အသက်ရှုမှားလောက်စရာ စီလင်းဒီယွန်ရဲ့ အိမ်ဂေဟာ

ကနေဒီယန်းပေါပ့်၊ ရောခ့်၊ R&B အဆိုတော် စီလင်းဒီယွန် ပိုင်ဆိုင်တဲ့ အိမ်တွေကတော့ ကြီးမားကျယ်ပြန့်လှတဲ့ စံအိမ်ကြီးတွေပါပဲ။ ပြင်သစ်-ကနေဒီယန်းမျိုးရိုးမိသားစုဝင် ဖြစ်ပြီး မိသားစုဝင်အများကြီးနဲ့ ကြီးပြင်းခဲ့သူပါ။ မောင်နှမ ၁၄ ယောက်မှာ စီလင်းဒီယွန်က အငယ်ဆုံးပါ။ ကနေဒါနိုင်ငံ ကူဘက်ခ်ပြည်နယ်က ရှာလန်းမန်းမြို့လေးမှာ မွေးဖွားခဲ့ပါတယ်။ ပြင်သစ်စကားပြောဒေသမှာ ဆယ်ကျော်သက်အရွယ်လေးက စပြီး ကြယ်တစ်ပွင့်အဖြစ်လင်းလက်ခဲ့တယ်။ အသက် ၅ နှစ်အရွယ်လေးကတည်းကပဲ အစ်ကိုရဲ့ မင်္ဂလာပွဲမှာ သီချင်းစတင် ဆိုခဲ့ပါတယ်။ ပထမဆုံးအင်္ဂလိပ်စကားပြော အယ်လ်ဘမ် Unison ကို ၁၉၉၀ မှာ ထုတ်ဝေခဲ့ပြီးတဲ့နောက် မြောက်အမေရိက နဲ့ တခြား အင်္ဂလိပ်စကားပြောတိုင်းပြည်တွေမှာပါ နာမည်ကျော်ကြားခဲ့သူပါ။ ၁၉၉၄ ခုနှစ်က အမေးအဖြေတစ်ခုမှာ “ကျွန်မ မိသားစုနဲ့ မိသားစုဝင်အများကြီးနဲ့ နေခဲ့ရတဲ့ အိမ်ကို လွမ်းပါတယ်။ ဒါပေမဲ့ ငယ်ရွယ်ပျိုမြစ်တဲ့အချိန်တွေ ပြန်မရနိုင်တော့တာကိုတော့ နောင်တရမနေပါဘူး။ အိပ်မက်အမြဲရှိခဲ့ပါတယ်။ အဆိုတော်တစ်ယောက် ဖြစ်ချင်တာရယ်။ ကျွန်မကြီးပြင်းခဲ့သလိုပဲ မိသားစုဝင်တွေအများကြီးပါတဲ့ ကျွန်မကိုယ်ပိုင်မိသားစုလေးလည်း လိုချင်တယ်။ ပြီးတော့ ကြီးမားတဲ့အိမ်ကြီးတွေပေါ့” လို့ စီလင်းဒီယွန်က ဖြေခဲ့ပါတယ်။ စီလင်းဒီယွန် ရဲ့ အိပ်မက်တွေဟာ အကောင်အထည်ပေါ်ခဲ့တယ်ပြောရမှာပါပဲ။ ၂၀၀၁ ခုနှစ်က မွေးဖွားခဲ့တဲ့ သားကြီး နဲ့ ၂၀၁၀ ခုနှစ်မှာ မွေးဖွားခဲ့တဲ့ အမွှာသားလေးနှစ်ယောက်နဲ့ဆိုရင် သားသုံးယောက် အခု ပိုင်ဆိုင်နေခဲ့ပါပြီ။ စီလင်းဒီယွန်ရဲ့ မန်နေဂျာ ကနေဒီးယန်းအဆိုတော် ရဲနဲအန်ဂဲလီ နဲ့ လက်ထပ်ခဲ့တာပါ။ သားအမွှာလေးတွေရဲ့အမည်ကို အက်ဒီ နဲ့ နယ်လ်ဆန်လို့ ပေးခဲ့ကြတယ်။ သူမ ရဲ့ အယ်လ်ဘမ်တွေကို ထုတ်ဝေခဲ့တဲ့ ပြင်သစ်သီချင်းရေးဆရာကြီး အမည် အက်ဒီ နဲ့ နယ်လ်ဆင်မန်ဒဲလား ရဲ့ အမည်တွေလို့ ခင်ပွန်း ရဲနဲ က ပြောပါတယ်။ 

စီလင်းဒီယွန် နဲ့ ရဲနဲ တို့ရဲ့ ဖလော်ရီဒါ၊ ဂျူပီတာကျွန်းက ချစ်စရာရေကူးကန်ဒီဇိုင်းလေးပါရှိတဲ့ စံအိမ်ဟာ ဒေါ်လာ သန်း ၂၀ ကုန်ကျပါတယ်။ ခမ်းနားလှပစွာတည်ဆောက်ထားတဲ့ ရေကူးကန်အတွက် ရေဂါလံ ၅ သိန်းအသုံးပြုထားပြီး ရေကူးကန်နှစ်ကန်ပါရှိတယ်။ ဆင်ခြေလျှောနှစ်ခုပါရှိတဲ့ ရေကူးကန်လေးတွေမှာ ရေစီးကို ဖြည်းဖြည်းလေးပဲ စီးနေစေပြီး ရေဆော့ကစားတဲ့သူတွေကို ရေကူးကန်တစ်ဝိုက်သယ်ဆောင်သွားနိုင်ပါတယ်တဲ့။ အဲဒီ ရေကူးပန်းခြံပါ စံအိမ်ကို ၂၀၀၅ ခုနှစ်က ဒေါ်လာ ၁၂.၅ သန်း နဲ့ ၀ယ်ယူခဲ့တာပါ။ ဖလော်ရီဒါက ဂျူပီတာကျွန်းဟာ ယူအက်စ်က အကြွယ်ဝဆုံးနာမည်ကျော်တွေ နေကြတဲ့ နေရာပါပဲ။ ဂေါက်သီးချန်ပီယံ တိုက်ဂါးဝုဒ်အပါအ၀င်ပေါ့။

အဲဒီ စံအိမ်ဟာ ၉၈၂၅ စတုရန်းပေကျယ်ဝန်းပြီး ၅.၇ ဧကရှိပါတယ်။ မြေအောက်ကားဂိုဒေါင်လည်း ပါရှိတယ်။ အိပ်ခန်းက ရှစ်ခန်း နဲ့ ဧည့်သည်တွေရဲ့ အခန်း နှစ်ခန်းပါရှိတယ်။ စတုရန်းပေ ၄၆၀ ရှိတဲ့ ဗီရိုကြီးရယ် ရေကူးကန်ဘေးက အားကစားခန်းမရယ်က ဧည့်သည်တွေအတွက် အထူးတည်ဆောက်ထားတဲ့အပြင်အဆင်တွေလို့ ဆိုပါတယ်။ ရေကူးကန်အတွက် ရေဂါလံပေါင်းများစွာအသုံးပြုကြတာကြောင့် အိမ်နီးချင်းတွေရဲ့ မကျေမနပ်ဖြစ်ကြတာတွေတော့ရှိနေတယ်။ သူမ ရေတွေသိုလှောင်ထားမှုဟာ ကျွန်းမှာ ရေရှားပါးမှုပြဿနာဖြစ်နိုင်တယ်။ ပြီးတော့ အဲဒီနေရာက ပမာဏများများသိုလှောင်ခွင့်မရှိတဲ့နေရာလို့ အိမ်နီးချင်းတွေက အပြစ်တင်ကြတယ်။ စီလင်းဒီယွန်ကတော့ များပြားလှတဲ့ ရေပမာဏတွေအသုံးပြုထားတာမို့ ဒဏ်ကြေးပေးဆောင်ပြီးတော့ အိမ်နီးချင်းတွေကို နှစ်သိမ့်ဖို့ ကြိုးစားခဲ့ပါတယ်။ ကြီးမားလှတဲ့ ရေကူးကန်ကို ရေလဲလှယ်အသုံးပြုနိုင်စေဖို့က ရေတွင်းခြောက်တွင်းပါ ရေပေးဝေရေးစနစ်ကို တည်ဆောက်ထားရတယ်။ ရေတွင်းတွေကို ရေဖြည့်ဖို့အတွက် တစ်နှစ်ကို ရေဂါလံပေါင်း ၆.၅သန်း လိုအပ်ပါတယ်။ အဲဒီရေတွင်းရေကန်ဆောက်လုပ်ရေးစနစ်အတွက် အိမ်နီချင်းတချို့က ပြောကြပါတယ်။ “သူမ ဆောက်လုပ်ခွင့်ဘယ်လိုရသလဲတော့ မသိပါဘူး။ အစိုးရကတော့ ဒီလိုဆောက်တာကို ပြင်းပြင်းထန်ထန်တားမြစ်ထားပါတယ်” တဲ့။ 

အိမ်နီးချင်းတွေရဲ့ ဆူပူညည်းတွားသံတွေ ဘေးပတ်ဝန်းကျင်အနီးတစ်ဝိုက်မှာ ပျံ့နှံ့နေပေမယ့်လည်း ကွေ့ကွေ့ဝိုက်ဝိုက်၊ ရေစီးတသွင်သွင်လေးစီးဆင်းနေတဲ့ စီလင်းဒီယွန်ရဲ့ ရေကူးကန်နဲ့ အဆောက်အဦးတွေကတော့ အဆင့်မြင်စွာ သပ်ရပ်လှပလို့နေပါတယ်။

ကနေဒါ၊ ကူဘက်ခ်မှာရှိတဲ့ စံအိမ်ကြီးကိုတော့ ကနေဒါရဲ့ ဘက်ကင်ဟမ်နန်းတော်ကြီးလို့ ခေါ်ဆိုကြတယ်။ ကူဘက်ခ်မှာ ရောင်းဈေးအမြင့်ဆုံးအိမ်ကြီးပါပဲ။ ဒေါ်လာ ၂၉.၇သန်းနီးပါး ဈေးခေါ်ထားတဲ့စံအိမ်ကြီးပါ။ စီလင်းဒီယွန်နဲ့ ခင်ပွန်းသည် ရဲနဲတို့ဟာ သူတို့ရဲ့ ကူဘက်ခ်စံအိမ်ကြီးဟာ အသုံးမပြုဖြစ်တာကြောင့် ရောင်းချဖို့ ဆုံးဖြတ်ခဲ့ကြတာပါ။ မွန်ထရီးလ်မြို့ထဲနဲ့ ၂၅ ကီလိုမီတာအကွာမှာရှိပြီး အဆောက်အဦးက စတုရန်းပေ ၂၄၀၀၀ ရှိပါတယ်။ ခြံစည်းရိုးအကျယ်ကတော့ စတုရန်းပေ ၈၃၀ ၀၀၀ တောင်ရှိပါတယ်။ ကျွန်းလေးပေါ်မှာရှိတဲ့စံအိမ်ဆီကို ကျောက်တုံးတွေအစီအရီခင်းတားတဲ့လမ်းတိုလေးအတိုင်း သွားကြရတယ်။ စံအိမ်အ၀င်ဝမှာတော့ ကြီးမားလှတဲ့ ဂိတ်တံခါးဝနှစ်ခုရှိနေပြီး လုံခြုံရေးအစောင့်အိမ်ကလည်း ၂၄နာရီအစောင့်အရှောက်နဲ့ထားရှိကာ ဖိတ်ကြားချက်မပါပဲ အလည်အပတ်ဝင်ရောက်လို့မရနိုင်တဲ့ စံအိမ်ကြီးပါပဲ။ ကျွန်းပေါ်မှာတော့ သဘာဝအတိုင်းပဲ သစ်တောသစ်ပင်တွေပြည့်လို့နေတယ်။

သစ်မာသား၊ ၀က်သစ်ချပင်၊ ထင်းရှုးနဲ့ မာပယ်လ်ပင်တွေရှိနေပါသတဲ့။ ပထမရာစုနှစ်ရောမခေတ်လက်ရာ ပန်းပုရုပ်တွေနဲ့ နှစ်ပေါင်း ၂၀၀၀ သက်တမ်းရှိတဲ့ အသုံးအဆောင်ပစ္စည်းတွေဖြည့်ထားတဲ့ စံအိမ်ကြီးပါ။ ကူဘက်ခ် စံအိမ်ကြီးကို နှစ်နှစ်ကြာဆောက်လုပ်ခဲ့ရပြီး ၂၀၀၁ မှာပြီးစီးခဲ့ပါတယ်။ ၃ ထပ်မြင့်တဲ့ပြင်သစ်နော်မန်စတိုင် ခေတ်မှီစံအိမ်ကြီးကို မီးခိုးရောင်ကျောက်တုံးတွေရယ်၊ ကျောက်ပြားအမိုးတွေရယ်နဲ့ တည်ဆောက်ထားတယ်။ အိမ်ကြီးထဲကို ၀င်လိုက်တာနဲ့ အော်ပရာကဇာတ်ခန်းမကြီးထဲကို ခြေချလိုက်မိသလို ခံစားရနိုင်တဲ့အပြင်အဆင်တွေက ပြည့်နှက်လို့နေပါတယ်။ ပြောင်လက်နေတဲ့သစ်သားပွတ်လုံးတွေ၊ အနုစိတ်လက်ရာတွေနဲ့ သံပန်းကြောင်လိမ်လှေကားဟာလည်း စာရေးဆရာမ မာဂရက်မစ်ချယ်ဖန်တီးတဲ့ လေရူးသုန်သုန်ဝတ္ထုထဲကလိုပဲတဲ့။ စကားလက်အိုဟားရားပြေးတက်ပြေးဆင်းပြုလုပ်ခဲ့တဲ့ ကြောင်လိမ်လှေကားစတဲ့ ပုံရိပ်တွေတောင် မြင်ယောင်မိစေတဲ့ အဆောက်အဦးပုံစံမျိုးလို့ ဆိုကြပါတယ်။ အိမ်ကြီးထဲကို ရောက်ခဲ့ကြဖူးတဲ့သူတွေက ကူဘက်ခ်စံအိမ်ကြီးဟာ ကနေဒါရဲ့ဘက်ကင်ဟမ်နန်းတော်ကြီးပါပဲ။ အသက်ရှုမှားလောက်စရာပေါ့ လို့ ဆိုနေကြတယ်။      ။

Living Fashion Magazine, November, 2012

မဉ္ဇူရီ