အမျိုးသမီးတွေရဲ့ သြဇာ .. အမြင့်ဆုံး ဘယ်ဆီမှာ

ဒီကမ္ဘာကြီးထဲကအမျိုးသမီးတွေရဲ့အနာဂါတ်ကို ယူအက်စ်လို၊ စကန်ဒီနေဗီးယားလိုနိုင်ငံတွေမှာ လင်းလက်တောက်ပနေတာ တွေ့နိုင်ပါတယ်။ ဒါပေမယ့် မူဘိုင်း၊ မနီလာနဲ့ ဆာပေါ်လို လမ်းမတွေပေါ်မှာ သရက်သီးကနေ အိမ်ချုပ် အ၀တ်အထည်တွေအထိ ပစ္စည်းစုံရောင်းချနေကြတဲ့ ကုန်သည်၊ စီးပွားရေးသမား အမျိုးသမီးတွေစီတန်းနေတာ တွေ့မြင်နေကြရတယ်။  မိခင်တိုင်းပြည်တွေရဲ့ လုပ်ငန်းခွင်ကအောက်ခြေလုပ်သားအဲဒီအမျိုးသမီးတွေဟာ ၂၁ရာစုထဲကအမျိုးသမီးတွေရဲ့ ဘ၀မြင့်မားတိုးတက်မှုကို ကန့်သတ်တဲ့အစွန်းအနားအဖြစ်ကိုယ်စားပြုတယ်လို့ အမြဲလိုသတ်မှတ်ခဲ့ကြတယ်။

အချမ်းသာဆုံးတိုင်းပြည်တွေမှာပဲ အမျိုးသမီးတွေရဲ့တက်လမ်းဟာ လုံးလုံးလျားလျား မြင်သာထင်သာရှိခဲ့တယ်ဆိုတဲ့ဆယ်စုနှစ်တွေထဲက အခု ဆုတ်ခွာလာခဲ့ပါပြီ။ သုတေသနပြုလေ့လာမှုတွေဟာ ဘောင်ကျဉ်းနေသေးပေမယ့် အမျိုးသမီးတွေရဲ့အောင်မြင်မှု တိုးတက်နေတာကို တွေ့ခဲ့ကြတယ်။ အမျိုးသမီးတွေနေရာတိုင်းမှာ ခြေလှမ်းကျဲကြီးတွေနဲ့လှမ်းနေကြပြီ။ ဖွံဖြိုးဆဲတိုင်းပြည်တွေမှာ လျင်လျင်မြန်မြန်ကြီးပဲ တိုးပွားလာနေပါတယ်။

အဲဒီတိုင်းပြည်တွေမှာ အမျိုးသမီးတွေ နိုင်ငံရေးနယ်ပယ်တွေမှာ၊ တရားဥပဒေနယ်ပယ်နဲ့ အထူးသဖြင့် ပညာရေးနယ်ပယ်တွေမှာ ထူးခြားပြောင်မြောက်တဲ့တိုးတက်မှုတွေရှိလာခြင်းအားဖြင့် လုပ်ပိုင်ခွင့်အာဏာတွေကိုပါ လတ်တလောရယူနိုင်လာကြတယ်။ ပိုပြီးအရေးကြီးတာက ၂၁ရာစုရဲ့ အဓိကစီးပွားရေးအလွှာထဲမှာ လုပ်ငန်းရှင်အဖြစ် အရေအတွက်ပိုများလာနေတာပါ။

ကမ္ဘာကြီးရဲ့ဘယ်နေရာကအမျိုးသမီးတွေ တိုးတက်မှုမြန်ဆန်နေသလဲဆိုတာ သုတေသနပြုတဲ့အခါ ပညာရေး၊ နိုင်ငံရေးနဲ့ ကိုယ်ပိုင်စီးပွားရေးဆိုတဲ့အကြောင်းရင်းတွေကိုအခြေခံပြီးကြည့်ပါတယ်။ ယူနိုက်တက်နေရှင်းရဲ့ အလယ်တန်းလွန်ပညာရေး လူဦးရေစာရင်းနဲ့ နိုင်ငံရေးနယ်ပယ်ပါဝင်မှုစာရင်းတွေ လေ့လာပါတယ်။ စီပွားရေးနယ်ပယ်အတွက်ဆုံးဖြတ်ဖို့ကိုတော့ ကမ္ဘာလုံးဆိုင်ရာ စီးပွားရေးစွမ်းဆောင်ရှင် စောင့်ကြည့်အဖွဲ့အစည်း(Global Entrepreneurship Monitor-GEM) ရဲ့ ဖွံ့ဖြိုးစလုပ်ငန်းရှင်စာရင်းနဲ့ ကမ္ဘာ့ဘဏ်၊ ကမ္ဘာ့စီးပွားရေးဖိုရမ်တွေက အမျိုးသား၊ အမျိုးသမီးလုပ်ငန်းရှင်စာရင်းကွာဟမှုတွေကိုလည်း လေ့လာကြတယ်။ ကမ္ဘာအရပ်ရပ်က စီးပွားရေးတက္ကသိုလ်တွေနဲ့ NGO တွေကထုတ်တဲ့ စာစောင်တွေလည်းရှာရပါတယ်။ တချို့နေရာတွေကိုလည်းလိုအပ်တဲ့အခါ သွားကြတယ်။ ဒီလိုနဲ့ နောက်ဆုံးမှာ အနီးစပ်ဆုံးအရေအတွက်၊ သတင်းနဲ့ လေ့လာစူးစမ်းမှုတွေကို မွှေနှောက်ကြပါတယ်။ တွေ့ရှိခဲ့ရတာက  ဖွံ့ဖြိုးဆဲနိုင်ငံတွေမှာ များသောအားဖြင့် ဘရာဇီး၊ အိန္ဒိယ၊ ဗီယက်နမ် နဲ့ ဖိလစ်ပိုင်နိုင်ငံက အမျိုးသမီးတွေ တိုးတက်မှုမြန်ဆန်နေတာတွေ့နိုင်ပါတယ်။ ဒီတိုးတက်မှုရဲ့ မရှိမဖြစ်benchmarkအမှတ်အသားကပြတာက အဲဒီနိုင်ငံတွေက စီးပွားရေးလုပ်ငန်းပိုင်ဆိုင်မှုမှာ အမျိုးသမီးတွေပါဝင်ပတ်သက်မှုက အဓိကအခန်းကဏ္ဍဖြစ်တယ်လို့ဆိုတယ်။ ဖွံ့ဖြိုးဆဲတိုင်းပြည်တွေအများကြီးရဲ့ အမျိုးသမီးစွမ်းဆောင်ရှင်နှုန်းထားဟာ G-7 တိုင်းပြည်တွေမှာထက် ကျော်လွန်နေပါတယ်။ လက်တင်အမေရိက၊ အိန္ဒိယ၊ အရှေ့အာရှ၊ အာဖရိကနဲ့ ဥရောပအလယ်ပိုင်းနိုင်ငံတွေလို ယဉ်ကျေးမှုနဲ့ တရားဥပဒေအတားအဆီးတွေကြောင့် စီးပွားရေးဈေးကွက်မှာ အခွင့်အလမ်းကောင်းတွေ မကြာခဏဘောင်ခတ်ခံကြရတဲ့ အမျိုးသမီးတွေတောင်မှ လိုအပ်ချက်အရ စီးပွားရေးစွမ်းဆောင်ရှင်တွေဖြစ်လာကြတယ်။

ကွာခြားချက်က ရှေ့ကိုရောက်နှင့်နေပြီးတဲ့ ဖွံ့ဖြိုးပြီးနိုင်ငံတွေမှာတော့ အမျိုးသမီးစီးပွားရေးစွမ်းဆောင်ရှင်နှုန်းထားမြင့်မားမနေကြပါဘူး။ ဖွံ့ဖြိုးပြီးလူ့ဘောင်ထဲမှာ အမျိုးသမီးတွေအကြောင်းအပြောများကြသည့်တိုင်အောင် ယူအက်စ်မှာ စီးပွားရေးလုပ်ငန်းပိုင်ဆိုင်တဲ့ အမျိုးသမီးရာခိုင်နှုန်း တရွေ့ရွေ့ကျဆင်းနေပါတယ်။ အီးယူမှာလည်း အမျိုးသမီးထုအိုင်ထွန်းနေကြတယ်။ အဲဒီ ကျဆင်းမှုဟာ အမျိုးသမီးမျိုးဆက်သစ်အတွက် အခွင့်အရေးလမ်း ချဲ့ပေးတာလို့တော့ ပြောနိုင်ပါတယ်။ အလယ်အလတ်တန်းအဆင့် အလုပ်အကိုင်ဈေးကွက်နဲ့ အဆင့်မြင့်အဖွဲ့အစည်းအဆင့်အဆင့်မှာပါ မိခင်တွေထက် သိသိသာသာ ပညာရေးပိုပြီး အဆင့်မြင့်လာနိုင်ကြတယ်။ အစဉ်အလာအရ “အင်အား”ကြီးမှုနဲ့ အာရုံစူးစိုက်နိုင်မှုစတဲ့ အမျိုးသားတွေရဲ့အသာစီးရမှုတွေကို လုပ်ငန်းခွင်သဘောသဘာဝထဲက အမျိုးသမီးတွေရဲ့ “ဥာဏ်စွမ်း”နဲ့ ပူးပေါင်းဆောင်ရွက်နိုင်စွမ်းတွေက ကျော်လွန်လာစေတယ်။ အဲဒီအပြောင်းအလဲတွေက အရှိန်မြင့်လာနေပါတယ်။

အမျိုးသမီးစွမ်းဆောင်ရှင် တိုးတက်မှု
လက်တင်အမေရိကဟာ ပွဲဦးထွက်နမူနာပါပဲ။ ဘရာဇီးနဲ့ ကိုစတာရီကာတို့ဟာလည်း ကမ္ဘာ့ဘဏ်ရဲ့ အမျိုးသမီးပိုင်ဆိုင်မှုအဆင့် ထိပ်တန်း ၁၀နိုင်ငံထဲမှာ ပါဝင်ကြတယ်။ အဲဒီဒေသတွေဟာ စီးပွားရေးလုပ်ငန်းသစ်တစ်ခု စတင်မှုမှာ ဂျန်ဒါကွာဟမှုနည်းပါးတဲ့အနေအထားအဖြစ် ရပ်တည်နေပါတယ်။ အမျိုးသမီးတွေဟာ အမျိုးသားတွေလိုပဲ လုပ်ငန်းတွေစတင်လုပ်ကိုင်လာကြသလို တစ်ခါတစ်ရံ ထူးထူးခြားခြားအောင်မြင်နေကြတယ်။ စွန့်ဦးစွန့်စားစီးပွားရေးလုပ်ငန်းတည်ထောင်မှု အမျိုးသား၊  အမျိုးသမီးတူညီတဲ့ထိပ်တန်းတိုင်းပြည်တွေကြားမှာ Global Entrepreneurship Monitor ဂရုပြုမိတာက လက်တင်အမေရိကန်တိုင်းပြည်တွေ- အထူးသဖြင့် ဘရာဇီးနဲ့ ပီရူးမှာဆိုရင် ယူအက်စ်နဲ့ ဥရောပတိုင်းပြည်တွေထက် ဂျန်ဒါကွာဟချက်ကျဉ်းမြောင်းလာနေတယ်လို့ ဆိုတယ်။

အာရှမှာလည်း တူညီတဲ့လမ်းကြောင်းပေါ်ထွက်လာနေပါတယ်။ အပူပိုင်းဒေသတိုင်းပြည်တွေက အမျိုးသမီးတွေဟာ လစာမရနိုင်တဲ့မိသားစုအလုပ်တွေနဲ့ အဟန့်အတားဖြစ်နေကြတာတွေလည်း အလုပ်သမားစာရင်းပုံပြမှတ်တမ်းတွေမှာ တွေ့နေရတယ်။ နိုင်ငံအဆင့်ကူညီထောက်ပံ့မှုနဲ့ အမျိုးသမီး အသေးစား၊ အလယ်အလတ်တန်းစာလုပ်ငန်း(SMEs)အတွက် ဒေသတွင်း အဖွဲ့အစည်းတွေ၊ တစ်ဦးချင်းအသေးစားငွေချေးမှုတွေမှာပါဝင်မှုတွေ ဖွံ့ဖြိုးတိုးတက်လာတာနဲ့အတူ တောင်အာရှရဲ့ အမျိုးသမီးစွမ်းဆောင်ရှင်တောက်ပမှုမှာ  အိန္ဒိယက ရှေ့ဆုံး ရောက်လာပါတယ်။ ဗီယက်နမ်၊ ဖိလစ်ပိုင်နဲ့ ထိုင်းနိုင်ငံမှာလည်း အလားတူ အမျိုးသမီးလုပ်ငန်းရှင်တွေ ဖွံ့ဖြိုးတိုးတက်နေပါတယ်။ ဥပမာ- ဗီယက်နမ်ရဲ့ ကုမ္ပဏီလုပ်ငန်း တစ်သိန်းအထက်မှာ ၂၄ရာခိုင်နှုန်းဟာ အမျိုးသမီးတွေကပိုင်ဆိုင်ကြတယ်။ အိုးအိမ်လုပ်ငန်း ၃သန်းရဲ့ ၂၇ရာခိုင်နှုန်းဟာလည်း အမျိုးသမီးတွေပိုင်ဆိုင်ပါတယ်။ တရုတ်နိုင်ငံမှာ အမျိုးသမီးပုဂ္ဂလိကလုပ်ငန်းပိုင်သူနှုန်းဟာ ၁၀၀မှာ ၁၁ဦးကျော်ရှိကြပြီး ကမ္ဘာ့ပျမ်းမျှနှုန်း ၇ ရာခိုင်နှုန်းထက် မြင့်မားနေတယ်။ အံ့သြစရာကောင်းတာက လူမျိုးကြီးဝါဒီလို့နာမည်ကျော်တဲ့ ဂျပန်ဟာ အမျိုးသားတွေရဲ့ရာခိုင်နှုန်းကို ကပ်ကပ်သပ်သပ်ဖြတ်ကျော်ပြီး အမျိုးသမီးတွေက ၁၃ ရာခိုင်နှုန်းကိုယ်ပိုင်လုပ်ငန်းပိုင်ဆိုင်တဲ့ တစ်ခုတည်းသောနိုင်ငံဖြစ်နေပါတယ်။

ယူရေးရှားနဲ့ ဥရောပအရှေ့အလယ်ပိုင်းမှာလည်း အမျိုးသမီးစွမ်းဆောင်လှုပ်ရှားမှုမှာလှုပ်လှုပ်ရွရွရှိခဲ့တဲ့ အတွေ့အကြုံရခဲ့ပါပြီ။ လက်တင်အမေရိကလိုပဲ ကိုယ်ပိုင်လုပ်ငန်းလုပ်ကိုင်မှုတွေ မကြာခဏပေါ်ထွက်လာတာဟာ တိုင်းပြည်အခြေအနေ၊ နိုင်ငံရေးအခြေအနေကမောက်ကမဖြစ်မှုရဲ့ ရလာဒ်လိုဖြစ်နေတယ်။ ကမောက်ကမအခြေအနေဆိုတာမျိုးဟာ ဆိုဗီယက်ယူနီယံကျဆုံးပြီးနောက် ဖြစ်ပေါ်လာတဲ့ စီးပွားရေးပြိုကွဲဆုတ်ယုတ်မှုနဲ့ အမျိုးသားတွေနိုင်ငံရပ်ခြားရွှေ့ပြောင်းမှုတွေပါ။

အာဖရိကတောင်ပိုင်းကုန်းတွင်းပိတ်နိုင်ငံ လီဆူးတူး ကို အာရုံစိုက်ထားကြတဲ့ အကောင်းမြင်သတင်းတွေ တွေ့ကြရပြီး အာဖရိကန်စီးပွားရေးလောကထဲကအမျုိုးသမီးတွေရဲ့ စာရင်းအချက်အလက်နည်းပါးနေပါသေးတယ်။ လွန်ခဲ့တဲ့နှစ်နှစ်အတွင်း ကမ္ဘာ့စီးပွားရေးဖိုရမ်ရဲ့ စီးပွားရေးအခွင့်အလမ်းအဆင့်မှာ နံပါတ် ၁ နဲ့ နံပါတ် ၂ နေရာမှာ လီဆူးတူးနိုင်ငံရပ်တည်နေတယ်လို့ဆိုတယ်။ တောင်အာဖရိကရဲ့အဖွံ့ဖြိုးဆုံးနိုင်ငံ၊ အမျိုးသမီးတွေအတွက် အကောင်းဆုံးစီးပွားရေးဇုံလို့ လွတ်လပ်တဲ့စီးပွားရေးလုပ်ငန်း(Economist Intelligence Unit)ရဲ့ မှတ်တမ်းမှာ ဆုံးဖြတ်ထားတာက အံ့အားသင့်စရာတော့မကောင်းလှပါဘူး။ ဂါနာမှာလည်း ရုန်းကန်လာကြတဲ့အနေအထားရှိနေတယ်လို့ ကမ္ဘာ့စားနပ်ရိက္ခာအစီအစဉ်ကဆိုတယ်။ အသေးစားငွေချေးသူတွေ၊ NGOတွေနဲ့ ယူအန်အဖွဲ့က ကင်ညာလိုပဲ အသေးစားလုပ်ငန်း-အမျိုးသမီးလုပ်ငန်းရှင်တွေပေါ်ထွက်လာဖို့ ကူညီနေပါတယ်။ အသေးစားလုပ်ငန်းဆိုတာက ဆပ်ပြာထုတ်လုပ်တဲ့လုပ်ငန်း၊ အသီးအနှံနဲ့ ပြောင်းဖူးထုတ်လုပ်တဲ့လုပ်ငန်းမျိုးတွေ တည်တောင်တာမျိုးပါ။

ရှေ့တန်းက ပညာတတ်အမျိုးသမီးများ
ကမ္ဘာတစ်ဝှမ်း ပညာရေးမှာအောင်မြင်နေတဲ့အမျိုးသမီးတွေဟာ အမြင့်ကို အမြန်ဆုံးရောက်နေကြပါတယ်။ အလယ်တန်းလွန်ပညာရေးမှာဆိုရင် အထက်တန်းလွန်အသက်မွေးဝမ်းကျောင်းသင်တန်းကျောင်းများ၊ ကောလိပ်နဲ့ တက္ကသိုလ်တွေလည်းပါဝင်တယ်။ ဘရာဇီး၊ ဘင်္ဂလာဒေ့ရှ်၊ ဟွန်ဒူးရပ်စ်၊ လီဆူးတူး၊ မလေးရှား၊ မွန်ဂိုလီယာ နဲ့ တောင်အာဖရိကတို့ပါဝင်တဲ့ ဖွံ့ဖြိုးဆဲတိုင်းပြည်တွေရဲ့ သုံးပုံတစ်ပုံမှာ အမျိုးသမီးတွေက အမျိုးသားတွေထက်အရေအတွက် အခုအခါ ပိုများပါတယ်။ ၁၉၇၀ နဲ့ ၂၀၀၈ခုနှစ်အတွင်း ကမ္ဘာတလွှားက အလယ်တန်းလွန်အမျိုးသမီးကျောင်းသူတွေဟာ သန်း၇၀ရှိအောင် များပြားလာကြတယ်။ အမျိုးသားတွေက သန်း၆၀ပဲရှိနေတာ နှိုင်းယဉ်ကြည့်နိုင်ပါတယ်။

လုပ်အားခနဲ့ ပစ္စည်းပိုင်ဆိုင်မှုအတွက် တရားဥပဒေဆိုင်ရာအခွင့်အရေး
စီးပွားရေးနဲ့ ပညာရေး တိုးတက်မှုတွေရှိလာတာနဲ့အမျှ ဖွံ့ဖြိုးဆဲတိုင်းပြည်တွေက အမျိုးသမီးတွေဟာ နိုင်ငံရေးလောကမှာပါ တိုးတက်မှုတွေ မည်မည်ရရရှိလာကြတယ်။ဖွံ့ဖြိုးဆဲကမ္ဘာတလျှောက်ပိုပြီးကျယ်ပြန်လာတဲ့ ရွေ့လျားမှုတစ်စိတ်တစ်ပိုင်းကတော့ နိုင်ငံရေးအာဏာရရှိလာခြင်းတွေဆီကိုပါ။ အမျိုးသမီးတွေမှာ ငွေရင်းငွေနှီးနဲ့ ပစ္စည်းဥစ္စာပိုင်ဆိုင်မှုတွေ တိုးတက်လာပြီး ဒေသတွင်းမှာအမျုိုးသမီးတွေကို ပိုပြီးအာရုံစိုက်စရာဖြစ်လာတယ်။ အိမ်တွင်းအကြမ်းဖက်မှုတွေနဲ့ အမျိုးသမီးတွေရဲ့ ကျန်းမာရေးလိုကိစ္စတွေအတွက်တော့ ဂရုပြုစရာတွေရှိလာကြတယ်။

တစ်ခုကိုညွှန်းရရင် ဒီရာစုရဲ့ပထမဆယ်စုနှစ်တွေမှာဆိုရင် ပါလီမန်ထဲမှာအမျိုးသမီးတွေနေရာရမှုနှုန်း ကမ္ဘာအနှံ့မြင့်တက်လာတယ်။ အခုဆို ၁၈ ရာခိုင်နှုန်းခန့်ရှိပါတယ်။ စီးပွားရေးနဲ့ ပညာရေးကဲ့သို့ လတ်တလော ရုတ်တရက်တိုးတက်လာမှုဟာ ၀င်ငွေမြင့်မားတဲ့တိုင်းပြည်တွေမှာမဟုတ်ပါဘူး။ ဖွံ့ဖြိုးဆဲတိုင်းပြည်တွေမှာပါ။ အဲဒီနေရာတွေမှာ အစိုးရထိပ်တန်းအဆင့်ဆင့်မှာတောင်အတော်အတန်နေရာရအောင် လုပ်ဆောင်နိုင်ခဲ့ကြတယ်။

လက်တင်အမေရိကဟာ အဲဒီဒေသတစ်ဝိုက် အမျိုးသမီးနိုင်ငံရေးအာဏာသိမ်းကြုံးယူနိုင်မှုမှာ မြင်သာတဲ့ အမှတ်အသားဖြစ်နေပါတယ်။ ၂၀၁၀ မှာ ဘရာဇီးက ဒီလ်မာရုစ်ဆက်ဖ် သမ္မတရွေးကောက်ခံရတော့ အာဂျင်တီးနား၊ ကိုစတာရီကာ၊ အိမ်နီးချင်းနိုင်ငံတွေနဲ့ ပိုပြီးနီးစပ်သွားပါတယ်။ ၂၀၀၇ခုနှစ်ကရွေးကောက်ခံ အာဂျင်တီးနားသမ္မတ ခရစ်စ်တီးနားဖာနန်ဒက်ဇ်၊ ၂၀၁၀ရွေးကောက်ခံ ကိုစတာရီကာသမ္မတ လော်ရာချင်ချီလာနဲ့ ပထမဆုံး ယူအန်အမျိုးသမီး အမှုဆောင်ဒါရိုက်တာလည်းဖြစ်ခဲ့တဲ့ ၂၀၀၆-၂၀၁၀ရွေးကောက်ခံ ချီလီသမ္မတ မစ်ရှဲဘာချဲလက် တို့က ဘရာဇီးအိမ်နီးချင်း နိုင်ငံရေးအာဏာရအမျိုးသမီးတွေဖြစ်ခဲ့ကြတယ်။ လက်တင်အမေရိကဟာ အမျိုးသမီးနိုင်ငံရေးလောကကိုကိုယ်စားပြုတဲ့ ကမ္ဘာ့ခေါင်းဆောင်တစ်ဦးပါပဲ။ ကိုစတာရီကာ၊ အာဂျင်တီးနား၊ အီကွေဒေါနဲ့ ဘိုလီးဗီးယားတို့မှာ ပါလီမန်ထဲအမျိုးသမီးနေရာရမှုဟာ ၃၀ရာခိုင်နှုန်းအထက်ရှိပါတယ်။

တချို့အံ့အားသင့်ဖွယ်ကောင်းတဲ့ပြောင်းလဲမှုတွေလည်း အာဖရိကမှာ နေရာယူလာပါပြီ။ ရ၀မ်ဒါမှာ အခုဆိုရင် ပါလီမန်နဲ့ ၀န်ကြီးအဖွဲ့တွေမှာ အမျိုးသမီးတွေဟာ ကမ္ဘာ့မှာအမြင့်ဆုံးရာခိုင်နှုန်းတွေနဲ့ နေရာရနေပါပြီ။ ပါလီမန်ထဲမှာ အမျိုးသမီး ၅၀ရာခိုင်နှုန်းနဲ့အထက်ရှိနေကြတယ်။ တောင်အာဖရိက၊ အန်ဂိုလာ၊ မိုဇန်ဘစ်၊ ယူဂန်ဒါ နဲ့ တန်ဇေနီးယားမှာလည်း ပျမ်းမျှနှုန်းရဲ့အထက်မှာ ၀င့်ကြွားစွာရှိနေကြပါပြီ။

ကမ္ဘာ့စီးပွားရေးကံကြမ္မာဟာ အဲဒီတိုင်းပြည်တွေဆီ အလှည့်အပြောင်းရှိလာပါတယ်။ နောက်ကလိုက်နေခဲ့ပေမယ့် လျှင်မြန်တဲ့အရှိန်အဟုန်နဲ့ အပြေးလိုက်ခဲ့ကြတာမျိုးပါ။ အမျိုးသမီးတွေရဲ့ သွားရာလမ်းကြောင်း တိုးတက်လာပါတယ်။ အမျိုးသမီးတွေရဲ့ အနာဂါတ်၊ အခွင့်အလမ်းတွေဟာ ဖွံ့ဖြိုးပြီးနိုင်ငံတွေကနေ ဖွံ့ဖြိုးဆဲနိုင်ငံတွေဆီ အလှည့်အပြောင်း လမ်းကြောင်းပြောင်းလာကြပါပြီ။   

Education Digest Vol 1. No.5

Source : Women Ascendent: Where Females Are Rising The Fastest – Forbes