည်ထံက မမျှော်လင့်ဘဲ ဖုန်းလက်ခံ ရရှိလိုက်တယ်။ သူသိပ်ဝမ်းသာသွားတယ်။ သူမဟာ ဗြိတိသျှသံရုံးထဲကနေ ဖုန်းပြောနေတာပါတဲ့။ သူမကို လွှတ်ပေးလိုက်ပီ တဲ့။ သူမကို လွတ်ငြိမ်းချမ်းသာခွင့်ပေးဖို့ဖျောင်းဖျနိုင်ခဲ့မယ် ထင်ကြောင်း သူမပြောခဲ့တယ်။ အဲရစ်နှင့်ခလေးတွေ ဗီဇာ ရရှိခဲ့တယ်။ ဒါပေမဲ့ မပြီးပြတ်သေးတဲ့ နိုင်ငံရေးကိစ္စတွေနှင့် နိုင်ငံရေးသမားတွေက ရှုပ်ထွေးနေဆဲပါ။ ခုတခေါက် သူတို့နှစ်ဦးတွေ့ဆုံခဲ့ခြင်းဟာလည်း နောက်ဆုံးအကြိမ်ပါဘဲ။ သူတို့ တဦးကို တဦး နားလည်ခွင့်လွှတ်ခဲ့ကြတယ်။ ဒီနောက် သုံးနှစ်အကြာမှာ ကုမရတဲ့ ကင်ဆာရောဂါက မိုက်ကယ့်ရင်မှာ အမြစ်တွယ်သွားပြီ။ တဲ့။ သူက ချစ်ဇနီးဆီ အကြောင်းကြားရင်း  နောက်ဆုံးအနေနဲ့ နှုတ်ဆက်လိုကြောင်း ဗီဇာ တောင်းခံခဲ့တယ်။စစ်အစိုးရက ပယ်ချပါတယ်။ အကြိမ်သုံးဆယ်မက တောင်းခံခဲ့ပါတယ်။ မရပါဘူး။ လူသားချင်းစာနာမှုမရှိတဲ့ စစ်အစိုးရဟာ  နောက်ဆုံးခရီးအတွက် ချစ်ဇနီးကို နှုတ်ဆက်ဖို့ သေလုဆဲ ရောဂါသည်ကို ပြည်ဝင်ခွင့်ဗီဇာ မပေးခဲ့ပါဘူး။ ပုပ်ရဟန်းမင်းကြီး “ဂျွန်ပေါလ်နှင့်သမတ ဘီလ် ကလင်တန်” တို့က ပန်ကြားံစာတွေပေးပို့ခဲ့တာတောင် သူတို့က ရက်ရက်စက်စက် ပယ်ချခဲ့တယ်။

နောက်ဆုံးမှာ အရာရှိကြီးကြီးတယောက်ရောက်လာတယ်။ အော့(က်စ်) ဖို့(ဒ်)နေအိမ်သို့ ပြန်လိုရင် ပြန်နိုင်ပြီး တဖန် ပြန်လာခွင့်မရှိပါဘူးတဲ့။ ဒီလိုဆိုတော့ တသက်လုံးသူမဟာ ပြည်ပြေးတယောက်ဖြစ်နေပါလိမ့်မယ်။ ဘာတွေမှ တိုက်ပွဲ မ၀င်ရဘဲ အဆုံးသတ်သွားမှာပါ။ ဒါဟာ တကယ်တော့ စုကြည်ကို ရာဇသံပေးလိုက်တာပါ။ မိသားစုကိုရွေးမလား။ နိုင်ငံကိုရွေးမလား ပြတ်ပြတ်သားသား ရွေးချယ်ရလိမ့်မယ်။ ခဏတော့  စုကြည်စိတ်ရှုပ်ထွေးသွားတယ်။ ဒီလို အကျဉ်းအကြပ်တွေကြားမှာ သူမအနေနှင့် လုပ်နိုင်တာကို သူမက ဗြိတိသျှသံရုံးမှတဆင့် ဖုန်းဆက်လိုက်တယ်။ သူတို့က သူမပြန်လာမှာ မဟုတ်ဘူးလို့ခြေထိုးနေကြတယ်။  “မုိက်ကယ် ”က သူမဒီလို မဟုတ်ပါဘူး ဆိုတာ တွင်တွင် ညင်းဆိုပါတယ်။
စုကြည်ဟာနောက်ဆုံးမှာ စိတ်ဓါတ်ကြံ့ခိုင်စွာ နိုင်ငံဘက်မှ ရပ်တည်လိုက်တယ်။ ချစ်ဇနီးကို နောက်ဆုံးအနေနဲ့ နှုတ်ဆက်ခွင့်ကလေးတောင် မရဘဲ နောက်၂ရက်အကြာမှာ မိုက်ကယ် သေဆုံးသွားပါတယ်။

စုကြည်ဟာ သူမ၀တ်ဆင်နေကျ အတိုင်း ရိုးရာထမီဝတ်ပြီးးနှင်းဆီပန်းတပွင့်ပန်ကာ တည်တည်ခန့်ခန့်ဘဲ သံရုံးသွားပြီး ၀မ်းနည်းကြောင်းမှတ်တမ်းတင်ခဲ့တယ်။ ရုပ်ရှင်မှာတော့ သူမဟာ အချစ်ကို အဓိက အစိတ်အပိုင်းတခုအနေနှင့် ရင်ထဲမှာ သိမ်းဆည်းထားရှိကြောင်းး အလေးအနက်  ပြောသွားတယ်။ စုကြည်ဟာ သူမခံစားချက်တွေနှင့်သွေဖီကာအပြင်ပန်းက သံမဏိလို မာကျောခက်ထန်နေခဲ့တယ်။ ဂျာနယ်လစ်တယောက်က “သူမလက်ထပ်ပွဲဟာ ကြေကွဲဖွယ် ဂရိပုံပြင်တခုလိုဘဲ”တဲ့။ ပြောပါတယ်။ သူမဟာ ဒီရွေးချယ်မှုအတွက် ခွင့်လွှတ်ဖို့ သူ့ကို  တောင်းပန်ခဲ့ပါတယ်။ သူမဟာ မတွေမဝေ မယိမ်းမယိုင် ပြတ်သားစွာရွေးချယ်ခဲ့မှုအပေါ် နောင်တလဲ မရခဲ့ဘူး။ ကျွန်မရေးခဲ့သလိုပါဘဲ။ ဒီလိုစွန့်လွှတ်စွန့်စားခဲ့ရပေမဲ့ လဲ တိုးတက်မှု က နှေးကွေးပြီး  မပြောပလောက်သေးဘူး။ ဒါပေမဲ့လည်း တစတစနှင့် ကျွန်မတို့တတွေ ကမ္ဘာပေါ်က  အာဏာရှင်စံနစ်ပြိုလဲမှုကို မျက်ဝါးထင်ထင်  တွေ့မြင်လာရပြီ။ မြန်မာနိုင်ငံဟာလည်း နောက်ဆုံးမှာ စစ်အစိုးရက  ပြုပြင်ပြောင်းလဲမှုတွေ လုပ်သွားပါမယ်လို့ အတည်ပြု ပြောဆိုနေပါပြီ။

တွေ့လည်ုး  တွေ့မြင်ကြရပြီ။ အထူးခြားဆုံးကတော့ စုကြည်နှင့်သူမရဲ့ အမျိုးသားဒီမိုကရေစီပါတီအဖွဲ့ချုပ်ဟာ တရားဝင်ရပ်တည်နိုင်ခဲ့အပြီး ဧပြီလ ၁ရက်နေ့မှာ ကျင်းပမဲ့ ရွေးကောက်မှာ ပါဝင်ယှဉ်ပြိုင်ဖို့ အခွင့်ရရှိသွားပါပြီ။ ဆိုတာပါဘဲ။ သူမရဲ့ရန်ကုန် ပုသိမ် မဲဆွယ်တရားပွဲဟာ စိတ်အားထက်သန်နေတဲ့ လူထုကြီးက လမ်းမတလျှောက်သောင်းသောင်းဖျဖျကြိုဆိုခဲံ့ကြတယ်။

အပူချိန်မြင့်တက်လွန်းတဲ့ နေရောင်အောက်မှာ သောင်းနဲ့ချီတဲ့ လူထုပရိသတ်ကြီးဟာ သူမဟောပြောတာကို နားထောင်ဖို့ အားကစားကွင်းဆီကို စုရုံးချီတက်နေကြတယ်။ ပါတီအလံတွေကို ဝှေ့ရမ်းပြီး “အမေ ဒေါ်စု ကျန်းမာပါစေ” တဲ့။ အော်ဟစ်ကြွေးကြော်သံတွေ ဟိန်းထွက်လာတယ်။ မြန်မာနိုင်ငံရဲ့ ပြုပြင်ပြောင်းလဲမှုဟာ ဝေဖန်ရေးဆရာတွေအဖို့  အလွန်အံ့အားသင့်စရာပါဘဲ။ နိုင်ငံရေးအကျဉ်းသားတွေကိုလည်း ရာနှင့်ချီ လွှတ်ပေးခဲ့ပါပြီ။ ကြားဖြတ်ရွေးကောက်ပွဲ လည်း လာပါတော့မယ်။ လုပ်ရန်ရှိတာတွေ တခုပြီးတခု တန်းစီနေတယ်။ တိုင်းရင်းသားလူမျိုးစုတွေနှင့်လည်းအပြစ်အခတ်ရပ်စဲဖို့ ဆွေးနွေးနေပါပြီ။ သတင်းမီဒီယာတွေ လျော့ပေါ့ပေးနေကြပါပြီ။ စီးပွားရေး ပိတ်ဆို့မှုလဲ တဖြည်းဖြည်းရုပ်သိမ်းတော့မှာဖြစ်တယ်။ အနောက်နိုင်ငံတွေနှင့် ကုလသမဂ္ဂကတော့ ဧပြီလ ကြားဖြတ်ရွေးကောက်ပွဲ တရားမျှတမှု ရှိ မရှို စောင့်ကြည့်အုံးမယ်လို့ ပြောနေပါတယ်။ စုကြည်ကလဲ ဒါကို သဘောတူပါတယ်။

စုကြည်နှင့် သူမပါတီဟာ အများဆုံးမဲ အရေအတွက် ရရှိပြီးအောင်နိုင်လိမ့်မယ်ဆိုတာ  သေချာသလောက်ပါဘဲ။ မိခင်က ဒီမိုကရေစီအတွက် ကြိုးပမ်းနေချိန် သားတွေ ဘယ်လိုနေကြသလဲ။ သားအကြီး “အလက်ဇန်းဒါး” က အသက်၃၈နှစ် ရှိနေပါပြီ။ သူက အမေရိကားမှာနေတာပါ။ နောက် သားငယ်  “ကင်  (မ်)” က ၃၄နှစ် သူက ဗီဇာရရှိတဲ့အတွက် မိခင်ထံ ခေတ္တလာရောက်လည်ပတ်နိုင်ခဲ့တယ်။ မိခင်ကို မြင်မြင်ချင်း ဟန်ဆောင်မှုမပါ ပွင့်လင်းရင်းနှီးစွာ ပွေ့ဖက်နှုတ်ဆက်တယ်။ သူံလက်မောင်းပေါ်မှာ ဒီကနေ့ ခေတ်လူငယ်တွေအကြိုက် တက်တူး ထိုးထားတာလဲ တွေ့မြင်နိုင်တယ်။ အမျိုးသားဒီမိုကရေစီ အဖွဲ့ချုပ်ရဲ့ ဒေါင်းအလံက လေမှာ လွင့်ပျံ့နေခဲ့ပြီ။ တခါတုံးက စစ်အစိုးရရဲ့ ဆူးညှောင့်ခလုပ် NLD ဟာ ဒီကနေ့ မှာ ငြိမ်းချမ်းစွာ တွေ့ဆုံဆွေးနွေးပွဲတွေနှင့် ပွင့်လင်းညင်သာတဲ့ ခေတ်ကြီးထဲ တိုးဝင်ခဲ့နိုင်ပါပြီ။

တောင်အာဖရိက မင်ဒဲလားပမာ သူမအောင်ပွဲတွေ ရရှိ်လာပါပြီ ။ စုကြည် နေ့ညမလပ် မက်ခဲ့တဲ့  ဒီမိုကရေစီအိပ် မက်ကို ၅၉သန်းမျှသော ပြည်သူလူထုကိုပါ မျှဝေ ခံစားမက်စေ တော့မှာဖြစ်ပါတယ်။ ကျွန်မတို့အားလုံး စုကြည်ရဲ့ ကံကြမ္မာကိုတော့ ဆက်ကြည့်ရအုံးမှာဖြစ်ပါတယ်။

Source : Newsweek mar12,2012
The Lady’s destiny
Florist  မြန်မာမှုပြုသည်။

Tuesday, March 13, 2012

အထိမခံတဲ့ ဟော်မုဇ် ရေလက်ကြား (သို့မဟုတ်) အီရန်ရဲ့ သေနင်္ဂဗျူဟာပရိယာယ်

စာအသစ်မရေးနိုင်ပြန်ပါဘူး။ မေမေ့ရဲ့စာအဟောင်းတစ်ပုဒ်ပဲ တင်လိုက်ပါတယ်။
အနီရောင်မျှားကလေးက ဟော်မု (ဇ် )ရေလက်ကြားတည်ရာ ကို ပြသထားတာဖြစ်ပါတယ်။ အာရေဗျကျွန်းဆွယ်နှင့် ပါရှန်ပင်လယ်ကွေ့  ထိစပ်နေတဲ့ ဒေသမှာပါ။ ဟော်မု (ဇ်)် ဆိုတဲ့ အမည်ဟာ မူလ ဒေသခံ ပါရှန်လူမျိုးတို့ရဲ့  ဘာသာစကား အရ “Ormuz” မှ ဆင်းသက်လာတာဖြစ်တယ်။
အပြာရောင်မျှားလေးများက ရေနံတင်ပို့ရာလမ်းကြောင်းနှစ်ခု Traffic Separation Scheme ကို ဖေါ်ပြထားတာပါ။ ဟော်မု(ဇ်)ဟာ ကျဉ်းမြောင်းပေမဲ့ အရှေ့တေင်ဘက်မှာရှီတဲ့ အိုမန်ပင်လယ်ကွေ့နှင့် ပါရှန်ပင်လယ်ကွေ့ တို့ အကြား အလွန်အရေးပါပြီး မဟာဗျူဟာကျတဲ့ ရေလက်ကြားဖြစ်နေပါတယ်။ မြောက်ဘက်မှာအီရန်ကမ်းရိုးတန်းနှင့်တောင်ဘက်မှာ ယူနိုက်တက်အာရပ်အီမီရိတ်ထ်စ် ၊ မူဆန်ဒမ်၊အိုမန် စသည် တို့ရှိပါတယ်။ ဟော်မု(ဇ်)ရေလက်ကြားဟာ ကီလိုမီတာ54 (34mi) မျှ သာဘဲ ကျယ်ဝန်းပါတယ်။ အာရပ်ကမ္ဘာက ရေနံစိမ်း များကို အကြီးကျယ်ဆုံးတင်ပို့နေတဲ့ နေရာဒေသတခုသာဖြစ်ပါတယ်။ ရေနံတင်သင်္ဘောများသွားလာခုတ်မောင်းဖို့ တခုတည်းသော လမ်းကြောင်းအဖြစ်လည်း ပါရှန်ပင်လယ်ကွေ့မှာ ရေပန်းစားနေတာပါ။ ပျမ်းမျှ တနေ့ကို ရေနံတင်သင်္ဘော( tankers) ၁၄စင်းနှင့် ရေနံစိမ်းသိုလှောင်စည်ပေါင်း 15.5 မီလျှံ (2,460,000 m3) ကို ဒီဟော်မု(ဇ်)ရေလက်ကြားကနေ ဖြတ်ကျော်ခုတ်မောင်း တင်ပို့နေခြင်းဖြစ်ပါတယ်။ ကမ္ဘာ့ရေနံတင်သင်္ဘောများရဲ့ ၃၅% ကို သယ်ယူနေတာ လည်း ဖြစ်ပါတယ်။ ရေလက်ကြားအတွင်းသင်္ဘောများ အထိအခိုက်မရှိ အန္တရယ်ကင်းကင်း ၀င်ထွက်နိုင်ဖို့ ယဉ်သွားလာမှု ရေကြောင်း သတ်မှတ်ရေးအ ဖွဲ့ က ( Traffic Separation Scheme “TSS”) သင်္ဘော အ၀င်လမ်း အထွက်လမ်းများသတ်မှတ်ထိန်းချုပ်ပေးထားပါတယ်။


ရေကြောင်းလမ်းအကျယ်အ၀န်းဟာ 6miles( 10km)ရှီပြီး အကျယ် 2miles (3km)ရှိ အ၀င်အထွက် လမ်းကြော၂ခု အပါအ၀င် ရေကြောင်းလိုင်းများ သတ်မှတ်စီစဉ် ထားပေးတယ်။ ဒီလို သင်္ဘောများ ဖြတ်သန်းခုတ်မောင်းရာမှာ အီရန်နှင့် အိုမန် နိုင်ငံတို့ရဲ့ ရေပိုင်နက်များကို အငြင်းပွားခြင်းမရှိရအောင် ကုလသမဂ္ဂသဘောတူပြဌာန်းအတည်ပြုထားတဲ့ ဥပဒေရှိပါတယ်။ အဲဒီလို ဆုံးဖြတ်ချက် ချမှတ် အတည်ပြုထားသော်လည်း နိုင်ငံအားလုံးလိုက်နာကြတာတော့ မဟုတ်ပါဘူး။ US အပါအ၀င် နိုင်ငံအများစုကသာ ဒီဆုံးဖြတ်ချက်ကိုလိုက်နာ ကျင့်သုံးကြတာဖြစ်တယ်။ ရေဒါစံနစ်ဖြင့် ရေကြောင်းဆက်သွယ်ညွှန်ပြခြင်း( Link Quality Indicator (LQI) ကို အိုမန်နိုင်ငံကနေ ဟော်မုဇ်ရေလက်ကြားရှိ “TSS “မော်နီတာကို ပေးပို့ရပါတယ် ။ မူဆာဒမ်ကျွန်းဆွယ်ထိပ်ပေါ်က ကျွန်းငယ်လေးတကျွန်းမှာ TSS ကို ထားရှိတာဖြစ်ပါတယ်။ သို့သော်လည်း မကြာခဏ သင်္ဘောများ ထိခိုက်မှုကတော့ ဖြစ်လေ့ရှိတဲ့ သဘာဝတရားများပါဘဲ။
ဂြိုလ်တုပေါ်က မြင်တွေ့ရပုံ
ဟော်မုဇ် ရေလက်ကြားရဲ့ အသွင်သဏ္ဍာန်  
နိုင်ငံရေးနှင့်ဆက်နွယ်နေတဲ့ ပင်လယ်ရေကြောင်း ခရီး နယ်နိမိတ်များ ၁၉၈၈ခုနှစ် ဧပြီလ ၈ရက်နေ့က အဲဒီ ရေလက်ကြားမှာ အီရန်တပ်ဖွဲ့နှင့်အမေရိကန် ရေတပ်တို့ အချင်းများပြီး ” တရက်ကြာ”စစ်ပွဲ ဖြစ်ပွားခဲ့ကြတယ်။ သမိုင်းမှာတော့ “Operation Praying Mantis” လို့ တွင်ခဲ့တယ်။ ဒါဟာ ဧပြီ ၁၄ရက်နေ့က အီရန်တို့မိုင်းထောင်ဖေါက်ခွဲပြစ်ခဲ့တဲ့ USS Samuel B Roberts (FFG-58)အတွက် လက်စားခြေ တုံ့ပြန်တိုက်ခိုက်တာသာဖြစ်တယ်လို့ ဆိုတယ်။ အမေရိကန်က ဖရီးဂိတ်စစ်သင်္ဘောနှစ်စင်း ၊လက်နက်အပြည့် တပ်ဆင်ထားတဲ့ တိုက်ရေယာဉ်တစင်း၊စပိဘုတ် ၆စင်း နစ်မြုပ်ပြစ်ခဲ့တယ်။ တခါ ၁၉၈၈ခုနှစ်ဇူလိုင်လမှာ အမေရိကန်စစ်သင်္ဘောUSS Vincennes မှ မှားယွင်းပစ်ခတ်တာကြောင့် လူပေါင်း ၂၉၀သေဆုံးတဲ့ ခရီးသည်တင်လေယာဉ် အီရန် Air Flight 655 ဟာ ဟော်မု(ဇ်)ရေလက်ကြားမှာ ပျက်ကျခဲ့ရတယ်။ ၂၀၀၇ ဇန်န၀ါရီလမှာ ရေငုတ်သင်္ဘော USS NewPort Newsနှင့် တန်ချိန်ပေါင်း 300.000 များပြားစွာ တင်ဆောင်လာတဲ့ ဂျပန်ရေနံတင်သင်္ဘော Mogamigawa တို့ ရေအောက်မှာ ထိပ်တိုက် ၀င်ဆောင့်ခဲ့ကြသော်လည်း ထိခိုက်ဒါဏ်ရာ နှင့် ရေနံယိုဖိတ်မှု စသည် တစုံတရာဖြစ်ပွာခြင်းမရှိခဲ့ဘူး။ ၂၀၀၉ခု မတ်လ ၂၀ရက်နေ့က USSHartford နှင့် USS New Orleans တို့ ဟော်မု(ဇ်) ရေလက်ကြားမှာနှစ်ဦးသား ၀င်ဆောင့်ခဲ့ဖူးပါတယ်။ Hartford မှ သင်္ဘောသား ၁၅ဦး ဒါဏ်ရာရရှိပြီး New Orleans ကတော့ လောင်စာကန် ကျိုးပဲ့တာကြောင့် US ဂါလံပေါင်း 25,000 ဖိတ်စင်ခဲ့တယ်။
၂၀၀၇ ဒီဇင်္ဘာနှင့် ၂၀၀၈ ဇန်န၀ါရီလများမှာ အီရန်စပိဘုတ်များနှင့် အမေရိကန်စစ်သင်္ဘောများအကြား အငြင်းပွားစရာ ပြဿနာများရှိလာတယ်။ အမေရိကန်စစ်သင်္ဘောအုပ်စုကို အီရန်က ရန်စကျူးကျော်တယ်။နှောင့်ယှက်မှုပြု တယ်လို့တရားဝင် ပြောဆိုကန့်ကွက်ပါတယ်။ ဒါပေမဲ့ အီရန်က ဒီစွပ်စွဲချက်ကို အပြင်းအထန်ုငြင်းဆန်ပါတယ်။ ၂၀၀၈ခု ဇန်န၀ါရီ၁၄ရက်နေ့မှာ ၂၀၀၈ခု ဇွန်လ ၂၉ရက်နေ့မှာ အီရန်တော်လှန်ရေး အစောင့်တပ်ဖွဲ့ဗိုလ်ချုပ်ကြီး “အလီမိုဟာမက်ဂျာဖါရီ” က “အီရန်ဟာမကြာခင်မှာ အဇ္ဇရေးနှင့် အမေရိကန် တို့ရဲ့တိုက်ခိုက်လာမှုကို ခံရနိုင်ဖွယ်ရှိတယ်”လို့ စွပ်စွဲ ပြောဆိုခဲ့တယ်။ ဒါ့အပြင် အဲဒီလို တိုက်ခိုက်လာရင် ဟော်မု(ဇ်)ရေလက်ကြားကို ပိတ်ဆို့ ပြီး ရေနံဈေးကွက် တခုလုံးပျက်ပြားသွားအောင် မိမိတို့ကလုပ်ရန် အသင့်ရှိကြောင်းကိုလည်း ခြိမ်းခြောက်ပြောဆိုခဲ့တယ်။ အမေရိကန် ရေတပ်အုပ်စုဟာ ဘာရင်းမှာ အခြေချထားတာမို့ ပါရှန်ပင်လယ်ကွေ့ကို မဖြစ်မနေ ဖြတ်သန်းရတယ်။ တာဝန်ရှိသူ အမေရိကန်ဒုဗိုလ်ချုပ်ကြီး “ ကီဗင် ကော့စ်ဂရစ်ဖ်” က ပြောကြားရာမှာ “အီရန်ရဲ့ လှေသင်္ဘောငယ်တွေဟာ မိမိတို့ ရေတပ်သင်္ဘောကြီးတွေကို ဒေါသထွက်အောင် နှိုးဆွနေတယ်။ ကမ္ဘာ့တတိယ ရေနံထွက်ရှိရာဒေသခံအနေနဲ့ ထင်သလိုရမ်းကားနေတာကို အမေရိကန်က ခွင့်ပြုမှာ မဟုတ်ဘူး လက်ပိုက်ကြည့်မနေဘူး”တဲ့။

တစ်ခါ၂၀၀၈ ခု ဇူလိုင်၈ရက်နေ့မှာ အဆင့်မြင့်အီရန်ခေါင်းဆောင် ဘုန်းတော်ကြီး “အလီခါမေနီ”က တော်လှန်ရေးအစောင့်တပ်ဖွဲ့ ကို မိန့်ခွန်းပြောကြားရာမှာ “ဇီယွန်တွေဟာ အီရန်ကို တိုက်ခိုက်ဖို့ အိမ်ဖြူတော်ကို တောင်းဆို ဖိအားပေး သိမ်းသွင်းနေတယ်။ ဒီလို ရာဇ၀တ်မှုမျိုးကို မိုက်မိုက်မဲမဲကျူးလွန်မယ်ဆိုရင် ဟော်မု (ဇ် )ရေလက်ကြားက သူတို့ရဲ့ရေနံတင် သင်္ဘောတွေ အီရန်က လက်ဦးယူ ပြစ်မှတ်ထား တိုက်ခိုက်သွားမယ်။တဲလ်အဗစ်နဲ့ဝါရှင်တန်က သင်္ဘောတွေ တစမကျန်မီးလောင်ပြာကျစေရမယ်၊ ပါရှန်ပင်လယ်ကွေ့ကနေ ပြာမှုံအဖြစ် လွင့်စင်စေရမယ်။” လို့ ထည့်သွင်းပြောဆိုသွားတယ်။ ဒီလိုပါဘဲ။ သဘောထားတင်းမာလွန်းသူ အီရန်သမ္မတ မာမွတ်အမာဒီနီဂျက်ဟာလည်း အလားတူ ရန်လိုသော စကားများကို မကြာခဏ တိုက်ခိုက်ပြောကြားလေ့ရှိပါတယ်။ ယနေ့အခြေအနေမှာလဲ အီရန်ဟာ ပြောရခက်ပါတယ်။ နိုင်ငံတကာ ကန့်ကွက်နေတဲ့ ကြားကနျူကလီးယားကိစ္စကို ရပ်တန့်မထားဘဲ အလွန်ခေါင်းမာစွာရှေ့ဆက်နေဆဲပါဘဲ။ အနောက်နိုင်ငံများက စီးပွားရေးပိတ်ဆို့အရေးယူမှု ကို အရှိန်မြင့် တိုးချဲ့ လုပ်ကိုင်ခဲ့ရင် ပြဿနာက အကြီးမားဆုံးဖြစ်လာမှာပါ။ ဒါဆိုရင်.. ဟော်မုဇ်ရေလက်ကြားကို အီရန်တို့က လည်းအသေအချာပိတ်ပြစ်ဖို့ အသင့်ပါ။ ရေနံဈေးနှုံးတွေလည်း အမြင့်ဆုံးကို ခုန်တက်သွားမှာပါ။

တစ်ဖန် ပိတ်ဆို့သူ အမေရိကန်များအနေနှင့်လည်းတန်ပြန် အကျိုးသက်ရောက်မှုက ဘယ်လိုရှိလာနိုင်မလဲ တွက်ချက်ရမှာဖြစ်ပါတယ်။ တချို့ကလည်း ဒီလိုရေနံဈေးတွေ ခေါင်ခိုက်လေ အီရန်က အကြိုက်တွေ့လေ။ရေနံက ရတဲ့ ငွေ နဲ့ ပို ပိုပြီး ၀င်ငွေတိုးလေတဲ့။ တချို့ကလည်း ဒေါ်လာနှင့်လဲလှယ်ရာမှာ အီရန်ငွေဈေးကျဆင်းသွားနိုင်လို့ ထင်သလောက် မဟုတ်ပါဘူး။ တဲ့။ ငွေကြေးခိုင်မာမှုမရှိရင်ဘဏ်တွေမှာ ငွေကြေးပြည့်စုံမှာ မဟုတ်ဘူး။ ဘဏ်ငွေအပ်သူများ ငွေတွေ ကို ပြန်ထုတ်ယူသွားနိုင်တာမို့ ငွေကြေးဈေးကွက် ကမောက်ကမ ဖြစ်ပြီး အီရန်တွေ အရှုံးပေါ်နိုင်တယ်လို့ ထောက်ပြကြတယ်။ ဘယ်လိုဘဲ ဖြစ်ပါစေ အီရန်ဟာ နျူကလီယားကိစ္စ ရပ်တန့် ပစ်မှာ မဟုတ်ပါဘူး။ တကယ့်ကို အကျဉ်းအကြပ်ထဲမှာပါ။ ဆတပိုးတိုးလို့အားသွန်ကြိုးပမ်းသွားမှာက အသေချာဆုံးပါ။ လက်ရှိအနေအထားမှာလည်း လက်နက်ဆန်းတွေထုတ်လုပ်ဆဲ လက်စွမ်းပြ ပစ်ခတ်ပြသနေဆဲပါ။ မဝေးတော့တဲ့ ကာလမှာ အီရန်ဟာလည်း နျူကလီးယား လက်နက် လျို့ဝှက် ထိပ်ဖူး အသစ်များပိုင်ဆိုင်နေပြီဖြစ်ကြောင်းအတ်ိအလင်းကြေညာဖွယ်ရှိပါတယ်။ အဲဒီအချိန်မှာ အမေရိကန် ဘာလုပ်မလဲ။ အဇ္ဇရေးလ် ဘာလုပ်မလဲ စောင့်ကြည့် မနေဘဲ စက်ကွင်းလွတ်အောင်ရှောင်နိုင့်ဖို့သာ ကြိုးပန်းရမှာဖြစ်ကြောင်းနဲ့ ဘယ်လို ကြိုးပမ်းမလဲ ဆိုတာသာ စဉ်းစားထားရန်ရှိကြောင်း အသိပေးလိုက်ပါရစေ။ မထိမ်းနိုင် မသိမ်းနိုင် နျူစစ်ပွဲ ဖြစ်ပြီဆိုရင် ဘယ်သူမှ အနိုင်အရှုံး ရှိမှာ မဟုတ်ဘူး။ အားလုံး ပျက်သုန်းကုန်မှာပါ။

အီရန်ဟာ 2011 နှစ်ကုန်ပိုင်း ဒီဇင်ဘာလ ၂၄ရက်နေ့မှစပြီး ပါရှန်ပင်လယ်ကွေ့ရှိ ဟော်မု (ုဇ်) ရေလက်ကြားမှ အရှေ့ဘက် အေဒင်ပင်လယ်ကွေ့ အထိ ကီလိုမီတာ ၂၀၀၀ အတွင်း ကျယ်ပြန့်စွာ စစ်ရေးလေ့ကျင့်မှုကို ၁၀ရက်တိုင်တိုင် ပြုလုပ်ခဲ့ပါတယ်။ ဒီလို လေ့ကျင့်နေစဉ် အမေရိကန် လေယာဉ်တင် သင်္ဘောတွေရဲ့  လှုပ်ရှားမှုကို အီရန်က ဘ၀င်မကျပါဘူး။ မမြင်လိုပါဘူး တဲ့။ “သူတို့ ကို ပါရှန်ပင်လယ်ကွေ့ကနေ အပြီးအပိုင် ထွက်ခွာသွားစေချင်ပါတယ်။” လို့ အီရန်ရေတပ် ပြောရေးဆိုခွင့်ရှိသူ က ဆိုပါတယ်။ “ကျွန်တော်တို့ စစ်ရေးလေ့ကျင့်နေစဉ် ရန်သူတွေဟာ အိုမန်ပင်လယ်ဘက်ကိုထွက်ခွာသွားတာ တွေ့နေရပါပြီ်။သူတို့ နောက်တကြော့ပြန်မလာပါစေနဲ့လို့ မျှော်လင့်ပါတယ်”တဲ့။ US နေဗွီ မှ ပြောရေးဆိုခွင့်ရှိသူ ဗိုလ်ချုပ်ကြီး “ဘီလ်” က ချက်ခြင်းတုံ့ပြန်ပြောကြားရာမှာ “အမေရီကန်ရေတပ်ဟာ နိုင်ငံတကာရေကြောင်းထိမ်းသိမ်းကာကွယ်ရေး သဘောတူညီချက်အရ ရေနံတင် သင်္ဘောများ ဘေးကင်းလုံခြုံစွာ ခုတ်မောင်းနိုင်ဖို့ ပါရှန်ပင်လယ်ကွေ့ကို စောင့်ကြည့်နေခြင်းသာဖြစ် လို့ ပုံမှန် ဆက်လက် လှုပ်ရှားနေမှာဖြစ်တယ်”လို့ ထည့်သွင်းပြောကြားသွားပါတယ်။ အီရန်ကို စီးပွားရေး ပိတ်ဆို့အရေးယူမှု ယခုထက် အရှီန်မြှင့်ခဲ့ရင် ကမ္ဘာ့ရေနံဈေးကွက်ကို ကိုင်လှုပ်သလို တဟုန်ထိုးတက်သွားလိမ့်မယ်ဆိုတာ စောစောပိုင်းက ထုတ်ဖေါ်ပြောကြားခဲ့ပြီးဖြစ်ပါတယ်။ အရှင်းဆုံးပြောရရင် အီရန်ဟာ ရေနံစ်ိမ်း ဈေး ၄% ပိုမို ဈေးမြင့်လာဖို့ မျှော်လင့်နေတာပါ။ ဒါပေမဲ့ ငွေကြေးတန်ဘိုး ၁၂% လျောကျသွားနိုင်ပါတယ်။

အီရန်ရော အမေရိကန်တို့ပါ အကျဉ်းအကြပ်ထဲ ရောက်နေတာပါ။ ဟောမု (ဇ် )ရေလက်ကြားဟာ တကယ့်ကို မလွယ်ပါဘူး။ အထိမခံနိင်စရာပါဘဲ။ အမေရိကန်ပြည်ထောင်စုနှင့်အတူ နောက်ထပ် ပိတ်ဆို့ပေးမယ့် နိုင်ငံတွေက ရှိနေပါတယ်။ အီရန်ဗဟိုဘဏ်ကို အများကြီးထိခိုက်လာနိုင်ပါတယ်။ ၂၀၀၈ခုနှစ်က အီရန်ဟာ ရေလက်ကြားမှာ လှေသင်္ဘောများအသွားအလာ တလခန့် တားဆီးဟန့်တားဖူးပါတယ်။ ဒါပေမဲ့ မကြာခင်လမ်းပွင့်ခဲ့ပါတယ်။ လမ်းပွင်ဖို့ ကြိုးစားခဲ့တဲ့ အမေရိကန်တွေနှင့်လည်း ပဍိပက္ခ ပိုလာခဲ့ပါတယ်။ဆက်ဆံရေးပိုမို တင်းမာလာတယ်။ ပင်တဂွန်စစ်ဌာနချုပ်မှ ပြောရေးဆိုခွင့်ရှိသူ “ကပ္ပိတိန်ဂျွန်ကာဘေး”က ရိုက်တာ သတင်းဌာနကို ပြောဆိုရာမှာ.. “ကမ္ဘာကြီးဟာ ကူကယ်ရာမဲ့နေပါတယ်။ တင်းမာမှုတွေက အရှီန်မြင့်တက်နေဆဲပါ။ ကျွန်တော်တို့ဘက်ကတော့ ကျွန်တော်တို့ ပါတနာတွေ ကျွန်တော်တို့ဝန်းကျင်က ကျွန်တော်တို့ မိတ်ဆွေတွေ လူ့ဘောင်အသိုင်းအ၀န်းတခုလုံးက လူသားတွေ ကို ကျွန်တော်တို့ အပြည့်အ၀ စွမ်းဆောင်မှုတွေ ပေးချင်ပါတယ်။ကမ္ဘာကြီးကို အေးငြိမ်းစေချင်ပါတယ်”လို့  ပြောပါတယ်။ အလားတူ အီရန် အင်စတီကျူ့ က “ဆူဆန်နီ မာလိုနီ “က လည်း “အမေရိကန်ဟာ အီရန်ရဲ့ ဘယ်လိုခြိမ်းခြောက်မှုမျိုးကို မဆို ကျော်လွှားသွားနိုင်မယ်ဆိုတာ ကျွန်ူမ ယုံကြည်ပါတယ်” တဲ့။ အီရန်က ရန်လိုနေတာအမှန်ပါ။ လက်နက်ချင်းယှဉ်ပြိုင်ဖို့ လည်း အသင့်ရှိနေပါပြီ။ အမုန်းတရားတွေကလည်း အီရန်သမ္မတကို ချောက်ထဲ တွန်းချနေပါတယ်။ အိုဘားမားကလည်းရွေးကောက်ပွဲ အနိုင်ရဖို့ ထိန်းထိန်းသိမ်းသိမ်းလုပ်နေပေမဲ့  အလျော့ပေးမဲ့ဟန်မပေါ်ဘူး။ ရှေ့ဆက် ဘာဖြစ်လာမလဲ ဆိုတာ.. ၂၀၁၂ခုနှစ်မှာ …ကမ္ဘာကြီးဘာဖြစ်နိုင်မလဲ ဆိုတာ… စောင့်ကြည့်ကြရမှာ ဖြစ်ပါတယ်။

Source : Wikipedia

၂၀၁၂ခုနှစ် ဇန်န၀ါရီလ ၇ရက်နေ့ ရရှိတဲ့ သတင်းအရ ဆိုမာလီဓါးပြများ တလကြာဖမ်းဆီးထားတဲ့ ငါးဖမ်းသင်္ဘောတစင်းက အီရန်နိုင်ငံသား၁၃ဦးကို ဆိုမာလီ ဓါးပြ ၁၅ဦး လက်ထဲကနေ USSကိစ် သင်္ဘောက ကယ်တင်ခဲ့ကြောင်း အီရန်နိုင်ငံသားများဟာ အီရန်နိုင်ငံကို ပြန်သွားနေပြီဖြစ်ကြောင်း သတင်းကို တွေ့မြင်ကြားသိရပါတယ်။ ဖမ်းဆီးခံထားရသူများပေးပို့တဲ့ အကြောင်းကြားချက်ကို လက်ခံရရှိလို့ဖြစ်ပါတယ်။ အဲဒီ အီရန်နိုင်ငံသားတွေဟာ အီရန်နှင့် အမေရိကန်တို့ရဲ့ တင်းမာမှုကို မသိကြဘူးလို့ ဆိုပါတယ်။ ဒီဖြစ်ရပ်ကလေးတခုဟာ အီရန်နှင့် အမေရိကန်တို့ရဲ့ တင်းမာမှုအနေအထားကို နည်းနည်းကလေးဖြစ်ဖြစ် (တစ်ရွေးသားဖြစ်ဖြစ် နှစ်ရွေးသားဖြစ်ဖြစ်) လျော့ပါးနိုင်ကောင်းရဲ့လို့ Florist မျှော်လင့်ချင်ပါတယ်။

Florist

Tuesday, March 6, 2012

လရိပ်

♫ The trees that whisper in the evening
Carried away by a moonlight shadow ♫

လရောင်ရှိတဲ့ညတွေမှာ
လရောင်ခပ်လဲ့လဲ့လေးဖြာကျတဲ့နေရာမှာအိပ်ရင်း  ...
လ ကို ငေးပြီးကြည့်ရင်း ...
အိပ်ပျော်သွားရတာ သိပ်ကြိုက်တာပဲ။
ဘာကြောင့်လည်းမသိ အူထဲအသည်းထဲကကို ကျလိကျလိနဲ့သဘောကျတာ။
ညက အိပ်ခါနီးလရောင်မြင်ရတဲ့ဘက်ကို နေရာပြောင်းအိပ်တယ်။
ပြီးတော့ မေးလိုက်သေးတယ်။
"တကယ်ချစ်ရဲ့လား" လို့
သူကဖြေတယ်။ "....." တဲ့
ဒါဆို လကြီးကို ယူပေးပါ။ ညတိုင်းလကြီးဆီက အရောင်ဖွေးဖွေးလေးနဲ့ အိပ်ချင်လို့ပါ ဆိုတော့။
"....." တဲ့။
ဘာဖြေလိုက်တာပါလိမ့်။
မသိလိုက်တော့ဘူး .. အိပ်ပျော်သွားပြီ .... zzzzzzz

Moonlight shadow သီချင်းလေးလည်းပြန်နားထောင်ဖြစ်တယ်။

♫ I stay, I pray
See you in Heaven, far away
I stay, I pray
See you in Heaven one day ♫

Sunday, March 4, 2012

လုပ်ကြံသတ်ဖြတ်မှုတွေနဲ့ အီရန်ရဲ့ နျူကလီးယားအန္တရာယ်

အီရန်နျူကလီးယားပညာရှင်တွေကို ဘယ်သူကများလုပ်ကြံနေသလဲဆိုတာ အီရန်နိုင်ငံတွင်း လူတွေအများကြီးကမေးချင်နေကြတဲ့ မေးခွန်းတစ်ခုတော့ဖြစ်နေပါပြီ။ အီရန်နိုင်ငံကိုစောင့်ကြည့်နေကြတဲ့ ကမ္ဘာတစ်လွှားကလူတွေကလည်း သိချင်နေကြတယ်။ ဘယ်သူက နျူကလီးယားပညာရှင်တွေကို သတ်နေသလဲတဲ့။ မေးနေကြပါတယ်။ ပြီးခဲ့တဲ့ ဇန်န၀ါရီလ ၁၁ရက်နေ့ကဖြစ်ပွားခဲ့တဲ့ ကားဗုံးပေါက်ကွဲမှုတစ်ခုမှာ နာတန်ဇ်နျူကလီးယားသန့်စင်စက်ရုံက အကြီးတန်းပညာရှင် တီဟီရန်နည်းပညာတက္ကသိုလ် ပါမောက္ခ မောစတာဖာ အမာဒီရိုရှန် သေဆုံးခဲ့တယ်လို့ အီရန်အစိုးရသတင်းဌာနကပြောပါတယ်။ ပြီးခဲ့တဲ့ နှစ်နှစ်အတွင်း လှိူဝှက်တဲ့ဗုံးဖောက်ခွဲလုပ်ကြံမှုလေးခုမှာ တတိယမြောက်သေဆုံးခဲ့တဲ့ နျူကလီးယားပညာရှင်ပါ။ လုပ်ကြံမှုတစ်ခုစီမှာ တစ်ဦးဦးက ဗုံးကို ကားမှာထားခဲ့တာမျိုးတွေချည်း ဆင်တူနေခဲ့ပါတယ်။ နောက်ဆုံးသေဆုံးခဲ့တဲ့လုပ်ကြံမှုမှာ မော်တော်ဆိုင်ကယ်စီးလူနှစ်ဦးဟာ သံလိုက်ဗုံးကို နျူကလီးယားပညာရှင်ရဲ့ အီရန်ခိုဒရိုကုမ္ပဏီထုတ် ဖူးဂျော့ ၄၀၅ ကားမှာကပ်သွားခဲ့တယ်။ လုပ်ကြံသူဟာ လုပ်ကြံခံရမယ့်သူရဲ့ လမ်းကြောင်း၊ အချိန်အတိအကျ အားလုံးကို ရှင်းရှင်းလင်းလင်းသိနေခဲ့ပါတယ်။ သေးငယ်ပြီးအဆင့်မြင့်နည်းပညာနဲ့ဒီဇိုင်းထုတ်ထားတဲ့ သံလိုက်ဗုံးဟာ ပစ်မှတ်ကိုထိထိရောက်ရောက်တိုက်ခိုက်နိုင်သလို ပတ်ဝန်းကျင်ကိုပျက်စီးဆုံးရှုံးမှုမရှိအောင်လည်း အထူးစီမံထားခဲ့ပါတယ်။
နောက်ဆုံးလုပ်ကြံမှုမှာ သေဆုံးခဲ့သူ ပါမောက္ခ မောစတာဖာ အမာဒီရိုရှန်

၂၀၁၀ နိုဝင်္ဘာလက နျူကလီးယားပညာရှင် မာဂျစ် ရှာဟရီယာရီကို လုပ်ကြံခဲ့တဲ့ဗုံးနဲ့ အတူတူပါပဲ။ သေဆုံးခဲ့တဲ့ မာဂျစ် ရှာဟရီယာရီဟာ ရှာဟစ်ဒ်ဘယ်ဟက်ရ်ှတီတက္ကသိုလ်ရဲ့ နျူကလီးယားအင်ဂျင်နီယာဌာနက အဖွဲ့ဝင်တစ်ဦးပါ။ အဲဒီ နိုဝင်္ဘာလမှာပဲ လက်ရှိ အနုမြူစွမ်းအင်ဌာနအကြီးအကဲဖြစ်နေတဲ့ ဖယ်ရေဒွန် အက်ဘက်စီ ဒါဗါနီလည်း လုပ်ကြံခံခဲ့ရပေမယ့် ဒဏ်ရာရရုံရခဲ့ပါတယ်။ ၂၀၁၀ခုနှစ် ဇန်န၀ါရီလမှာ ရူပဗေဒပါမောက္ခ မာဆာ့ဒ် အလီမိုဟာမာဒီရဲ့ ကားအနီးက ဗုံးတပ်ထားတဲ့ဆိုင်ကယ်ကို အဝေးထိန်းခလုတ်နှိပ်ကာဖောက်ခွဲလုပ်ကြံနိုင်ခဲ့တယ်။ ဇူလိုင်လမှာ သေနတ်သမားတစ်ဦးပစ်ခတ်မှုကြောင့် ရူပဗေဒပညာရှင် ဒါရီရပ်ရှ် ရယ်ဇိုင်းသေဆုံးခဲ့ပြီး အဲဒီသေဆုံးမှုဟာလည်း နျူကလီးယားလုပ်ငန်းစဉ်တွေနဲ့ ချိတ်ဆက်မှုရှိတယ်လို့ဆိုကြတယ်။
အီရန်အစိုးရသတင်းဌာနတွေက အစ္စရေးနဲ့ ယူနိုက်တက်စတိတ်ကို လုပ်ကြံမှုတွေမှာ နောက်ကွယ်ကကြိုးကိုင်နေကြတယ်လို့ အပြစ်တင်ခဲ့ပါတယ်။ ယူအက်စ်အတွင်းရေးမှူးဟီလာရီကလင်တန်က “အီရန်နိုင်ငံအတွင်းမှာဖြစ်နေတဲ့ အကြမ်းဖက်မှုတွေမှာ ပါဝင်ပတ်သက်မှု တစ်ခုမှမရှိဘူးဆိုတာ ပြတ်ပြတ်သားသားပဲ ငြင်းဆိုချင်ပါတယ်” လို့ ပြောပါတယ်။ “ရန်စနေတဲ့အပြုအမူ၊ နျူကလီးယားလက်နက်ရှာဖွေမှု စတာတွေကို အဆုံးသတ်နိုင်မယ့်နည်းလမ်းအတွက်လိုအပ်တဲ့ အီရန်နဲ့ အိမ်နီးချင်းနိုင်ငံတွေ အပြည်ပြည်ဆိုင်ရာအုပ်စုတွေကြားက နားလည်မှုဟာ ဖြစ်တည်လာလိမ့်မယ်လို့ ကျွန်မတို့ယုံကြည်ပါတယ်။ အီရန်နိုင်ငံဟာ အပြည်ပြည်ဆိုင်ရာအဖွဲ့အစည်းနဲ့ပြန်လည်ပေါင်းစည်းပြီး အပြုသဘောဆောင်တဲ့အဖွဲ့ဝင်ဖြစ်လာဖို့လည်းယုံကြည်ပါတယ်” လို့ ဆိုတယ်။ အစ္စရေးကတော့ စွပ်စွဲချက်တွေနဲ့ ဆင်ခြင်သုံးသပ်မှုတွေကို ယေဘူယျအားဖြင့် မှတ်ချက်ပေးဖို့ ငြင်းဆန်ပါတယ်။ အစ္စရေးကာကွယ်ရေးတပ်ဖွဲ့အတွက် ပြောရေးဆိုခွင့်ရှိသူ တပ်မဟာမှူး ဗိုလ်ချုပ်ကြီး ယော့ဗ်မိုးဒါ့ချိုင်က သူ့ရဲ့ facebook စာမျက်နှာမှာတော့“အီရန်ပညာရှင်ကို ဘယ်သူကပစ်မှတ်ထားခဲ့သလည်း ကျွန်တော်စိတ်ကူးကြည့်လို့တောင့်မရပါဘူး၊ ဒါပေမယ့် ကျွန်တော်တော့ မျက်ရည်တစ်စက်ကျဖို့တောင်မလုပ်ဘူး၊ အဲဒါအသေအချာပဲ” လို့ ရေးခဲ့ပါတယ်။ အစ္စရေးကာကွယ်ရေးတပ်ဖွဲ့ရဲ့ အီရန်ဌာနခွဲ ဒါရိုက်တာဖြစ်ခဲ့ဖူးတဲ့ မစ်ကီစီးဂဲလ်က အစ္စရေးစစ်တပ်ရေဒီယိုကို အခုလို ပြောခဲ့ပါတယ်။ “အဲဒီလုပ်ကြံမှုဟာ သမ္မတမာမွတ်အာမက်ဒီနီဂျက်အစိုးရကိုပြချင်တဲ့ ဖိအားတွေရဲ့တစ်စိတ်တစ်ပိုင်းဖြစ်တယ်။ လက်ရှိအချိန်ကာလမှာ အီရန်မှာ ဆိုးဝါးတဲ့အခြေအနေတွေအများကြီးပဲဖြစ်နေပါတယ်။ အီရန်ဟာ ဖိအားတွေတပ်ဆင်ထားတဲ့အခြေအနေထဲမှာရောက်နေတယ်။ ခုနောက်ဆုံးဖြစ်တဲ့လုပ်ကြံမှုဟာ အီရန်အစိုးရရင်ဆိုင်နေရတဲ့ ဖိအားတွေကိုအားဖြည့်လိုက်တာပဲ” တဲ့။

လုပ်ကြံမှုရဲ့နောက်ကွယ်က အသံတိတ်အဖွဲ့အစည်းတွေ
ဘယ်သူကမှ သူတို့လက်တွေမြှောက်မပြကြပါဘူး။ ဘယ်သူကမှ ဒီလုပ်ကြံမှုတွေမှာတာဝန်ရှိတယ်ဆိုတာ ၀န်ခံခြင်းမရှိကြဘူး။ လူသတ်မှုတွေဟာ ပဟေဠိဆန်စွာဖုံးကွယ်နေဆဲပါပဲ။ ဒါပေမယ့် အစ္စရေးကတော့ အီရန်နျူကလီးယားအစီအစဉ်တွေကို အဟန့်အတားဖြစ်စေမယ့်ကိစ္စမှန်သမျှအတွက် ၀မ်းမြောက်ဝမ်းသာဖြစ်ရတာကိုတော့ လှို့ဝှက်မနေပါဘူး။ ပြီးခဲ့တဲ့လုပ်ကြံမှုတွေမှာ အစ္စရေးက လုပ်ကြံမှုမှာ ဘယ်အပိုင်းကမှဆက်နွယ်မှုမရှိဘူးလို့ ငြင်းဆိုတဲ့အခါရှိသလို မှတ်ချက်ပေးဖို့ ငြင်းဆန်တဲ့အခါလည်းရှိခဲ့တယ်။ ဒါပေမဲ့ အစ္စရေး မောဆာ့ဒ်(Mossad)ထောက်လှမ်းရေးအေဂျင်စီ ပြည်ပအဖွဲ့တွေရဲ့ သတင်းပေးသူ၊ လှုပ်ရှားဆောင်ရွက်သူတွေလှုပ်ရှားနေတဲ့ အကောင်းဆုံးကွန်ယက်တွေဟာ အရှေ့အလယ်ပိုင်းဒေသတွေမှာ ထဲထဲဝင်ဝင်ရှိနေတယ်လို့ ယုံကြည်စရာရှိနေပါတယ်။ ၂၀၁၁ ခုနှစ်တုန်းက အီရန်လူမျိုးတစ်ဦးဟာ နျူကလီးယားပညာရှင်တစ်ဦးကို လုပ်ကြံဖို့ မောဆာ့ဒ်ရဲ့ အဖွဲ့သားအဖြစ်သိမ်းသွင်းခံရတယ်လို့ ၀န်ခံခဲ့တယ်။ အဓမ္မ၀န်ခံခိုင်းမှုတွေဟာလည်း အီရန်မှာတော့ ရိုးအီနေတဲ့လုပ်ရပ်တွေပါ။ အီရန်သမ္မတ မာမွတ်အာမက်ဒီနီဂျက်က အီရန်ရဲ့ နျူကလီးယားအစီအစဉ်ဟာ ငြိမ်းချမ်းရေးလုပ်ငန်းအတွက်ဖြစ်တယ်၊ တိုင်းသူပြည်သားတွေရဲ့ စွမ်းအင်လုပ်ငန်းတွေအတွက်လို့ပဲ ပြောနေပါတယ်။

၂၀၀၉ခုနှစ်မှာ အီရန်ရဲ့ နျူကလီးယားလုပ်ငန်းရဲ့ကွန်ပျူတာစနစ်တွေကို Stuxnet ကွန်ပျူတာဗိုင်းရပ်စ်နဲ့ ၀င်ရောက်ဖျက်ဆီးမှုဖြစ်ခဲ့ပါသေးတယ်။ စက်ဒလက်ပိုင်းတွေမှာ ယာယီရပ်ဆိုင်းပျက်စီးမှုတွေဖြစ်ခဲ့တယ်။ အဲဒီတိုက်ခိုက်မှုဟာ ယူအက်စ်၊ အစ္စရေးနဲ့ ဗြိတိသျှဆိုက်ဘာကျွမ်းကျင်သူတွေ ပြုလုပ်ခဲ့ကြတာလို့ ယုံကြည်ကြပါတယ်။ “ပြိုင်ဖက်၊ ရန်ဖက်တွေလိုဖြစ်နေကြတဲ့ အစ္စရေးတွေက ပြုလုပ်နိုင်တယ်၊ အီရန်မူဂျာဟီဒင်အဖွဲ့နဲ့ ပူးပေါင်းလုပ်ကြံကြတာဖြစ်နိုင်ပါတယ်” လို့ အမျိုးသား အီရန်အမေရိကန်ကောင်စီဥက္ကဌ (“အံစာတုံးရဲ့ တစ်ဖက်တည်းသောအလှည့်: အိုဘားမားရဲ့ အီရန်နဲ့ သံခင်းတမန်ခင်း”စာအုပ်ကို ရေးသားခဲ့သူ) ထရီတာပါစီ ကပြောပါတယ်။ “လုပ်ကြံမှုတွေဟာ နျူကလီးယားလုပ်ငန်းတွေရပ်တန့်စေဖို့နဲ့ အီရန်ကိုတားဆီးနှောင့်ယှက်ဖို့ဖြစ်ပြီး၊ ဒီလိုတိုက်ခိုက်မှုတွေကို အီရန်အစိုးရက မကာကွယ်နိုင်ဘူးဆိုတာကိုလည်းပြသချင်တာပါပဲ။ တကယ်လို့ အီရန်ကသာ အကြမ်းဖက်လုပ်ရပ်တစ်ခုခုနဲ့ လက်တုံ့ပြန်လိုက်မယ်ဆိုရင် အစ္စရေးက ဒီအီရန်အစိုးရကို စစ်ရေးအရအရေးယူဆန့်ကျင်ဖို့ အကြောင်းပြချက်တစ်ခုပြစရာရသွားနိုင်တာပေါ့” လို ပါစီက ပြောခဲ့တယ်။ American Enterprise Institute က ပညာရှင်မိုက်ကယ်ရူဘင်က အစ္စရေးပါဝင်ပတ်သက်မှုက ဖြစ်နိုင်ခြေအရှိဆုံးဇာတ်ကွက်ပဲလို့ ပြောပါတယ်။

အပြည်ပြည်ဆိုင်ရာငြိမ်းချမ်းရေးသုတေသနအဖွဲ့ Carnegie Endowment for International Peace က စီနီယာအဖွဲ့ဝင် မာခ့်ဟစ်ဘ်စ်ကလည်း အီရန်အထဲက အဖွဲ့အစည်းတစ်ခုခုနဲ့ အစ္စရေးပူးပေါင်းခဲ့ကြတာ ဖြစ်နိုင်တယ်လို့ ဆိုပြန်တယ်။ ပါစီပြောတာကတော့ လုပ်ကြံမှုတွေက ယူအက်စ်လုပ်ခဲ့တာလို့ မယုံကြည်ပါဘူး။ ယူအက်စ်ထောက်လှမ်းရေးတွေက စစ်ရေးအရပြောင်ပြောင်တင်းတင်းမကြေညာပဲ နိုင်ငံတစ်ခုထဲ ၀င်ရောက်လုပ်ရှားဖို့ဆိုတာ သူတို့ရဲ့ မူဝါဒနဲ့ မကိုက်ညီပါဘူးတဲ့။ တခြားတိုင်းပြည်အတော်တော်များများက အီရန်နျူကလီးယားကိစ္စကို စိုးရိမ်စရာလို့မြင်ကြပေမယ့် ယူအက်စ်နဲ့ အစ္စရေးကတော့ အီရန်ရဲ့ နျူကလီးယားလုပ်ငန်းတွေကို ကန့်ကွက်တာကို အမြဲပဲ ဗြောင်ကျကျပြောပါတယ်။ အစ္စရေးကသာ အီရန်ပြည်သူ့မူဂျာဟီဒင်Mujahedin-e-Khalq(MEK)အဖွဲ့ နဲ့လက်တွဲခဲ့မယ်ဆိုရင် အဲဒါအန္တရာယ်ကြီးတဲ့စွန့်စားမှုကြီးပါ။  MEK ကို ယူအက်စ်က အကြမ်းဖက်အဖွဲ့စာရင်းသွင်းထားပါတယ်။ အစ္စရေးဟာ အကြမ်းဖက်ဝါဒရဲ့ယဇ်ကောင်ဖြစ်နေတယ်၊ အကြမ်းဖက်ဝါဒကိုဆန့်ကျင်တာကိုပြဖို့ တခြားပြည်နယ်တွေကို အကြမ်းဖက်ဖိနှိပ်တာဖြစ်သွားပါလိမ့်မယ်။ မူဂျာဟီဒင်နဲ့ ပူးပေါင်းခဲ့တာသာ ပေါ်ထွက်လာခဲ့ရင် အကြမ်းဖက်ဝါဒကိုဖြိုခွင်းဖို့ အကြမ်းဖက်အုပ်စုတစ်ခုနဲ့ပူပေါင်းလိုက်တာပဲဖြစ်သွားမှာပါပဲ။ MEK ကို အကြမ်းဖက်သမားစာရင်းကပယ်ဖျက်ပေးဖို့ သဘောတူထားကြတဲ့တစ်ချို့အဖွဲ့ဝင်တွေလည်း လွှတ်တော်မှာရှိကြပါတယ်။

လေ့လာသူအများအပြားကတော့ ဘယ်သူကပဲ လုပ်ကြံမှုတွေစီစဉ်ဆောင်ရွက်နေပါစေ၊ အီရန်တွေပါဝင်နေပါတယ် လို့ဆိုတယ်။ “အီရန်ခေါင်းဆောင်တွေမှာသာ သဲလွန်စတစ်ခုခုရှိခဲ့ရင် တစ်ဦးဦးကိုစွပ်စွဲနေတာထက် အဲဒီလုပ်ကြံမှုတွေကိုအခုပဲ ရပ်တန့်ဖို့ကြိုးစားရမယ်” လို့ ဂျွန်ဟော့ပ်ကင်းစ်တက္ကသိုလ်က အရှေ့အလယ်ပိုင်းပညာရှင် ဒန်နီရယ်ဆားဝါးက ပြောပါတယ်။ မယုံနိုင်စရာအဖြစ်အပျက်တွေက ရှေ့ဆက်ဖြစ်လာနေတုန်းပဲ၊ ဘယ်သူကပဲစပွန်ဆာပေးပေးပါ၊ အီရန်တွေပါဝင်လုပ်ဆောင်နေတယ်၊ အီရန်မှာ နိုင်ငံခြားသားတွေအတွက် အင်မတန် ကျပ်တည်းတဲ့စစ်ဆေးမှုတွေရှိနေကြတယ်တဲ့။ ဒါပေမဲ့ အစ္စရေးအေးဂျင့်တွေ အီရန်နိုင်ငံတွင်းမှာရှိနေတယ်လို့ ယုံကြည်ကြသူများလည်းရှိကြတယ်။ ဘယ်သူတွေက နျူကလီးယားပညာရှင်တွေလည်းဆိုတာတွေ၊ သူတို့သွားမယ်ခရီးလမ်းကြောင်း ဘယ်လိုဆိုတာကိုလည်း အသေးစိတ်သိနေကြတယ်။ အဲဒါက အီရန်အတွင်းမှာရှိတဲ့ နိုင်ငံခြားတိုင်းပြည်တွေက ထောက်လှမ်းရေးအဖွဲ့တွေရဲ့ ပါးနပ်မှုမျိုးလို့ ဆိုကြတယ်။ နျူကလီးယားအစီအစဉ်ဟာ လက်ရှိအီရန်အစိုးရယန္တရားအတွက် အင်မတန်အားပြင်းစေမယ့်လက်နက်ဖြစ်နေတာကြောင့် ဒီလိုအလုပ်မျိုးကို အီရန်ပြင်ပက အထောက်အပံ့တွေမယူပဲနဲ့ အစိုးရကိုဆန့်ကျင်တဲ့အီရန်အဖွဲ့အစည်းတွေကလုပ်နိုင်တယ်လို့လည်း ယူဆကြပါတယ်။ အာရပ်ထောက်လှမ်းရေးအဖွဲ့တွေမှာ နာမည်ကြီးတဲ့ အစ္စရေးထောက်လှမ်းရေးအဖွဲ့ မောဆာ့ဒ်(Mossad)လိုပဲ အာရပ်ကမ္ဘာမှာ အီရတ်က ရှီးဟိုက်(Shiites) တွေကို စုဆောင်းထားတဲ့ တစ်ခြားထောက်လှမ်းရေးလုပ်ငန်းတွေလည်းရှိနေတယ်လို့ ဆိုပါတယ်။

အစ္စရေးသမ္မတ ရှီမွန်ပီရက်စ်က အီရန်ပြည်သူပြည်သားတွေကို ရည်ရွယ်ပြီးပြောပါတယ်။ “ကျွန်တော်တို့ဟာ ရန်သူတွေအဖြစ်မွေးဖွားလာကြတာမဟုတ်ပါဘူး၊ ရန်သူတွေလို ရှင်သန်ကြဖို့ မလိုပါဘူး၊ သင်တို့ရဲ့အမွေအနှစ်ကိုအရိပ်မည်းစွန်းထင်းစေမယ့် စစ်မြှူနေတဲ့အလံတွေ ခွင့်မပြုပါနဲ့။ သင်တို့ဟာ ဆန့်ကျင်တိုက်ခိုက်မှုနဲ့ စစ်ပွဲတွေမလိုချင်ပါဘူး၊ မိတ်ဆွေဖွဲ့ဖို့နဲ့ ငြိမ်းချမ်းရေးအတွက် ဆန္ဒပြင်းပြပါတယ်”တဲ့။
အီရန်က လက်တုံ့ပြန်မှာလား
အခုထက်ထိ အီရန်က အဲဒီတိုက်ခိုက်လုပ်ကြံမှုတွေကို တုံ့ပြန်တာမရှိသေးပါဘူး။ လက်တုံ့ပြန်တာထက် ကျယ်ကျယ်လောင်လောင်စွပ်စွဲအပြစ်တင်နေတယ်။ ပြီးတော့ သူ့ရဲ့ နျူကလီးယားအစီအစဉ်ကို ဆက်ပြီးလုပ်ဆောင်သွားမယ်ဆိုတာကိုသာ အခိုင်အမာအဓိဌာန်ပြုနေပါတယ်။ အခုနောက်ဆုံးလုပ်ကြံသတ်ဖြတ်မှုကတော့ အီရန်ရဲ့ အားကောင်းတဲ့ထောက်လှမ်းရေးအဖွဲ့ အက်ထ်လာ့ထ်(Etilaat) နဲ့ တော်လှန်ရေးတပ်သားများရဲ့ Quds Force တို့ရဲ့ ပြည်ပအဖွဲ့ခွဲတွေအစွမ်းကို ဆွပေးသလိုဖြစ်နေပါပြီ။ အီရန်ကသာ ယူအက်စ်ကို ဆန့်ကျင်လက်တုံ့ပြန်ချင်တယ်ဆိုရင် အီရတ်နဲ့အာဖဂန်နစ္စတန်မှာ သူတို့ရဲ့ထောက်လှမ်းရေးတပ်သားတွေ လုံလုံလောက်လောက်ရှိနေတယ်။ အဲဒီမှာရှိနေတဲ့အမေရိကန်တပ်သားတွေကို လုပ်ကြံသတ်ဖြတ်ပြီးလက်စားချေနိုင်ပါတယ်။ အစ္စရေးရဲ့ အီရန်နျူကလီးယားပညာရှင်တွေတိုက်ခိုက်လိုမှုကိုလည်း ပိုပြီးအခက်တွေ့လာနိုင်ပါတယ်။ အီရန်က အစောင့်အကြပ် ပိုပြီးဂရုစိုက်မယ်လို့ပြောလာတယ်။ အစ္စရေးကလည်း အီရန်ရဲ့ ဘယ်လိုတုံ့ပြန်မှုမျိုးကိုပဲဖြစ်ဖြစ် ၀မ်းသာအားရဖြစ်နေပါတယ်။ ၂၀၀၂ကနေ ၂၀၀၆ခုနှစ်အထိ အီရန်မှာအမှုထမ်းခဲ့တဲ့ ဗြိတိန်သံအမတ်၊ ယူကေရဲ့ think tank အဖွဲ့ဝင် ရစ်ချတ်ဒဲလ်တန်ကပြောပါတယ်။ “အီရန်နျူကလီးယားပညာရှင်တွေကိုဆန့်ကျင်နေတဲ့ အဲဒီမရှင်းလင်းသေးတဲ့တိုက်ခိုက်မှုတွေဟာ အန္တရာယ်ကြီးတဲ့အဆင့် ရောက်နေပါပြီ။ နောက်တစ်ဆင့်က အီရန်က အလားတူလက်တုံ့ပြန်တော့မလား ဖြေရတော့မယ်။ လုပ်ကြံမှုနောက်ကွယ်မှာ နိုင်ငံတစ်ခုကရှိနေရင် အဲဒါကအပြည်ပြည်ဆိုင်ရာအကြမ်းဖက်ဝါဒပါပဲ။ လက်တုံ့ပြန်မှုကို ဖိတ်ခေါ်နေတာပဲ။ ပိုပြီးရှုပ်ထွေးဖို့ပဲရှိနိုင်တယ်။ အဲဒါဆို လက်စားချေခြင်း- tit for tat ကိုပဲ ဦးတည်တော့မယ်” တဲ့။

ဘယ်လိုပဲ မှန်းဆအကြံပြုမှုတွေရှိနေပါစေ၊ နျူကလီးယားပညာရှင်တွေလုပ်ကြံမှုဟာ အဖြေမထွက်သေးတဲ့ ပုစ္စာတစ်ပုဒ်ဖြစ်နေဆဲပါပဲ။ လုပ်ကြံမှုတွေရဲ့ဇစ်မြစ်ဖြစ်နေတဲ့ အီရန်ရဲ့နျူကလီးယားအန္တရာယ်ဟာဘယ်လောက်ကြီးမားနေခဲ့သလဲ။ အမေးအဖြေတစ်ခုမှာ စူးစမ်းကြည့်ရအောင်ပါ။
အပြည်ပြည်ဆိုင်ရာအနုမြူစွမ်းအင်အေဂျင်စီ (International Atomic Energy Agency - IAEA) က အီရန်ရဲ့နျူကလီးယားအစီအစဉ် နောက်ဆုံးအစီရင်ခံစာကိုထုတ်ပြန်ခဲ့တယ်။ အထေက်အထားအသစ်တွေမှာ အီရန်ဟာ နျူကလီးယားလက်နက်ရရှိဖို့ လှိူ့ဝှက်လုပ်နေတယ်ဆိုတဲ့ အကြံပြုချက်ကိုရရှိပါတယ်တဲ့။ အီရန်ကတော့ လုပ်ကြံဇာတ်လမ်းတွေလို့ပဲ အခိုင်အမာပြောနေပါတယ်။

IAEA အစီရင်ခံစာက ဘာတွေပြောခဲ့လဲ။
အီရန်ရဲ့ နျူကလီးယားအထောက်အပံ့ပစ္စည်းတွေကို IAEA က စောင့်ကြည့်နေပါတယ်။ IAEA က ပုံမှန်အစီရင်ခံစာတွေထုတ်ပြန်တယ်။ အီရန်နျူကလီးယားအစီအစဉ်အစီရင်ခံစာတွေထုတ်ပြန်ခဲ့တာကြာပါပြီ။ ဒါပေမဲ့ ခုနောက်ဆုံးအစီရင်ခံစာက အရင်ထက်ပိုပြီးအသေးစိတ်ကျယ်ပြန့်ပါတယ်။ နိုင်ငံပေါင်း၁၀နိုင်ငံကရရှိတဲ့ သက်သေခံအချက်အလက်တွေကိုရေးဆွဲကြည့်တဲ့အခါ IAEA ပြောတာက အီရန်မှာ နျူကလီးယားဖေါက်ခွဲလက်နက်ချဲ့ထွင်ဖို့ လှုပ်ရှားမှုတွေရှိနေတယ်။ အဲဒီလုပ်ငန်းစဉ်ကို အီရန်ကထိန်းချုပ်နေလား၊ ဒါမှမဟုတ် ဗုံးတစ်လုံးပြုလုပ်ဖို့ အီရန်အချိန်ဘယ်လောက်ယူမလဲဆိုတာကိုတော့မပြောထားပါဘူး။ အစီရင်ခံစာမှာ အီရန်က ဖေါက်ခွဲမှုကို စမ်းသပ်ခဲ့တာဟုတ်တယ်လို့ဆိုတယ်။ နျူကလီးယားလက်နက်စမ်းသပ်ဖေါက်ခွဲမှုတွေနဲ့ လက်နက်ထုတ်လုပ်တဲ့လုပ်ငန်းစဉ်တွေမှာ ကိရိယာတစ်ချို့ပြင်ဆင်ဖို့ရှိပြီး ဒုံးကျည်ထိပ်ဖူးမှာတပ်ဆင်ဖို့ ခက်ခဲနေတာရှိတယ်။ ပထမတစ်ကြိမ်ထွက်ပေါ်လာတဲ့ စွပ်စွဲမှုတွေမှာ အီရန်က နျူကလီးယားလက်နက်အပြင်အဆင်ရှိတဲ့ကွန်ပျူတာပုံစံငယ်ကို အသုံးပြုခဲ့တယ်လို့ဆိုတယ်။ ၂၀၀၃အထိ တည်ဆောက်မှုလုပ်ငန်းကာလတွေဖြစ်ပြီး။ နောက်ပိုင်းကာလတွေမှာ အသေးစိတ်အချက်အလက်တွေမရခဲ့ပါဘူး။ ဒါပေမယ့် တစ်ချို့ဆက်ပြီးလုပ်နေခဲ့တယ်။ သြဂုတ်လက လက်နက်စစ်ဆေးရေးအဖွဲ့တွေရဲ့ ခရီးစဉ်အတွင်းမှာ  တီဟီရန်က အင်မတန်ပွင့်လင်းမြင်သာ တဲ့ ဆက်ဆံရေးပုံစံမျိုးပြသခဲ့ပေမယ့် စစ်ဆေးသူတွေနဲ့ အပြည့်အ၀လက်တွဲတာမရှိခဲ့ပါဘူး လို့ IAEA က ညည်းညူခဲ့ပါတယ်။
ယူအန်လုံခြုံရေးကောင်စီက အီရန်ကို နျူကလီးယားသန့်စင်နေမှုရပ်တန့်ဖို့ အမိန့်ပေးခဲ့တယ်။ ဘာကြောင့်များလဲ။
ဘာကြောင့်လဲဆိုတော့ နျူကလီးယားစွမ်းအင်အတွက်လိုအပ်တဲ့အဆင့်လောက်ပဲ ယူရေနီယံသန့်စင်အသုံးပြုနိုင်ပါတယ်။ အဆင့်မြင့်သွားခဲ့ရင် နျူကလီးယားပေါက်ကွဲရေးလက်နက်အတွက်အသုံးပြုနိုင်တယ်။ အီရန်ဟာ ယူရေနီယံပြည့်ဝသန့်စင်နေတဲ့အစီအစဉ်တွေကို ၁၈နှစ်စာ ဖုံးကွယ်ထားပါတယ်။ အဲဒါကြောင့် လုံခြုံရေးကောင်စီကပြောတာက ငြိမ်းချမ်းရေးအတွက် ရည်ရွယ်တဲ့ အီရန်ရဲ့လုပ်ငန်းစဉ်သာအမှန်ဖြစ်ခဲ့ရင် အခုအချိန်မှာတည်ထောင်ပြီးဖြစ်နေပါပြီ။ ပြည့်ဝသန့်စင်နေမှုနဲ့ တစ်ခြားနျူကလီးယားလှုပ်ရှားမှုတွေ ရပ်တန့်သင့်ပါပြီတဲ့။ တစ်ခြားအပြည်ပြည်ဆိုင်ရာအဖွဲ့အစည်းတွေက ခွင့်ပြုပေးထားခဲ့ရင်တောင် အပြည်ပြည်ဆိုင်ရာဥပဒေအရ လုံခြံရေးကောင်စီဟာ ပယ်ဖျက်တားဆီးနိုင်တယ်။ ကောင်စီက ယူအန်စာချုပ် အပိုဒ် ၄၁ အရ စီးပွားရေးပိတ်ဆို့မှုပြုလုပ်ဖို့ အမိန့်ပေးနိုင်ပါတယ်။ လုံခြုံရေးကောင်စီက အီရန်ကို သဘောတူလက်မှတ်ရေထိုးဖို့၊ နျူကလီးယားလုပ်ငန်းတွေကို စစ်ဆေးကြည့်ရှုမှုတွေကျယ်ကျယ်ပြန့်ပြန့်ခွင့်ပြုဖို့ တိုက်တွန်းထားပါတယ်။

လုံခြုံရေးကောင်စီရဲ့ဆုံးဖြတ်ချက်တွေကို ငြင်းဆန်နေမှုဟာ တရားမျှတတယ်လို့ အီရန်ကဘယ်လိုသက်သေပြနိုင်မှာလဲ။
နျူကလီးယားမပြန့်ပွားရေးစာချုပ် (Non - Proliferation Treaty - NPT) အရ၊ စာချုပ်မှာ လက်မှတ်ရေးထိုးထားတဲ့နိုင်ငံဟာ ပြည်တွင်းနျူကလီးယားစွမ်းအင်အတွက် ယူရေနီယံကို သန့်စင်အသုံးပြုနိုင်တဲ့အခွင့်အရေးရှိပါတယ်။ အဲဒီနိုင်ငံဟာ IAEA ရဲ့စောင့်ကြည့်စစ်ဆေးမှုအောက်မှာရှိနေရမယ်။ အတင်းကျပ်ဆုံးစည်းကမ်းတွေကိုပါ လက်ခံခွင့်ပြုရမှာတော့မဟုတ်ပါဘူး။ အဲဒါဆိုရင်တော့ စာချုပ်ပါနိုင်ငံတွေက သဘောတူကြတော့မှာ မဟုတ်ဘူး။ ၁၉၆၈ စာချုပ်စတင်လက်မှတ်ရေးထိုးကြတဲ့အချိန်တုန်းက နျူကလီးယားလက်နက်ရှိတဲ့နိုင်ငံတွေကို နျူကလီးယားလက်နက်အတွက် ယူရေနီယံ အဆင့်မြင့်သန့်စင်ခွင့်ပြုခဲ့ပါတယ်။ အီရန်ကပြောပါတယ်။ စာချုပ်ကခွင့်ပြုတဲ့အတိုင်း ရိုးရိုးရှင်းရှင်းလုပ်ဆောင်နေတယ်၊ ယူရေနီယံသန့်စင်တာဟာ စွမ်းအင်စက်ရုံအတွက်နဲ့ တစ်ခြားငြိမ်းချမ်းရေးလုပ်ငန်းတွေအတွက်ပဲ ရည်ရွယ်တယ်လို့ဆိုတယ်။ သူပြောချင်တာက ယူအန်ဆုံးဖြတ်ချက်တွေဟာ နိုင်ငံရေးအရ မူတည်ပြောင်းလဲမှုတွေရှိတယ်ဆိုတဲ့သဘောပဲ။ သမ္မတ မာမွတ်အာမက်ဒီနီဂျက် က အီရန်နိုင်ငံဟာ ဗိုလ်ကျမှု၊ ကျူးကျော်နှောင့်ယှက်မှုနဲ့ အီရန်ရဲ့အခွင့်အရေးကို စော်ကားဖောက်ဖျက်မှုတွေကို အညံ့ခံမှာမဟုတ်ဘူး လို့ ပြောပါတယ်။

နျူကလီးယားလက်နက်ဖွံဖြိုးတိုးတက်မှုအကြောင်းရော အီရန်က ဘာပြောလဲ။
ပြောတာက နျူကလီးယားဗုံးမလုပ်ဘူးတဲ့။ ယူအက်စ်ကထုတ်ပြလာတဲ့ IAEA အစီရင်ခံစာပါ မှတ်ချက်တွေကိုကြည့်ရသလောက်တော့  သမ္မတအာမက်ဒီနီဂျက်ကကြေညာချက်ထုတ်ခဲ့တယ်။ “ကျွန်တော်တို့ အနုမြူဗုံးမလိုအပ်ပါဘူး၊ အီရန်နိုင်ငံက ဥာဏ်ကြီးပါတယ်။  ခင်ဗျားမှာ ဒုံးကျည်ထိပ်ဖူး နှစ်သောင်းလောက်ရှိနေတဲ့အချိန်မှာ ကျွန်တော်တို့ အနုမြူဗုံးနှစ်လုံးလောက်တည်ဆောက်မနေပါဘူး”တဲ့။ နျူကလီးယားလက်နက်တွေဟာ “လူသားတစ်ရပ်လုံးကိုလောင်ကျွမ်းစေမယ့် မီးပါ” လို့ သူက ၂၀၁၀ တုန်းက ယူအန်ကိုပြောပါတယ်။

အီရန်က နျူကလီးယားဗုံး ဘယ်လောက်မြန်မြန်လုပ်နိုင်လဲ။
အဲဒါက နျူကလီးယားလက်နက်ပြုလုပ်ဖို့ဆုံးဖြတ်ချက်ချတဲ့အချိန်ကို မူတည်ပါတယ်။ အီရန်ကတော့ မလုပ်ဘူးလို့ ပြောနေဆဲပဲ။ ဒါပေမဲ့ ကျွမ်းကျင်သူတွေယုံကြည်တာက နည်းပညာပိုင်းအရ ဗုံးတစ်လုံးအတွက် အဆင်မြင့်ယူရေနီယံသန့်စင်ထုတ်လုပ်မှုဟာ လအနည်းငယ်အတွင်းလုံလောက်တယ်တဲ့။ ၂၀၁၀ ဧပြီမှာ ယူအက်စ်ဗိုလ်ချုပ်ကြီးတစ်ဦးက အီရန်ဟာ နှစ်တွေအများကြီးလက်နက်ထုတ်ဖို့ လုပ်နေခဲ့တယ်လို့ပြောပါတယ်။ ၂၀၁၀ ဇွန်လမှာ စီအိုင်အေအကြီးအကဲ လီယွန်ပါနက်တာက ၂နှစ်လောက်အချိန်ယူနိုင်တယ်လို့ ပြောခဲ့တယ်။ အငြိမ်းစားအစ္စရေးထောက်လှမ်းရေးမှူး မီယာဒေဂန်ကတော့ ၂၀၁၅အထိအချိန်ယူနိုင်တယ်လို့ဆိုတယ်။ စီးပွားရေးပိတ်ဆို့မှုတွေဟာ အီရန်ရဲ့ နျူကလီးယားလုပ်ငန်းတွေကို အရှိန်နှေးကွေးစေတယ်လို့ ဟီလာရီကလင်တန်က ၂၀၁၁ ဇန်န၀ါရီမှာ ပြောခဲ့ပါတယ်။ အီရန်မှာ နည်းပညာပိုင်းအခက်အခဲတွေရှိခဲ့တယ်။ ကွန်ပျူတာဗိုင်းရပ်စ်က စက်ရဲ့ဒလက်ပိုင်းကို ထိခိုက်စေခဲ့တယ်လို့ သူမကပြောပါတယ်။ ဒါပေမဲ့ ဇူလိုင် ၂၀၁၁မှာ စက်အသစ်ကို တပ်ဆင်လိုက်ပြီး ပိုမြန်သွားတဲ့ ဒလက်ပိုင်းဟာ ယူရေနီယံသန့်စင်မှု ပိုပြီးတိုးတက်စေမယ်လို့ အီရန်ကဆိုတယ်။ အောင်မြင်ခဲ့ရင် လိုအပ်တဲ့ပမာဏကို အချိန်တိုအတွင်းထုတ်နိုင်ပြီး ပြည်သူပြည်သားတွေရော စစ်တပ်လုပ်ငန်းအတွက်ပါရရှိနိုင်ပါမယ်။ သီအိုရီအရတော့ အီရန်က သုံးလအတွင်း NPT ကနေ ထွက်နိုင်တယ်၊ ပြီးရင် သူလုပ်ချင်တဲ့ပမာဏကို လွတ်လွတ်လပ်လပ်လုပ်နိုင်ပါတယ်။ ဒါပေမဲ့ ထွက်လိုက်ခြင်းအားဖြင့် မသင်္ကာဖွယ်ရာပိုပြီးဖြစ်လာနိုင်ပြီး ကျူးကျော်တိုက်ခိုက်ဖို့ ကိုယ့်ဘာသာလမ်းစဖွင့်ပေးလိုက်သလိုဖြစ်သွားနိုင်တယ်။ NPT နိုင်ငံအဖြစ်ဆက်ရှိနေပြီး နျူကလီးယားလက်နက်အဆင့်မြှင့်သန့်စင်မယ်။ လမ်းကြောင်းပြောင်းပြီး နျူကလီးယားဗုံးအတွက် လှိူ့ဝှက်လုပ်ဆောင်မယ်ဆိုရင်လည်း တူညီတဲ့အန္တရာယ်ကျရောက်နိုင်တာပါပဲ။

ယူအန်က အီရန်ကို ဘယ်လို စီးပွားရေပိတ်ဆို့မှုတွေသတ်မှတ်ခဲ့လဲ။
လုံခြုံရေးကောင်စီဆုံးဖြတ်ချက်အတိုင်း ယူအန်က ပိတ်ဆို့မှု ၁၇၃၇၊ ၁၇၄၇၊ ၁၈၀၃နဲ့ ၁၉၂၉ ပြဋ္ဌာန်းချက်၎ခု သတ်မှတ်ခဲ့ပါတယ်။ အဲဒီပိတ်ဆို့မှုတွေက နျူကလီးယားလှုပ်ရှားမှုတွေကိုထောက်ပံ့ရန် အီရန်အတွက်လိုအပ်တဲ့ ပစ္စည်းကိရိယာ၊ နည်းပညာနဲ့ ဘဏ္ဍာရေးအထောက်အပံ့တွေရရှိဖို့ ပိုပြီးခက်ခဲစေပါတယ်။ နျူကလီးယားလုပ်ငန်းနဲ့ ဆက်နွယ်တဲ့ နည်းပညာနဲ့ကုန်ကြမ်း၊ heavy-water(D2O)လုပ်ငန်း၊ ဒုံးကျည်ပစ်ခတ်တဲ့နည်းပညာသင်ကြားမှုနဲ့ နိုင်ငံခြားတိုင်းပြည်တွေကနေ အီရန်ဘဏ်တွေနဲ့ ငွေကြေးဆက်သွယ်မှု၊ အီရန်ဘဏ်အချင်းချင်းငွေကြေးဆယ်သွယ်မှု၊ လက်နက်ပစ္စည်းရောင်းဝယ်မှုတွေ တားမြစ်ခဲ့တယ်။ (ရုရှားက လေယာဉ်ပစ်ဒုံးကျည်စနစ်ကိုရောင်းချဖို့ ပယ်ဖျက်ခဲ့ပါတယ်)လေကြောင်း၊ ရေကြောင်းကုန်သွယ်ဖို့ကိုတော့ စစ်ဆေးပြီးခွင့်ပြုပါတယ်။ ဒါပေမယ့် အီရန်ဝင်ငွေရဲ့ အဓိကအရင်းအမြစ်ဖြစ်တဲ့ ဓာတ်ငွေ့နဲ့ လောင်စာဆီကုန်သွယ်မှုကိုတော့ သူတို့မရပ်တန့်ခဲ့ပါဘူး။

ယူအက်စ်နဲ့ အီးယူရဲ့ ထပ်တိုး ပိတ်ဆို့မှုတွေကဘာတွေလဲ။
၁၉၇၉ အမေရိကန်ဓါးစားခံဖမ်းဆီးခဲ့တဲ့ကိစ္စဖြစ်ခဲ့ပြီး ကုန်သွယ်ရေးတွေမှာတားမြစ်မှုတွေလုပ်ခဲ့တယ်။ ၁၉၉၅ မှာပိုပြီး တင်းကျပ်ခဲ့ပါတယ်။ ၂၀၁၀မှာတော့ အီရန်ဘဏ္ဍာရေး၊ ရေကြောင်းနဲ့ တော်လှန်ရေးတပ်ဖွဲ့ကိုပစ်မှတ်ထားတဲ့ပိတ်ဆို့မှုတွေထပ်တိုးခဲ့တယ်။ ယူအက်စ်လွှတ်တော်ကလည်း အီရန်စွမ်းအင်လုပ်ငန်းတွေနဲ့အလုပ်လုပ်တဲ့ကုမ္ပဏီတွေကို ယူအက်စ်မှာရင်းနှီးမြှုပ်နှံခွင့်ပိတ်ပင်တဲ့ဥပဒေပြဌာန်းထားပါတယ်။ ၂၀၁၀ဇူလိုင်မှာ အီးယူကလည်း အီရန်လောင်စာဆီနဲ့ ဓာတ်ငွေ့လုပ်ငန်းတွေမှာ ရင်းနှီးမြှုပ်နှံမှုတားမြစ်ချက်ကို အတည်ပြုလိုက်တယ်။

အီရန်ကို တိုက်ခိုက်နိုင်တဲ့အခြေအနေတွေကရော။
IAEA ရဲ့နောက်ဆုံးအစီရင်ခံစာထွက်ပေါ်လာခဲ့ပြီးတော့ ယူအက်စ်အစိုးရပိုင်းက သတင်းဌာနတွေကိုပြောပါတယ်။ အားလုံးကစားပွဲပေါ်မှာပဲရှိနေပါသေးတယ်တဲ့။ ဒါပေမဲ့ တားမြစ်ပိတ်ဆို့မှုတွေနဲ့ ပိုပြီးဖိအားပေးရမယ့်နေရာလွတ်တွေအများကြီးပဲ လို့ဆိုတယ်။ အမေရိကန်အစိုးရပိုင်းကတော့ အီရန်ကိုတိုက်ခိုက်လိုက်ရင် အီရန်နိုင်ငံတွင်း မတည်မငြိမ်ဖြစ်လာနိုင်တဲ့ရလာဒ်မျိုးအတွက် စိုးရိမ်ပါတယ်။ အီရန်ရဲ့နျူကလီးယားကျွမ်းကျင်မှုဟာ ဆက်ပြီးတိုးတက်နေဦးမယ်ဆိုရင်တောင် အနုမြူဗုံးတည်ဆောက်ဖို့မကြိုးစားတာကို သူတို့မျှော်လင့်ကြတယ်။ အစ္စရေးဝန်ကြီးချုပ် ဘန်ဂျမင်နေတန်ယာဟုက လက်ရှိဖြစ်ပေါ်နေတဲ့ အီရန်ရဲ့ခြိမ်းခြောက်မှုတွေကို အမြဲမပြတ်အရေးစိုက်နေခဲ့တော့ လက်ရှိတိုက်ခိုက်နိုင်ခြေရှိတာ အစ္စရေးပဲကျန်နေပါတယ်။ ၀ီကီလိခ်ရဲ့ ထုတ်ဖော်မှုမှာ အီရန်ကိုဝင်တိုက်ဖို့ အာရပ်ပင်လယ်ကွေ့နိုင်ငံတွေက ယူအက်စ်ကို တိုက်တွန်းနေတယ်လို့ ဖော်ပြထားပါတယ်။
Bushehr Nuclear Power Plant model 2010
ဘာရှာက နျူကလီးယားစက်ရုံကို ဘယ်လိုတပ်ဆင်ထားလဲ။
အဲဒီဓာတ်ပေါင်းဖိုက ၁၉၇၀ ရှား(ဘုရင်)အုပ်ချုပ်ရေးအောက်မှာ စတင်ခဲ့ပြီး ၁၉၇၅မှာဂျာမန်ကုမ္ပဏီကတည်ဆောက်ခဲ့တယ်။ လက်ရှိရုရှားကတည်ဆောက်ပြီးစီးခဲ့ပါတယ်။ ရုရှားက လောင်စာကြမ်းထောက်ပံ့ပေးပြီး အသုံးပြုပြီးလောင်စာတွေကိုပြန်ယူပါလိမ့်မယ်။ ပလူတိုနီယံအခြေပြုနျူကလီးယားဗုံးတစ်လုံးပြုလုပ်ရာမှာအသုံးပြုနိုင်ပါတယ်။ ဘာရှာဟာ ယူရေနီယံသန့်စင်မှုနဲ့ နည်းပညာအရကွဲပြားပါတယ်။ ဒါပေမဲ့ ယူအက်စ်က ပြောပါတယ်။ ရုရှားက လောင်စာစီစဉ်ပေးနေတော့ အီရန်က သူ့ရဲ့ကိုယ်ပိုင်လောင်စာသန့်စင်လုပ်ငန်းတွေမလိုအပ်ပါဘူးတဲ့။ အီရန်ကတော့ ဓာတ်ပေါင်းဖိုက ပြည်တွင်းနျူကလီးယားစွမ်းအင်အစီအစဉ်အတွက်ဖြစ်တယ်။ ရေရှည်အထောက်အပံ့ပေးဖို့အတွက် ယူရေနီယံသန့်စင်ခြင်းလုပ်ငန်းဆက်လုပ်ဖို့လိုအပ်ပါတယ်လို့ ဆိုတယ်။

တီဟီရန်သုတေသနဓာတ်ပေါင်းဖိုအတွက် လောင်စာကရော။
ပြီးခဲ့တဲ့နှစ်တွေတုန်းက အမေရိကန်ကတပ်ဆင်ပေးထားတဲ့ သုတေသနဓာတ်ပေါင်းဖို ရှိတယ်။ ဆေးသုတေသနအတွက် မျိုးကွဲဒြပ်စင်(isotope)တွေ ထုတ်လုပ်တယ်။ အဲဒါက လောင်စာနည်းနည်းလေးပဲ လိုအပ်ပါတယ်။ ပြင်ပနိုင်ငံတွေကပဲထောက်ပံ့ပါတယ်။ ယူအက်စ်၊ ရုရှား နဲ့ ပြင်သစ်တို့က အီရန်ရဲ့ ပြည့်ဝအဆင့်နိမ့်(၃.၅ရာခိုင်နှုန်း) ယူရေနီယံတွေကို အီရန်အပြင်ရောက်အောင်သယ်ဆောင်ဖို့နဲ့  ပြည့်ဝအဆင့်မြင်(၂၀ရာခိုင်နှုန်း) လောင်စာချောင်းတွေ ပြန်ပို့ပေးဖို့ အဆိုပြုခဲ့ပါတယ်။ ရည်ရွယ်ချက်ကတော့ ပြည့်ဝအဆင့်နိမ့်ယူရေနီယမ်ကို အီရန်အပြင်ဘက်ရောက်သွားစေပြီး နျူကလီးယားလက်နက်အတွက်အသုံးပြုနိုင်တာကို ကာကွယ်ဖို့ပါ။ ၂၀၁၀ မေ၁၇ မှာ တူရကီ၊ ဘရာဇီးနဲ့ ဆွေးနွေးမှုတွေရှိခဲ့ပြီး တီဟီရန်က ကြေညာချက်ထုတ်ပြန်ပါတယ်။ အီရန်က ပြည့်ဝအဆင့်နိမ်ယူရေနီယံတွေကို တူရကီကို ရောင်းချဖို့သဘောတူလိုက်ပါတယ်။ ဒါပေမယ့် ၂၀ရာခိုင်နှုန်းပြည့်ဝအဆင့်ထိရောက်အောင်လည်း ဆက်ပြီးတော့လုပ်သွားမယ်လို့ပြောလိုက်တယ်။ အနောက်အစိုးရတွေက အဲဒီကုန်သွယ်မှုကို ငြင်းဆန်လိုက်ပြီး နျူကလီးယားသန့်စင်ကိစ္စကြီးကို မဖြေရှင်းနိုင်ပါဘူးလို့ဆိုတယ်။
Satellite photo of what is believed to be a uranium-enrichment facility near Qom, Iran.
Photograph: Digital Globe/Reuters
အီရန်ရဲ့ကွမ်(Qom)မှာရှိတဲ့ လှိူ့ဝှက်နျူကလီးယားသန့်စင်စက်ရုံအကြောင်းကဘယ်လိုလဲ။
ကွမ်အနီးက မြေအောက်မှာ အရင်ကတိတ်တဆိတ်တည်ဆောက်နေခဲ့တဲ့ သန့်စင်စက်ရုံအကြောင်းကို ၂၀၀၉မှာ အီရန်က ထုတ်ဖော်ပြောခဲ့တယ်။ IAEA က ဒီ့ထက်ပိုပြီးစောစောစီးစီးကြေညာသင့်တယ်လို့ဆိုပြီး ဆောက်လုပ်ရေးကိုလည်း ရပ်တန့်ဖို့တောင်းဆိုလိုက်ပါတယ်။ အီရန်က စည်းကမ်းဖောက်တာမရှိဘူးလို့ပြောပါတယ်။ IAEA နဲ့ တစ်ခြားနိုင်ငံတွေတာဝန်ကြီးနေတဲ့ အငြင်းပွားစရာကိစ္စက စက်ရုံကို လေကြောင်းကတိုက်ခိုက်ခြင်းမပြုလုပ်နိုင်အောင် တောင်တစ်လုံးထဲမှာ ဆောက်လုပ်ထားတာကြောင့်ပါ။ အဲဒီနျူကလီးယားစက်ရုံမှာ စက်ဒလက် ၃၀၀၀အတွက် အခန်းတွေရှိနိုင်တာကို IAEA ကစစ်ဆေးတွေ့ရှိခဲ့ပါတယ်။ စက်တင်ဘာလက ထွက်ပေါ်ခဲ့တဲ့ IAEA လှိူ့ဝှက်အစီရင်ခံစာမှာ ကွမ်မြို့အနီးမှာ မြေအောက်လိုဏ်ခေါင်းတည်ဆောက်ပြီး ယူရေနီယံသန့်စင်စက်ရုံအတွက်ပြင်ဆင်နေကြောင်းပါခဲ့တယ်။

NPT အရ နျူကလီးယားစွမ်းအင်ဆိုင်ရာစာချုပ်မှာ သူတို့ရဲ့လက်နက်တွေဖျက်ဆီးရမယ်ဆိုတာမပါဘူးလား။
စာပိုဒ် ၆မှာ နျူကလီးယားလက်နက်ပိုင်ဆိုင်မှုပြိုင်ဆိုင်နေတာကို ရပ်ဆိုင်းဖို့၊ လက်နက်လျှော့ပေါ့ဖို့ စောစောစီးစီးကာလတွေမှာပဲ ဆွေးနွေးညှိနိုင်းမှုတွေလုပ်ရမယ် ဆိုတာ ရေးထားပါတယ်။ ဒုံးကျည်ထိပ်ဖူးပိုင်ဆိုင်မှုလျှော့ချပြီး နျူကလီးယားစွမ်းအင်ထုတ်လုပ်မှုဘက်ကို လုပ်ဆောင်နေကြတယ်လို့ဆိုပေမယ့် တကယ်တမ်းတော့ နျူကလီးယားလက်နက်လျှော့ပေါ့ရေးကို ဦးမတည်ကြဘူးလို့လည်း ဝေဖန်နေကြတယ်။ ဝေဖန်မှုတွေမှာ ယူအက်စ်နဲ့ ယူကေက စာချုပ်ကိုဖောက်ဖျက်ပြီး နျူကလီးယားနည်းပညာလွှဲပြောင်းနေကြတာနဲ့ပတ်သတ်ပြီး ငြင်းခုံနေကြပါတယ်။ ယူအက်စ်နဲ့ ယူကေက NPT စည်းကမ်းတွေနဲ့အကျုံးမ၀င်ပါဘူးလို့ ဖြေရှင်းကြတယ်။

အစ္စရေးမှာ နျူကလီးယားဗုံးရှိလား။
အစ္စရေးမှာ၊ ရှိပါတယ်။ ဒါပေမယ့် အစ္စရေးက NPT အဖွဲ့ဝင်နိုင်ငံမဟုတ်တဲ့အတွက် အစီရင်ခံဖို့ တာဝန်မရှိပါဘူး။ အိန္ဒိယ နဲ့ ပါကစ္စတန်ကလည်း NPT မှာ တစ်ခါမှ လက်မှတ်မထိုးခဲ့ကြဘူး။ သူတို့ နျူကလီးယားလက်နက်တွေပိုင်ဆိုင်ပါတယ်။ မြောက်ကိုရီးယားက သဘောတူစာချုပ်ကနေထွက်ခဲ့တယ်။ နျူကလီးယားလက်နက်သိုမှီးဖို့လိုအပ်တယ်လို့ ကြေညာခဲ့ပါတယ်။ ၂၀၀၉ စက်တင်ဘာ ၁၈ မှာ IAEA က အစ္စရေးကို NPT ကို ပူးပေါင်းဖို့၊ နျူကလီးယားပစ္စည်းတွေစုံစမ်းစစ်ဆေးခွင့်ပြုဖို့ တိုက်တွန်းခဲ့တယ်။ IAEA ချမှတ်ခဲ့တဲ့ ဆုံးဖြတ်ချက်တွေမှာ NPT ကို သဘောတူလိုက်လျောပြီး နျူကလီးယားပစ္စည်းတွေအားလုံးကို IAEA ရဲ့စောင့်ရှောက်မှုအောက်မှာ ထားရှိရမယ်လို့ဆိုတယ်။ အစ္စရေးက NPT ကို ပူးပေါင်းဖို့ငြင်းဆန်ခဲ့တယ်။ စုံစမ်းစစ်ဆေးမှုတွေကိုလည်း လက်မခံခဲ့ပါဘူး။ ဒုံးကျည်ထိပ်ဖူး ၄၀၀ အထိရှိနိုင်တယ်ဆိုတဲ့ မှန်းဆချက်တွေကို အတည်မပြုသလို၊ ငြင်းလည်းမငြင်းဆန်ခဲ့ပြန်ဘူး။

Source : Iran’s nuclear issue
              Who's killing Iranian nuclear scientists?
              Iran and the undeclared campaign by Frank Gardner

Friday, March 2, 2012

အကြည့်လေးတစ်ချက်

တစ်ကယ်ဆိုရင် ဒီလိုရှူးတစ်ရန်မှ မရှိရှာ။ ရှူးတွေဘယ်လိုဆိုတာ နားလည်တတ်ကျွမ်းသူလည်းမဟုတ်ပြန်ပါ။ ဒါပေမဲ့လည်း ... အလှည့်ကျတော့လည်း နွဲ့လို့မရပြန်ဘူး။ ဘ၀ဆိုတာ ဒီလိုပါပဲ ...
Living Fashion Magazine,
March 2012

ဒဏ္ဍာရီထဲက တော်ဝင်တဲ့ ခရမ်းရောင်

ခရမ်းရောင်ကို အမျိုးမျိုးစာဖွဲ့ကြပါတယ်။ ခရမ်းရောင်ဟာ တော်ဝင်တယ်။ ရှေးခေတ်က ရောမ၊ ဂရိ၊ ပါရှား ဧကရာဇ်မင်းတွေဟာ ခရမ်းရောင်ဝတ်ရုံကြီးတွေ တဖားဖားဝတ်ဆင်ခဲ့ကြတယ်တဲ့။ ဘီစီ ၁၉၀၀ မှာ မြေထဲပင်လယ်ထဲက ခရိဆိုတဲ့ဂရိကျွန်းလေးမှာ နေထိုင်ကြတဲ့မီနိုရမ်လူမျိုးတွေက ခရမ်းရောင်ဆိုးဈေးကို စပြီးသုံးစွဲခဲ့ကြတယ်ဆိုတဲ့ အထောက်အထားတွေတွေ့ခဲ့ကြတယ်လို့ ဆိုကြတယ်။ အဲဒီထက်ရှေးကျတဲ့ ၁၆၀၀ ဘီစီလောက်မှာ မြူးရက်စ်ပင်လယ်ခရုတွေရဲ့ အကျိအချွဲကနေ ထုတ်ယူခဲ့ကြတယ် လို့လည်းဆိုပြန်တယ်။

Living Fashion Magazine, March 2012