Friday, October 12, 2012

သွေးစွန်းတဲ့ ပျားရည်

(သွေးလွှမ်းမြေက ပျားရည်အချစ်)

ဇတ်ညွှန်းနှင့် ဒါရိုက်တာ ………………”.အိန်ဂျယ်လီနာ ဂျို လီ”
အဓိက ပါဝင် သရုပ်ဆောင်သူ……”.ဂေါ်ရန်ကိုစတစ်ခ် “်(ရုပ်ရှင်ထဲမှာ=ဒင်နီဂျေး လ်)
                                          “ ဇာနာမာဂျာနိုဗစ်”(ရုပ်ရှင်ထဲမှာ-အေဂျေလာ)
                                          “ ရိတ်ဒ်ဆာဗီဇီဂျာ”(ရုပ်ရှင်ထဲမှာ -နီဗိုဂျာ)
တည်းဖြတ်……………………………”.ပက်ထရစ်စီယာရွမ်မေးလ်”
ပြသခွင့် ရရှိသည့်နေ့  ………………ဒီဇင်ဘာ ၂၃ ၂၀၁၁
ပြသချိန် ……………………………….၁၂၇မိနစ်
နိုင်ငံ ……………………………………အမေရိကန်ပြည်ထောင်စု
ဘာသာ………………………………..အင်္ဂလိပ် ၊ဘောဇနီးယဲန်၊ဆာဘို -ခရိုအေးရှင်း
ကုန်ကျစရိတ် …………………………ဒေါ်လာ ၁၃သန်း

ကမ္ဘာကျော်အမေရိကဲန် ရုပ်ရှင်မင်းသမီး “အိန်ဂျယ်လီနာဂျိုလီ” ပွဲဦးထွက် ရိုက်ကူးလိုက်တဲ့ ရုပ်ရှင်ကားကောင်းတခုပါ။သူမဟာ ကုလသမဂ္ဂသံတမန်အရာရှိလည်း ဖြစ်တဲ့အပြင် စစ်ပွဲတွေကိုလည်း ပြင်းပြင်းထန်ထန် ဆန့် ကျင်သူဖြစ်ပါတယ်။ ဒီကားမှာ ဘော်လ်ကန်ဒေသကို သွားရောက်ပြီး ဒေသခံ သရုပ်ဆောင်များ မွေးထုတ်ကာ ရုပ်ရှင်ထဲမှာ အင်္ဂလိပ် ဘာသာ ဘောစနီးယဲန်ဘာသာ ခရိုအေးရှင်းဘာသာ စသည် အလျင်းသင့်သလို စကားပြောစေခဲ့တယ်။ ဘောစနီးယဲန်စစ်ပွဲကို နောက်ခံထားပြီးတော့ ဘောစနီးယဲ(န်) ဆာ့(ဘ်)တို့ အတွက် စစ်ဆင်ရေးတွေ ပြုလုပ်နေတဲ့ ” ဒင်နီဂျေး(လ်)”ရဲ့  ဖြစ်စဉ်တွေကို ဖေါ်ညွှန်းတင်ပြထားတာပါ။ ဘာသာမတူ အယူကွဲ ပြားတဲ့ ဘောစနီးယဲန် မူဆလင်အမျိုးသမီးလေးကို ချစ်ရည်မျှခဲ့မိရှာသူ ဆာ့(ဘ်) စစ်သည်တော်လေးတဦး  အကြောင်းပါ။
 ဘောစနီးယဲ(န် )စစ်ပွဲတွေ မတိုင်မီကတည်းက ချစ်သစ္စာထားခဲ့ကြလေတော့ စစ်ပွဲ ဖြစ်ပွားလာချိန်မှာ သူတို့ နှစ်ဦးရဲ့  လူနေမှု ဘ၀စတိုင်ကို ကြေကွဲ ၀မ်းနည်းမှုတွေ ဖြစ်စေဖို့  စစ်ပွဲတွေက ဖိအားပေး ခြိမ်းခြောက်လာနေတယ်။
“ ဒင်နီဂျေး လ်”  ဟာ သူ့ရဲ့  ဘခင်ဘောစနီးယား ဆာ့(ဘ်) စစ်ဦးစီးချုပ့်လက်အောက်မှာ အမှုထမ်းနေရသူ ဖြစ်ပြီး ဆိုးဝါးလှတဲ့ အကြောင်းကံ ဖန်တီးပုံက သူစစ်မြေပြင်က ပြန်အလာ သူ့ ချစ်ရသူကလေးနှင့် နှစ်ဦးသားဆုံတွေ့ ကြဖို့  မြှော်လင့်ထားခဲ့သမျှ မထင်မှတ်ဘဲ  သူတန်ဘိုးထားမြတ်နိုး ရသူကလေးကို   ဘောစနီးယဲန်ဆာ့(ဘ်) စစ်သည်တို့  အတွက် ဖျော်ဖြေရေးအုပ်စုထဲမှာထည့်သွင်း ဖမ်းဆီးထားကြောင်း မျက်ဝါးထင်ထင် တွေ့  မြင်လိုက်ရတဲ့အချက်ပါဘဲ။
ချစ်သူနဲ့  တွေ့ ဖို့  အပျော်လေးတွေ ရင်မှာပွေ့ လာတဲ့ စစ်သည်တော်ကလေးဟာ တချီထဲ ရင်ကွဲ ပက်လက် ဖြစ်ရရှာပြီပေါ့။ သူတို့ အတွက် သီးသန့် ဆုံတွေ့ ဖို့ က မလွယ်တော့ပါဘူး။ ဆက်သွယ်ရေး လမ်းကြောင်းတွေ က ပိတ်ဆို့  နေပြီ ဖြစ်တယ်။
“ဂျိုလီ “ဟာ ဒီဇတ်ကားကို ရိုက်ဖို့  ဇတ်ညွှန်းရေးဖို့  စိတ်ကူးရခဲ့တာက ကုလသမ၈္ဂသံတမာန်အဖြစ် ဘောစနီးယား ဟာဇီ ဂိုးဗီးနားကို ရောက်ခဲ့စဉ် က သူမ တွေ့ ကြုံ ခံစားခဲ့ရတဲ့ အဖြစ်သနစ်တွေအပေါ်မှာ အခြေခံသွားတာဖြစ်ပါတယ်။ ဒီတုံးက သူမတာဝန်ကို
် သူမ ကျေပွန်အောင်  ထမ်းဆောင်နိုင်ခဲ့ပါတယ်။

အဆင့်မြင့် အမေရိကန် သံအဖွဲ့  ခေါင်းဆောင် “မစ္စက် ကလင်တန်”နှင့်အတူ “ရစ်ချတ် ဟော ဘရု (ခ်) “တို့  ထံမှလည်း အကြံဥာဏ်များ ရယူနိုင်ခဲ့တယ်။ တွေ့ ဆုံ ဆွေးနွေး နိုင်ခဲ့ပါတယ်။ဘောစနီးယား စစ်ပွဲ အဆုံးသတ် ဒေတွန် သဘောတူညီမှုရဲ့  ဖန်တီးရှင် သံတမာန် ရစ်ချတ်ဟော ဘရု (ခ်) ၊ စစ်ပွဲအတွင်း မဟာဗျူဟာကျတဲ့ စီမံဖေါ်ဆောင်ချက်နှင့် အမေရိကန်မူဝါဒများ ကို ချမှတ်သူ အမေရိကန် ကာကွယ်ရေးဋ္ဌာန၏အကြီးအကဲ ‘ ၀က်စလေ ကလပ် (ခ်) “ နှင့် နိုင်ငံရပ်ခြား သတင်းထောက်” တွမ် ဂျေလ်တဲန်”တို့ နှင့်လည်း ဆွေးနွေးညှိနှိုင်းခဲ့တယ်။

ဇတ်ညွှန်းရေးသားပြီးစီးချိန်မှာတော့ သူမ ဟာ အေးအေးဆေးဆေးရှိသွားပြီးတော့ သူမရဲ့  ဇတ်ညွှန်းကို  ကိုယ်တိုင်က သဘောကျကြည်နူးပြီး  “အမည်မပေးရသေးတဲ့  အချစ်ပုံပြင် ဇတ်လမ်း “ လို့  ရိုးရိုးလေး ခေါ်တွင်စေခဲ့တယ်။ရိုက်ကူးခွင့်ကျတဲ့အခါမှာတော့ သူမက ဒါရိုက်ကောင်းတယောက်ကို အလျင်အမြန်ရွေးချယ်ပါတယ်။ ဒါပေမဲ့  သူမ စိတ်ထဲမှာလည်း ဇတ်ကားတကားလောက် ရိုက်ကူးကြည့်အုံးမယ် ဆိုတဲ့  အတွေးကလဲ ရှိနေပြီးဖြစ်လို့  ကိုယ်တိုင်ဘဲ ရိုက်ကူးတော့မယ်လို့  ဆုံးဖြတ်ပြီး သရုပ်ဆောင်မဲ့ သူကိုဘဲ ရွေးချယ် ရှာဖွေ လိုက်တော့တယ်။
ရုပ်ရှင်လုပ်ငန်းဘက်မှာ သြဇာတိက္ကမရှိပြီး ချမ်းသာကြွယ်ဝသူ ဆာဘီးယဲ(န်) သူကြွယ်ကြီး “ဇီလီကိုမီထရိုဗစ်  “ပိုင် Pink International Company က  Pink Flims ကို ထုတ်လုပ်ရေးအပိုင်းအတွက် ချဉ်းကပ်ခဲ့တယ်။ဒါပေမဲ့ သူကသူမနှင့် အလုပ်အတူလုပ်ဖို့  ညင်းပယ်ခဲ့ပါတယ်။့  ဘယ်လိုဘဲ ညင်းဆိုခဲ့ပါစေ သတင်းထုတ်ပြန်ကြေညာတာမျိုးကိုတော့ ခွင့်ပြု ခဲ့ပါတယ်။

“ကျုပ်က ဂျိုလီကို အနုပညာသမားတယောက်အနေနဲ့ ရော လူသားတယောက်အနေနဲ့ ပါ လေးစားပါတယ်ချစ်ခင်ပါတယ်။ဒါပေမဲ့ ကံမကောင်းချင်တော့ ဂျိုလီက ဆာ့ဘ်တွေကိုဆန့်  ကျင်မုန်းတီးစိတ် အားကြီးနေတယ်လေ။သူ့ ဇတ်ညွှန်းတော်တော်များများမှာ ဆာ့ဘ်တွေ ကို ဆိုးသွမ်းလူငယ်အသွင် တင်ပြထားတယ်လေဗျာ ” လိူု့  သူကညီးညီးညူညူ ပြောပါတယ်။

“ဂျိုလီ နှင့် ဘရက်ပစ် “တို့ ဟာ “သွေးလွှမ်းမြေက ပျားရည် အချစ်  “ ဖတ်ကားအတွက် ၂၀၁၀ အောက်တိုဘာလနှင့် နိုဝင်ဘာလတို့ အတွင်း စတင်ခရီးထွက်ခွာခဲ့ကြပြီး ဘူဒါပက် နှင့် Esztergom တို့ မှာ  ရိုက်ကူးခဲ့ကြတယ်။ သရုပ်ဆောင်နေရာအတွက် ယခင် ယူဂိုဆလားဗီးယားပြည်ထောင်စုဟောင်း မှ  စစ်ပွဲအတွင်း အတွေ့ အကြုံရှိသူ အများအပြားကို ခေါ်ယူ အသုံးပြု ရိုက်ကူးထားခြင်းဖြစ်တယ်။သူတို့  တွေ့ ရှိခံစားချက်များပါ ပေါင်းစု ပြီး ဇတ်ကားမှာ  ထည့်သွင်းအားဖြည့် ရိုက်ကူးထားတာပါ။ လို့ ” ဂျိုလီ “က ပြောပါတယ်။ ဘောစနီးယားစစ်ပွဲ အပြီး  အသက်ရှင် ကျန်ရစ်သူ များဟာ မကြာမှီကမှ သမိုင်းရာဇ၀င်မှာ နေရာယူ လာကြတာဖြစ်ပါတယ်။ ဒါကို ဂျိုလီက ဖေါ်ထုတ်တင်ဆက်တာပါ တဲ့။ ဒါဟာ ဥရောပရဲ့  ဒုတိယကမ္ဘာစစ်အတွင်း အဆိုးဆုံး မျိုးတုံးသတ်ဖြတ်မှု ကြီးဖြစ်ပြီးသူ့ မှာ ဒီလို ဖေါ်ထုတ်တင်ဆက် ရိုက်ကူးပြသဖို့  တာဝန်ရှိတယ်လို့  သူမ ခံစားရပါတယ်လို့  မင်းသမီးက ဆိုပါတယ်။

“ကျွန်မတို့  ဘာလုပ်ကြမလဲ။ ဒီလောက်ကလေး လုပ်ပေးလိုက်ရုံနဲ့  ပြည့်စုံပါ့မလား။ စစ်ပွဲဟာ တရားမျှတမှု မရှိပါဘူး။ ကျွန်မတော့ လူတွေကို နားမလည်နိုင်တော့ဘူး။ တချို့ လူတွေက ဒီအဖြစ်အပျက်တွေဟာ တကယ်မဟုတ်ဘူးလို့  ဆိုနေကြတယ်။ သိပ်စိတ်တိုဖို့ ကောင်းတယ် “တဲ့. ။”ဂျိုလီ “တကယ် စိတ်ဆိုးနေပါတယ်။ ဒီဇတ်ကားကို ရိုက်ကူးနေစဉ် ဘောစနီးယဲန်မူဆလင်အမျိုးသမီး ဟာ သူမကို အဓမ္မကျူးလွန်သူ ဆာဘီးယဲန် အမျိုးသားနှင့်  သဘောတူ ချစ်ကြိုက်ခဲ့ကြောင်း ဖေါ်ပြထားချက်ဟာ မှားယွင်းနေတယ်လို့ စစ်ပွဲ ရဲ့ သားကောင် ဘောစနီးယဲန်မူဆလင် အမျိုးသမီး အဖွဲ့ အစည်းမှ သဘောမတူဘူးဆိုပြီး ကန့် ကွက် လာတာကြောင့်ပြန်လည်ရုတ်သိမ်းပေးခဲ့ရတယ်။ဒါပေမဲ့ …
 ဂျိုလီက ဒါတွေဟာ ကောလာဟလမျှသာဖြစ်တယ် လို့   ညင်းဆိုပြီးတော့  ဘောစနီးယားယဉ်ကျေးမှု ၀န်ကြီးဋ္ဌာန သို့  ဇတ်ညွှန်းကိုထပ်မံ တင်သွင်းရာမှာ ယဉ်ကျေးမှု ၀န်ကြီးဋ္ဌာန က ချက်ခြင်းဘဲ မူလအတိုင်းပြန်လည် ခွင့်ပြုခဲ့  တယ်။ တခါ..

၂၀၁၁ စက်တင်ဘာမှာ ဘောစနီးယဲန်ခရိုအေ့ထ်စာရေးဆရာ “ဂျိမ်းစ် ဂျေ ဘရက်ဒေါ့ခ် “က ၂၀၀၇ခုနှစ်က ရေးသား ထုတ်ဝေဖြန့် ချီခဲ့တဲ့ (Slamanje duse) “အစိတ်စိတ်အမွှာမွှာ ကွဲထွက်သွားသည့် ၀ိညာဉ်” စာအုပ်ထဲက အချက်အလက် တော်တော်များများ ခိုးယူထားတယ်လို့  စွပ်စွဲ ခဲ့ပြန်တယ်။ တရားစွဲဆိုခဲ့တာပါ။ ဂျိုလီက ပယ်ချပါတယ်။ “ဒါဟာ ဖြစ်တတ်ပါတယ်။ စာအုပ်တွေမှာ ဆင်တူရိုးမှား  စာပန်းချီ မှုံးချယ်မှုတွေ အများကြီး ရှိနေပါတယ်။ ဒီတအုပ်ထဲ မဟုတ်ပါဘူး။ ကျွန်မတို့  ဇတ်ညွှန်းရေးဆရာတွေဟာ ဟိုအကြောင်းဒီအကြောင်း စာအုပ်တွေကို အခြေခံပြီး ကိုးကားရေးဖွဲ့  ကြရတယ်။စာအုပ်တွေဟာ လူသားတွေရဲ့  ဖြစ်ကြောင်းကုန်စင် ကို ရေးသီ ဖွဲ့ ဆိုထားတာမို့  အားလုံးဟာ ပေါင်းစုနေတာမို့ လား။ သီးခြားတည်ရှိနေတယ်ရယ်လို့ ကျွန်မ တခါမှ မသိခဲ့ဘူး “ လို့ ထုချေခဲ့ပါတယ်။
“ဂျိုလီ”က  ဆာရာဂျေဗို ရုပ်ရှင်ပွဲတော်မှာ VOA ကိုလည်း  ခုလိုဘဲ ပြောခဲ့တယ်။

၂၀၁၁ ဒီဇင်္ဘာလ ၅ရက်နေ့  နယူးရော(့ခ်)မှာ ပွဲဦးထွက် ရုံတင်ခဲ့စဉ် ဘောစနီးယား စစ်မြေပြင်က  သတင်းတွေကို စဉ်ဆက်မပြတ် ပေးပို့ ခဲ့တဲ့ CNN သတင်းထောက်  “ခရစ်စတင်း အေမင်ပေါလ်” က လူထုကို ရုပ်ရှင်ကားနှင့် မိတ်ဆက်ပေးခဲ့တယ်။ရုပ်ရှင်အပြီး နယူးရော့ (ခ်) မြို့ က The standard ဟိုတယ် ခေါင်မိုးပေါ်မှာ အောင်ပွဲ ခံစဉ် “ဂျိုလီ၏ ရဲ ရင့် ပြောင်မြောက်မှု “ လို့  အမွှန်းတင် ချီးကြူးခဲ့ကြတယ်။ အမေရိကဲန် စစ်ဗိုလ်ချုပ်ကြီး “၀က်စလေ  ကလပ်(ခ်) “ကိုယ်တိုင်ကလည်း “ဂျိုလီ”ရဲ့  ရုပ်ရှင်ကားကို  “မယုံကြည်နိုင်လောက်အောင် ထူးခြားပြောင်မြောက်လွန်းတယ်” စသဖြင့် အလားတူ ချီးကြူးစကားပြောဆိုခဲ့တယ်။
ဝါရှင်တန် ပို့ (စ်) သတင်းစာရဲ့  ပင်တိုင် ဆောင်းပါးရှင် “ရစ်ချတ် ကိုဟင်  “က   “ရုပ်ရှင် က ကောင်းပါတယ်။ချီးမွမ်းစရာပါဘဲ။   ဘောစနီးယား မူဆလင်တွေအပေါ်ဆာ့(ဘ်)တို့ ရဲ့   ဆန့်ကျင် ရက်စက်မှုကို အမေရိကန်က တခုခု တုံ့ ပြန်ဖို့  နှောင့်နှေးခဲ့တယ် ။လစ်ဗျားလို စစ်ရေးအရ အရေးယူတာမျိုး ဖြစ်ဖြစ် အမှု စွဲဆိုစေတာမျိုးဖြစ်ဖြစ်ပေါ့ “စသည် ရေးသားခဲ့တယ်။
“ဒီရုပ်ရှင်ကားမှာ ထင်ရှားပေါ်လွင်မှု အရှိဆုံးက အစုအပြုံလိုက် သုတ်သင်မှု အဓမ္မကျူးလွန်မှု နှင့် လူသားဒိုင်းလွှားအသုံးချမှုတို့ ဘဲ ဖြစ်တယ် “ တဲ့။ ဂျိုလီက အားပါးတရ ပြောပါတယ်။
ဆရီဘရီနီကာသားကောင်များ အသင်းအဖွဲ့ တွေကလည်း အပီပြင်ဆုံး အကောင်းဆုံးရုပ်ရှင်ကားအနေနှင့် ချီးကြူးကြတယ်။
ဟောလီဝု(ဒ်) သတင်းထောက် တဦးဖြစ်တဲ့ “ တော့(ဒ်)မက်ကာသီ “ကလည်း “အစွမ်းထက်တဲ့ ရိုက်ချက်တွေပါဘဲဗျာ “လို့  ဆိုတယ်။
ဘယ်လိုဘဲ ချီးကြူးခဲ့ကြပါစေ  ဆာ့(ဘ်) တို့ ဘက်က ကြည့်ရင်လဲ သူတို့ ကို ခွဲခြားဆက်ဆံသွားတယ်
လို့ မြင်နေပါတယ်။ ဘာ့ကြောင့် ဒီရက်စက်မှု ကို (ဆရီဘရီနီကာ အစုအပြုံ သတ်ဖြတ်မှု)ကို ကျူးလွန်ဝံ့သွားကြသလဲ ဆိုတဲ့ ဇဇ်မြစ်ကိုပါ တူးဖေါ်မျှတရိုက်ကူးသင့်တယ်လို့  ဆိုနေပါတယ်။

“လော့(စ်) အိန်ဂျယ်လိ(စ် )တိုင်း(မ်) ကတော့  အရေးပါတဲ့ အခန်းကဏ္ဍတွေမှာ ဂျိုလီ က ထိထိမိမိ အကွက်ဆင် ရိုက်ကူးထားတာတွေ လွန်ကဲနေတယ်”လို့  ဆိုပါတယ်။ကမ္ဘာက ဆာ့(ဘ်) တို့ ကို ပိုမို အဆိုး မြင်သွားစေနိုင်တယ် လို့  ဆိုတယ်။ ထိတ်လန့် စက်ဆုတ်ဖွယ် မြင်ကွင်းများ
စစ်ရာဇ၀တ်မှု ကျူးလွန်ခြင်း ဆိုင်ရာ အပြာခန်းများ  အကြောင်းမဲ့  ပုံကြီးချဲ့ အသားပေးလွန်းတယ် လို့ လည်း  ဆိုပါတယ်။

Floristအနေနှင့် ပြောရရင်
ဒီလိုစစ်ပွဲမျိုး တွေ ကျူးလွန်နေခြင်းဟာ တကယ်တော့ လူမျိုးတူသည့်တိုင် ဘာသာမတူ အယူကွဲပြားနေခြင်းက အဓိက ဖြစ်နေတယ်။
မတူကွဲပြားတဲ့ ဘာသာရေး အယူသီးမှုအရ မလိုမုန်းထားမှုများ  ထိုမှတဆင့်တက်လို့  အမျက်ဒေါသများ ညှင်းပန်းနှိပ်စက်မှုများ သတ်ဖြတ်မှုများ စဉ်တိုက် ဖြစ်ပေါ်လာတတ်လေ့ရှိပါတယ်။
ဗုဒ္မဘာသာမှာ မလိုမုန်းထားမှု အမျက်ဒေါသကြီးမှု ညှင်းပန်းနှိပ်စက်မှု သတ်ဖြတ်မှု စသည် မပြုရပါဘူး။ မရှိပါဘူး။ ဘာသာတရားက ထိမ်းချုပ်ထားပြီးဖြစ်ပါတယ်။ ရန်ညိုးသိုဝှက်ခြင်း လက်တုံ့ ပြန်ခြင်း မပြုရန် သည်းခံခွင့်လွှတ်ရန် ဘာသာတရားကပင် ဆုံးမတားမြစ်ထားတဲ့အတွက် ဗုဒ္မဘာသာဝင်များဟာ  ထာဝရ ငြိမ်းအေးချမ်းသာကြပါတယ်။
ကမ္ဘာပေါ်က ဘယ်နိုင်ငံ ဘယ်လူမျိုးမဆို ဗုဒ္မအယူဝါဒအတိုင်း  မေတ္တာတရားရှေ့ထားပြီး မိမိအကျိုး သူတပါးအကျိုး မျှတညီညွတ်စွာ ချစ်ခင်သင့်တင့် ကြမယ်ဆိုရင် စစ်ပွဲ ဆိုတာ ရှိလာမှာ မဟုတ်ပါဘူး။ လူသားတွေရဲ့ ငြိမ်းချမ်းမှုကို ဖေါ်ဆောင်ပေးနိုင်တာ ဗုဒ္မ၀ါဒပါ။ေုဒ္မ၀ါဒ ပြန့် ပွားထွန်းလင်းဖို့ ဘဲ လိုပါတယ်။စွမ်းဆောင်နိုင်သူ ပုဂ္ဂိုလ်များက ကမ္ဘာအနှံ့ ဖြန့် ဖြူးပေးကြလိမ့်မယ် လို့  ယုံကြည် မျှော်လင့်ပါတယ်။      ။

Florist
 ကိုးကား .wikipedia

0 comments:

Post a Comment