Monday, November 30, 2009

Eminem *Mocking Bird*


ကျွန်မ သိပ်ကြိုက်တဲ့ Eminem ရဲ့ Mockingbird ဆိုတဲ့ ရက်ပ်သီချင်းဟောင်းတစ်ပုဒ်ပါ။
အဲဒီသီချင်းကို ပထမဆုံးနားထောင်ဖြစ်တဲ့အချိန်ကစပြီး ခုချိန်ထိ ဘယ်အချိန်နားထောင်၊ နားထောင် ကြိုက်နေတုန်းပါပဲ။ ရက်ပ်စစ်စစ်ကြီးတွေ နားထောင်လို့မရပေမဲ့ ဒီလူတွေရဲ့ ဂီတက လျှော့တွက်လို့မရလှဘူး။ အမ်မီနမ်ရဲ့ သီချင်းစာသားတွေ လိုက်ဆိုကြည့်မိတဲ့သူတွေ ဒီပိုစ့်ဖတ်မိတဲ့သူထဲမှာပါရင် အသေအချာ နားလည်မှာပါ။ ဘယ်အချိန်အသက်ခိုးပြီး ရှုသွားလိုက်မှန်းမသိနိုင်လောက်အောင်ကို ဆိုသွားတာများ အင်မတန်ပါးပါးနပ်နပ်ရှိလှတဲ့ ရက်ပ်သမားတွေပါပဲ။ ကျွန်မ ဂီတကို တိတိကျကျကြီး နားမလည်လှပါဘူး။
သီချင်းနားထောင်လို့ကောင်းရင် အကုန်ကြိုက်လိုက်တာပဲ။ ဂီတအမျိုးအစားတောင်မရွေးမိဘူး။
Mockingbird ကိုတော့ အတီးစ၀င်လာတာကနေ စပြီးကြိုက်တာ။ အတီးကိုစကြိုက်ပြီးစာသားတွေဖတ်ကြည့်တော့ တော်တော်သဘောကျသွားတာနဲ့ပဲ။

Mockingbird အကြောင်း ဟိုဟိုဒီဒီမွှေနှောက်မိတာလေး လက်ဆင့်ကမ်းပေးလိုက်ပါတယ် ...

Mockingbird ဆိုတာ အမေရိကန်မြောက်ပိုင်းမှာတွေ့ရတဲ့ တေးဆိုငှက်တစ်မျိုးဆိုပဲ။
ဒီငှက်က တခြားငှက်တွေရဲ့ အသံမျိုးတုပပြီးလိုက်ဆိုတတ်တယ်တဲ့။
ဒါနဲပဲ သူ့ကို ပြောင်ချော်ချော်ငှက်လို့အမည်ပေးထားတာဖြစ်မှာ။


Mockingbird သီချင်းဟာ အမ်မီနမ် ရဲ့ Encore အယ်လ်ဘမ်ထဲက သီချင်းတစ်ပုဒ်ပါ။
US Music Chart မှာ နံပါတ် 11၊ UK မှာတော့ နံပါတ် 4 အဆင့်ရောက်ခဲ့ပြီး၊
Best Rap Solo Performance အတွက် ဂရမ်မီဆုဇကာတင်အဆင့်ရွေးချယ်ခံရတယ်။
ဒါပေမဲ့ Kanye West ရဲ့ Gold Digger ကိုတော့မကျော်နိုင်ခဲ့ပါဘူး။

ဒီသီချင်းဟာ အမ်မီနမ်က သမီးလေး ဟေလီဂျိတ်ဒ်ကို ရှင်းလင်းပြောပြနေဟန်ဆိုထားတာပါ။
ဟေလီရဲ့မေမေ ကင်မ်မက်သားစ်နဲ့ အမ်မီနမ်တို့ ရုန်းကန်ရတဲ့ဒုက္ခတွေကိုလဲငြီးတွားထားသေးတယ်။
သီချင်းတစ်ပုဒ်လုံးမှာအမ်မီနမ်ရဲ့ ဗရုတ်သုတ်ခ ဖြစ်နေခဲ့တဲ့ဘ၀ကိုဆက်တိုက်ပြောနေခဲ့တယ်။
ကင်မ်ကလဲ အဝေးကိုထွက်သွားလိုက်ပြီ၊ ပြဿနာတွေနဲ့ဝရုန်းသုန်းကားဖြစ်နေခဲ့တဲ့ အမ်မီနမ်က
သမီးလေးဟေလီကိုပြောတယ်။ “ဒက်ဒီ ရောက်နေပြီပဲ အားလုံးကောင်းသွားတော့မှာပါ”တဲ့

သီချင်းထဲမှာ သမီးလေးလိုချစ်တဲ့တူမလေး အယ်လီနာကိုလဲ စကားတွေပြောထားပါသေးတယ်။
ဗီဒီယိုမှာတော့ ဟေလီနဲ့လိုင်နီတို့ရဲ့မျက်နှာတွေကို ခပ်ဝါးဝါးလုပ်ထားတယ်။
အမ်မီနမ်ရဲ့စိတ်ကူးယဉ်မဟုတ်တဲ့ တကယ့်အဖြစ်အပျက်ကိုချပြထားတဲ့ သီချင်းပါ။
အမ်မီနမ်ကတော့ ယောင်ဝါးဝါးလုပ် ငြင်းဆိုချင်ဟန်နဲ့ “ဒါ သီချင်းတစ်ပုဒ်ပါပဲ” လို့ဆိုတယ်။
ဒါပေမဲ့ ဒီသီချင်းဆိုရင်း ငိုကြွေးခဲ့ရတာတော့ ၀န်ခံထားတယ်။
သီချင်းဆုံးခါနီးမှာ Don’t F--- with Dad လို့ဆိုထားပေမဲ့ Mockingbird single ခွေမှာ Parental Advisory Sticker ကပ်မထားပါဘူး။ သီချင်းအဆုံးမှာဖြစ်တာရယ်၊ တခြားအမ်မီနမ်ရဲ့သီချင်းတွေမှာ အဲဒီစကားလုံးတွေ အကြိမ်ပေါင်းများစွာပါတတ်တာကြောင့် ဒီသီချင်းကိုတော့ Recording Industry Association of America (RIAA)က ဥပေက္ခာပြုထားလိုက်တာဖြစ်ပါလိမ့်မယ်။
(Parental Advisory sticker ဟာ US မှာ သီချင်း-အရုပ်/အသံတွေမှာညစ်ညမ်းကြမ်းတမ်းတဲ့ စကားလုံးတွေပါလာရင် ဒီစာတမ်းကိုကပ်ရပါတယ်။)


(Mocking Bird သီချင်းစာသားကို ဆီလျော်အောင် ဘာသာပြန်ထားပါတယ်)

တခါတရံ အရာခပ်သိမ်းကို သမီးလေးနားလည်သဘောပေါက်ဖို့ ခက်နေမှာကို ဒက်ဒီသိပါတယ်။
“ဟေး ဒက်ဒီ မင်းကိုအမြဲဘာပြောလဲ”
စစ်သားငယ်လေးရယ် ကျောကိုဆန့်ဆန့်မတ်မတ်ထားရင်း၊ သမီးရဲ့နှုတ်ခမ်းတွေကိုလဲ ခပ်မဲ့မဲ့ကွေးညွှတ်မနေပဲ တင်းတင်းစေ့ထားပေးပါ။ ဘာကြောင့်ငိုနေမှာတဲ့လဲ။
ဒက်ဒီ မင်းအနားမှာရှိနေပြီပဲ။ ဟေလီ... ဒက်ဒီသိတာပေါ့၊ မင်းရဲ့မေမေကို လွမ်းနေမယ်။ ပြီးတော့ ဒက်ဒီ့ကိုလဲ လွမ်းနေမှာ ဒက်ဒီသိတာပေါ့။
ဒက်ဒီ သွားခဲ့ရတာက ဒက်ဒီဘယ်တော့မှ မရခဲ့ဘူးတဲ့ ဘ၀မျိုး သမီးကိုပေးချင်လို့ပါ။
သမီးပြုံးနေတဲ့အချိန်၊ ရီမောနေတဲ့အချိန်မှာတောင် စိတ်ထဲမှာ ၀မ်းနည်းပက်လက်ဖြစ်နေမှာ
ဒက်ဒီသိနေ၊ မြင်နေနိုင်တယ်။ သမီးရဲ့မျက်လုံးတွေထဲ ဒက်ဒီကြည့်ရင်း အတွင်းစိတ်နက်နက်ရှိုင်းရှိုင်းတစ်နေရာမှာ သမီး ငိုချင်နေတယ်ဆိုတာ ဒက်ဒီမြင်နေနိုင်ပါတယ်။ သမီးကြောက်ရွံ့နေတဲ့ အချိန်တွေမှာ ဒက်ဒီရှိမနေနိုင်ခဲ့ဘူး၊ ကဲ ထပ်ထပ်ပြီး ငိုမနေပါနဲ့တော့၊ မျက်ရည်တွေကိုသုတ်လိုက်ပါတော့၊ ဒက်ဒီ မင်းအနားကို ခုရောက်လာပြီ၊
အိမ်မက်ဆိုးတွေနောက်ထပ်ရှိမလာနိုင်တော့ဘူး၊ ဒက်ဒီတို့ အတူတူ ဒါတွေကိုကျော်ဖြတ်ကြမယ်ကွဲ့။
လိုင်နီ အန်ကယ်က အရူးပဲမဟုတ်လား၊ ရူးတယ်ပဲထားပါဦး မင်းကိုလဲ သိပ်ချစ်တယ်ဆိုတာ ရေရေလည်လည် နားလည်သဘောပေါက်ထားရမယ်။

ကမ္ဘာကြီးဟာ လူးလိမ့်နေတဲ့အခါတိုင်း၊
ကမ္ဘာကြီးဟာ ရစ်ခွေမွှေနှောက်နေတဲ့အခါတိုင်း၊
ကမ္ဘာကြီးဟာ တ၀ဲဝဲတလည်လည်ခါယမ်းနေတဲ့အခါတိုင်း
ကမ္ဘာကြီးလှုပ်ခါနေသလို ဒက်ဒီတို့ဘ၀တွေဟာလဲ ရီဝေယိမ်းထိုးနေရတာပါပဲ။ ဒါတွေက သမီးတို့ကို နားရှုပ်စေမှာ ဒက်ဒီသိတယ်။ ဒက်ဒီက အမြဲလှုပ်ရှားရုန်းကန်နေရတယ်၊ မင်းတို့ မာမီကလဲ သတင်းတွေပဲ ထိုင်စောင့်ကြည့်နေရတယ်။ သမီးတို့ကို အရိပ်ကောင်းကောင်း အုပ်မိုးပေးဖို့ကြိုးစားလိုက်တိုင်း ပိုပိုပြီး လုပ်ရကိုင်ရ ခက်ခဲလာတာချည်းပဲ။ ဒက်ဒီ့ရဲ့ ခုလို ကို့ရို့ကားယားပုံပမ်းမကျနတဲ့ ဘ၀ကို သမီးတို့ကို မမြင်မတွေ့စေချင်ပါဘူး။ ခုတော့ မရှောင်နိုင်ပါဘူး၊ မင်းတို့ရဲ့ မာမီနဲ့ဒက်ဒီတို့အခြေအနေတွေ
ပိုပိုပြီးဆိုးဝါးလာနေပြီ။ ဒက်ဒီတို့က ဆယ်ကျော်သက်တွေလို ကတောက်ကဆဖြစ်ခဲ့ကြတာကို
သမီးတို့ မြင်တွေ့ခဲ့ကြပြီ။ အရာရာတိုင်းဟာ အကြောင်းပြချက်တစ်ခုကြောင့်
ဒီလိုဖြစ်ဖို့ မရည်ရွယ်ခဲ့ပဲ ဖြစ်ဖြစ်လာတတ်တာပဲ။
သမီးရေ၊ ဘယ်တုံးကမှ ဒီလိုမရည်ရွယ်ခဲ့ပေမဲ့ မင်းရဲ့မာမီနဲ့ ဒက်ဒီတို့ အခြေအနေကောင်းကို မထိမ်းသိမ်းနိုင်တော့ပါဘူး။ ဒက်ဒီတို့ရဲ့ ရည်မှန်းချက်က ဘာတဲ့လဲ။

ဘာပဲဖြစ်ဖြစ်ပါ မစိုးရိမ်ပါနဲ့၊  ခေါင်းအေးအေးထားပြီး အိပ်လိုက်ကြပါဦး၊ တနေ့တော့ ဒက်ဒီတို့ ပြန်လည်သင့်မြတ်ကြမှာပါ။ အဲဒီနေ့ကျရင် ဒါဟာ အိမ်မက်တွေဖြစ်ကုန်ပါလိမ့်မယ်။

နှုတ်ဆိတ်နေတဲ့ သမီးလေးရေ၊ တိတ်တိတ်လေး မငိုကြွေးပါနဲ့တော့၊
အားလုံးကောင်းသွားမှာပါကွဲ့၊
နှုတ်ခမ်းတွေ တင်းတင်းစေ့ထားပေးပါ၊
ဒက်ဒီ - မင်းကို ထွေးပွေ့ဖို့ ဒီည အရောက်လာခဲ့မယ်၊
ခုတော့ မာမီ မရှိပါဘူး။ ဘာကြောင့်လဲ ဒက်ဒီတို့ မသိကြဘူးမဟုတ်လား၊
ဒက်ဒီတို့ရဲ့ အတွင်းစိတ်မှာ စူးစူးနစ်နစ် ခံစားနေရတာကိုတော့ ဒက်ဒီတို့ခံစားမိကြတာပဲ။
ရူးကြောင်ကြောင်ဖြစ်နေတဲ့သမီးအလှလေးရေ- ဒက်ဒီ ကတိပေးနိုင်တယ်ကွဲ့၊
မာမီ အားလုံးအဆင်ပြေမှာကိုပေါ့။

ဒါ ရီစရာပါပဲ
ပြန်သတိရမိပါသေးရဲ့ တနှစ်ကပေါ့၊ ဒက်ဒီ့မှာ ပိုက်ဆံ မရှိဘူး။ ခရစ်စမတ်ကာလဆိုတော့ မာမီက ခရစ်စမတ်လက်ဆောင်တွေကို သစ်ပင်မှာ သူ့ဘာသာချိတ်ဆွဲရင်း ဒက်ဒီပေးတဲ့ လက်ဆောင်တွေပါလို့ ပြောခဲ့တယ်။ ဒက်ဒီကတော့ တကယ့်ကို ဘာဆိုဘာမှ မ၀ယ်နိုင်ခဲ့ပါဘူး။
အဲဒီ ခရစ်စမတ်ကို ဒက်ဒီမမေ့ဘူး၊ ဒက်ဒီ က တေလေကြမ်းပိုးတစ်ယောက်ဖြစ်နေပြီလို့ ခံစားနေရပြီး အဲဒီသစ်ပင်ရှေ့ တညလုံးထိုင်ငိုနေခဲ့ရတယ်။ ဒက်ဒီ့မှာ အလုပ်တော့ရှိပါရဲ့၊ အဲဒီအလုပ်က သမီးနဲ့မာမီ စားဖို့ဟင်းလျာတွေ စားပွဲပေါ်တင်ပေးရတဲ့အလုပ်ပဲ မဟုတ်လား၊

အဲဒီအချိန် ဒက်ဒီတို့ရဲ့အိမ်တွေက မလုံခြုံတော့ တံခါးတွေရိုက်ချိုးပြီး လုယက်မဲ့သူတွေ ကျူးကျော်လာကြပါလေရော၊ သမီးရဲ့မာမီက ကရားကို ၀က်ရုပ်စုဗူးလုပ်လို့ ပိုက်ဆံတွေစုထားတယ်။ အဲဒီပိုက်ဆံတွေဟာ သမီးကြီးလာရင် ကောလိပ်ပို့မဲ့ ပိုက်ဆံတွေ၊ ဒေါ်လာတစ်ထောင်ခန့်ရှိမယ်၊ လူဆိုးတွေက အားလုံးယူသွားကြတယ်၊ ဒက်ဒီသိပါတယ်။
အဲဒီ အဖြစ်အပျက်ဟာ မာမီ့ကို စူးစူးနစ်နစ် ထိခိုက်သွားခဲ့တယ်ဆိုတာကိုပေါ့။ အဲဒီအချိန်ကစပြီး မာမီနဲ့ ဒက်ဒီ ဝေးကွာဖို့ စတင်လာခဲ့ကြတာပါပဲ။ မာမီနဲ့ ဒက်ဒီတို့ တချိန်လုံး ကတောက်ကဆ ဖြစ်ခဲ့ကြတယ်။ နောက်တော့ သမီးရဲ့မာမီက Chalmers က အိပ်ခန်းတစ်ခန်းပဲပါတဲ့ တိုက်ခန်းကို ပြောင်းနေသလို ဒက်ဒီကလဲ မာမီနဲ့ဝေးရာ တခြားတစ်နေရာဆီ Novora က 8 Mile ဆီ ဒက်ဒီ ထွက်သွားလိုက်တယ်။ အဲဒီနောက်ပိုင်း ဒက်ဒီရဲ့ CD ကိုယူပြီး ကယ်လီဖိုးနီးယားကိုသွားတယ်။ Dr.Dre နဲ့ တွေ့ဆုံဖြစ်တယ်။

မာမီနဲ့သမီး ဒက်ဒီ့ကိုတွေဖို့လိုက်လာကြတယ်ဆိုတာဒက်ဒီသိတယ်၊  ဒက်ဒီအလုပ်တွေ အများကြီးလုပ်ဖို့ရှိတယ်၊ အဲဒီတော့ အချိန်မပေးနိုင်တဲ့ ဒက်ဒီ့ကို မာမီကစွန့်ခွာခဲ့တယ်။
နောက်ပိုင်းမှာတော့ သမီး ဒက်ဒီ့ကို TV မှာ ဘွားကနဲမြင်လိုက်ရတယ်မဟုတ်လား၊
မာမီကတော့ ဒါကို မကြိုက်လှပါဘူး၊ သမီးနဲ့လိုင်နီကတော့ နားလည်နိုင်မှာ မဟုတ်သေးဘူး၊
ဒက်ဒီက လိမ့်နေတဲ့ဂေါ်လီတစ်လုံးလိုပဲ၊ မာမီကလဲ ဒက်ဒီနဲ့ဝေးကွာစေမယ့် အကြောင်းတရားတွေပဲ စိတ်အာရုံမှာ တချိန်လုံး မွေးမြူနေတော့တယ်။
သမီးလေး - ဒက်ဒီ တကယ် စိတ်မကောင်းပါဘူးကွယ်၊
ဒက်ဒီ အလုပ်နဲ့သက်သေပြဖို့ ကမ်းလှမ်းလာတဲ့ပထမဆုံးလက်တစ်ဖက်ကို လက်လွှတ်မခံနိုင်ဘူး၊
ဒက်ဒီလုပ်ချင်သမျှ အရာအားလုံးဟာ သမီးလေး ဂုဏ်ယူနိုင်ဖို့အတွက်ပါ။
အခုတော့ ဗလာဟင်းလင်း အိမ်ထဲမှာထိုင်ရင်း အတိတ်ကို ပြန်သတိရနေဖို့ပဲရှိတော့တယ်။
သမီး ငယ်ငယ်က ပုံလေးတွေကြည့်ရင်း သမီး ဘယ်လောက်တောင်ကြီးပြင်းလာပြီလဲဆိုတာ မြင်ချင်လှပါပြီ၊ သမီးတို့ဟာ ညီအမတွေလိုဖြစ်နေကြပြီလား၊ မှန်းဆကြည့်လိုက်ပါရစေဦး။

သိပ်လှတဲ့ သမီးငယ်လေးရေ ဒက်ဒီရောက်နေပြီ၊
လိုင်နီ မင်းကိုလဲ ပြောချင်ပါရဲ့ ဒက်ဒီ မင်းတို့အနားရောက်လာခဲ့ပြီ ကွဲ့။
ဒက်ဒီ သိပ်ကြိုက်တဲ့အသံတွေလဲကြားချင်လှပါရဲ့၊
လက်စွပ်တကွင်းလဲ ပါလာတယ်။
ရှုး- တိတ်တိတ်နေကြပါ - မာမီသွားတာ ခဏတာပါ။

ဟေလီ - သမီးသာအလိုရှိမယ်ဆိုရင် ဒက်ဒီ သမီးအတွက် တေးဆိုငှက် ပြောင်ချော်ချော်လေး
ဝယ်ပေးမယ်ကွဲ့၊
သမီးအတွက် ကမ္ဘာကြီးကိုလဲပေးပါမယ်၊
စိန်လက်စွပ်တစ်ကွင်း သမီးအတွက် ၀ယ်ပေးဦးမယ်၊
သီချင်းတစ်ပုဒ်လဲ သမီးအတွက် ဆိုပြပါရစေဦး၊
သမီးရဲ့အပြုံးကို မြင်ရဖို့ ဒက်ဒီ ဘာမဆို လုပ်ဝံ့ပါတယ်။
တေးဆိုငှက်လေးက သီချင်းမဆိုတတ်ဘူးဆိုရင်-
အဲဒီလက်စွပ်က စိန်ပွင့်လေး တလက်လက်တောက်ပမနေခဲ့ဘူးဆိုရင်-
အဲဒီ ငှက်ပြောင်ချော်လေးရဲ့ လည်ဂုတ်ကိုချိုးပစ်မယ်ကွဲ့၊
ပြီးတော့ ရတနာဆိုင်ကိုလဲ ပြန်သွားပြီး ခပ်မွဲမွဲလက်စွပ်ရောင်းလိုက်တဲ့လူကို
ရွှေချိန်တွေပဲ တချိန်လုံးမဆန့်မပြဲ ဆက်ပြီးဝါးမျိုနေဖို့ တစ်ခုခု လုပ်ပစ်ခဲ့မယ်ကွဲ့။

ဟား ဟား ဒက်ဒီ့ကို လာမညိလိုက်ပါနဲ့။           ။


0 comments:

Post a Comment